Introduzzjoni
Għeżież tfal, tistgħu taraw dawn it-tfal f’din l-istampa? X’taħsbu li qegħdin jagħmlu? (It-tfal ser jagħtu xi suġġerimenti). Għandkom raġun, tfal, is-suġġerimenti tagħkom huma tajbin. Dik hija t-tifsira ta’ komunità, li aħna lkoll magħquda, inħobbu lil xulxin u ngħinu lil xulxin b’diversi modi. Komunità huma n-nies li jgħinuna.
Ejjew nisimgħu storja -‘Il-komunità tiegħi, aqra b’leħen għoli.
Riflessjoni
Il-komunità tiegħi, aqra b’leħen għoli
Wara li tkunu smajtu din l-istorja, it-tfal ser jitgħallmu min huma dawk in-nies li jagħmlu parti mill-komunità tagħna. Flimkien, tistgħu terġgħu ssemmuhom.
Let us sing together:
Attività/Logħba
Linja ta’ wieħed mal-ieħor tal-Jum it-twelid (‘Birthday’)
Skont min imissu, it-tfal igħidu id-data tat-twelid, meta jiċċelebraw jum it-twelid tagħhom. Wara, jiffurmaw linja li tibda bit-tfal li jiċċelebraw jum it-twelid tagħhom f’Jannar skont il-ġurnata, u tkompli sa dawk li jiċċelebraw jum it-twelid f’Diċembru. Jekk ikun hemm ħin, wieħed jista’ jagħmilha vice-versa.
Għanja
Sesame Street: Community Song with Mickey Goyton
Talba
Għażiż Alla, għin l-għajnejja jaraw it-tajjeb kollu, widnejja jisimgħu it-tajjeb kollu, idejja jagħmlu dak kollu li nista’, u saqajja joħduni fejn nista’ nkun ta’ għajnuna għall-komunità. Ammen.
Introduzzjoni
X’tifhem bil-kelma komunità?
(L-animatur jikteb il-kelma komunità fuq karta daqxejn kbira jew fuq il-bord interattiv u madwarha jikteb jew tikteb id-definizzjonijiet li jagħtu l-istudenti).
Riflessjoni
Komunità tfisser grupp ta’ nies li għandhom affarijiet komuni. Nies li jgħixu fl-istess żona, jattendu l-istess skola, jagħmlu l-istess attivitajiet jew għandhom sfond simili.
Attività
Attività
Tistà taħseb f’żewġ komunitajiet differenti li inti tagħmel parti minnhom?
(L-istudenti jagħmlu dan l-eżerċizzju b’mod individwali, imbagħad jaqsmu bejniethom. Jekk iridu jistgħu jiktbu jew ipinġu dwar il-komunitajiet tagħhom fuq biċċa karta.)
Għanja
Talba
Grazzi Mulej, tal-komunitajiet differenti tagħna. Bierek il-komunitajiet tagħna li aħna niffrekwentaw spiss u għinna biex inkunu dejjem lesti biex naqsmu l-imħabba tiegħek f’dawn il-komunitajiet. Ammen.
Introduzzjoni
Animatur: Bonġu/Waranofsinhar it-tajjeb, għeżież studenti!
Merħba għar-riflessjoni tal-lum fuq li tgħix l-imħabba permezz ta’ komunità. Illum, neżaminaw bir-reqqa l-importanza ta’ komunità fil-mixja tagħna tal-fidi u kif nistgħu ngħixu tassew
l-imħabba bejnietna.
Vidjo klipp
L-animatur jgħid lill-istudenti biex jaraw dan il-vidjo klipp qasir bit-titlu:
Animatur: Dak kien vidjo effettiv ħafna? Juri b’mod eċċellenti xi tfisser il-komunità f’ħajjitna. Issa, nirriflettu ftit fuq dak li għadna kif rajna u niddiskutu kif nistgħu napplikaw dawn
il-prinċipji f’ħajjitna.
Riflessjoni
Animatur: F’din id-dinja mgħaġġla huwa faċli li nispiċċaw ninqabdu fil-ħajja individwali tagħna, u nikkonċentraw biss fuq ix-xewqat u l-ambizzjonijiet tagħna. Imma Alla jsejħilna għal xi ħaġa akbar — li ngħixu f’komunità u nħobbu lil xulxin bħalma jħobbna Hu. Il-Bibbja tfakkarna din il-verità fil-ktieb ta’ Ġwanni 13,34.
“Ġorru l-piżijiet ta’ xulxin, u hekk twettqu l-liġi ta’ Kristu.”
Dan il-vers jenfasizza l-importanza li ngħinu u ngħollu kif nistgħu – moralment, pisikoloġikament u soċjalment – lil xulxin. M’aħniex imsejħa biex nimxu din il-mixja waħidna; għandna bżonn ta’ xulxin biex naqsmu l-ferħ u t-tbatijiet, ngħinu u ninkuraġġixxu lil xulxin. Permezz tal-komunità nistgħu jkollna esperjenza tabilħaqq tal-imħabba ta’ Kristu fl-azzjoni.
Mistoqsijiet
L-animatur jistaqsi dawn il-mistoqsijiet biex l-istudenti jipparteċipaw:
- Aħseb f’okkażjoni meta xi ħadd fil-komunità tiegħek uriek imħabba u għajnuna.
- Kif ġagħlek tħossok?
- X’effett kellha fik l-esperjenza fuq ħajtek?
Il-komunità għandha rwol importanti għax issawwarna u tagħmilna dak li aħna kemm bħala individwi u kemm bħala membri tal-istess komunità. Meta niġu flimkien fl-imħabba u l-għaqda, noħolqu ambjent fejn kulħadd iħossu li qed jiġi stmat u mgħejjun. Meta npoġġu l-fidi fiċ-ċentru tal-komunità, din issir post fejn aħna nistgħu nikbru, nitgħallmu u nidħlu aktar fil-qalba tar-relazzjoni tagħna m’ Alla.
Attività
Web/ whiteboard interattiv fejn jiġu diskussi u proposti aspetti diversi ta’ dan is-suġġett
L-animatur isaqsi mistoqsijiet bis-sehem tal-istudenti:
- Kif nistgħu noħolqu sens ta’ komunità fl-iskola jew fil-parroċċa tagħna?
- B’liema modi prattiċi nistgħu ngħinu u nuru mħabbitna lil xulxin?
- Qatt ġarrabt esperjenza meta l-komunità xprunata bil-fidi ngħaqdet biex tgħin kawża partikolari jew persuna fil-bżonn? X’effett kellha fuqek u fuq il-komunità?
Jekk jogħġbok ħu ftit tal-ħin biex tiddiskuti dawn il-mistoqsijiet ma’ student ieħor jew ikteb il-ħsibijiet tiegħek biex tirrifletti fuqhom personalment.
L-animatur jieqaf biex l-istudenti jkunu jistgħu jipparteċipaw.
Talba
Animatur: Ejja issa niġbru ħsibijietna w ndawru qalbna lejn Alla waqt li nitolbu.
Għażiż Mulej, nirringrazzjawk għar-rigal tal-komunità. Aħna grati għan-nies li tajtna f’ħajjitna li jgħinuna, iħobbuna u jispirawna biex dejjem inġibu ruħna bl-aħjar mod li nistgħu. Għinna nkunu konxji tal-ħtiġijiet tal-oħrajn u li dejjem infittxu manjieri kif inwessgħu n-numru ta’ dawk madwarna li nuru mħabbitna lejhom. Ammen
Konklużżjoni
Animatur: Grazzi, kulħadd, talli ngħaqqadtu magħna f’din ir-riflessjoni fuq kif ngħixu l-imħabba permezz tal-komunità. Iftakru li aħna msejħin inkunu d-dawl tad-dinja u li nuru mħabba fir-relazzjonijiet tagħna ta’ kuljum mal-oħrajn. Flimkien, ejja nħabirku biex nibnu komunità li għandha għeruqha fl-imħabba ta’ Kristu, fejn kulħadd iħossu milqugħ u mgħejjun. Jalla jkollkom jum imbierek!
Introduzzjoni
Animatur: Bonġu/Waranofsinhar it-tajjeb, għeżież studenti!
Merħba għar-riflessjoni tal-lum fuq li tgħix l-imħabba permezz ta’ komunità. Illum, neżaminaw bir-reqqa l-importanza ta’ komunità fil-mixja tagħna tal-fidi u kif nistgħu ngħixu tassew
l-imħabba bejnietna.
Vidjo klipp
L-animatur jgħid lill-istudenti biex jaraw dan il-vidjo klipp qasir bit-titlu:
What Is Community
Animatur: Dak kien vidjo effettiv ħafna? Juri b’mod eċċellenti xi tfisser il-komunità f’ħajjitna. Issa, nirriflettu ftit fuq dak li għadna kif rajna u niddiskutu kif nistgħu napplikaw dawn
il-prinċipji f’ħajjitna.
Riflessjoni
Animatur: F’din id-dinja mgħaġġla huwa faċli li nispiċċaw ninqabdu fil-ħajja individwali tagħna, u nikkonċentraw biss fuq ix-xewqat u l-ambizzjonijiet tagħna. Imma Alla jsejħilna għal xi ħaġa akbar — li ngħixu f’komunità u nħobbu lil xulxin bħalma jħobbna Hu. Il-Bibbja tfakkarna din il-verità fil-ktieb ta’ Ġwanni 13,34.
“Ġorru l-piżijiet ta’ xulxin, u hekk twettqu l-liġi ta’ Kristu.”
Dan il-vers jenfasizza l-importanza li ngħinu u ngħollu kif nistgħu – moralment, pisikoloġikament u soċjalment – lil xulxin. M’aħniex imsejħa biex nimxu din il-mixja waħidna; għandna bżonn ta’ xulxin biex naqsmu l-ferħ u t-tbatijiet, ngħinu u ninkuraġġixxu lil xulxin. Permezz tal-komunità nistgħu jkollna esperjenza tabilħaqq tal-imħabba ta’ Kristu fl-azzjoni.
Mistoqsijiet
L-animatur jistaqsi dawn il-mistoqsijiet biex l-istudenti jipparteċipaw:
- Aħseb f’okkażjoni meta xi ħadd fil-komunità tiegħek uriek imħabba u għajnuna.
- Kif ġagħlek tħossok?
- X’effett kellha fik l-esperjenza fuq ħajtek?
Il-komunità għandha rwol importanti għax issawwarna u tagħmilna dak li aħna kemm bħala individwi u kemm bħala membri tal-istess komunità. Meta niġu flimkien fl-imħabba u l-għaqda, noħolqu ambjent fejn kulħadd iħossu li qed jiġi stmat u mgħejjun. Meta npoġġu l-fidi fiċ-ċentru tal-komunità, din issir post fejn aħna nistgħu nikbru, nitgħallmu u nidħlu aktar fil-qalba tar-relazzjoni tagħna m’ Alla.
Attività
Web/ whiteboard interattiv fejn jiġu diskussi u proposti aspetti diversi ta’ dan is-suġġett
L-animatur isaqsi mistoqsijiet bis-sehem tal-istudenti:
- Kif nistgħu noħolqu sens ta’ komunità fl-iskola jew fil-parroċċa tagħna?
- B’liema modi prattiċi nistgħu ngħinu u nuru mħabbitna lil xulxin?
- Qatt ġarrabt esperjenza meta l-komunità xprunata bil-fidi ngħaqdet biex tgħin kawża partikolari jew persuna fil-bżonn? X’effett kellha fuqek u fuq il-komunità?
Jekk jogħġbok ħu ftit tal-ħin biex tiddiskuti dawn il-mistoqsijiet ma’ student ieħor jew ikteb il-ħsibijiet tiegħek biex tirrifletti fuqhom personalment.
L-animatur jieqaf biex l-istudenti jkunu jistgħu jipparteċipaw.
Talba
Animatur: Ejja issa niġbru ħsibijietna w ndawru qalbna lejn Alla waqt li nitolbu.
Għażiż Mulej, nirringrazzjawk għar-rigal tal-komunità. Aħna grati għan-nies li tajtna f’ħajjitna li jgħinuna, iħobbuna u jispirawna biex dejjem inġibu ruħna bl-aħjar mod li nistgħu. Għinna nkunu konxji tal-ħtiġijiet tal-oħrajn u li dejjem infittxu manjieri kif inwessgħu n-numru ta’ dawk madwarna li nuru mħabbitna lejhom. Ammen
Konklużżjoni
Animatur: Grazzi, kulħadd, talli ngħaqqadtu magħna f’din ir-riflessjoni fuq kif ngħixu l-imħabba permezz tal-komunità. Iftakru li aħna msejħin inkunu d-dawl tad-dinja u li nuru mħabba fir-relazzjonijiet tagħna ta’ kuljum mal-oħrajn. Flimkien, ejja nħabirku biex nibnu komunità li għandha għeruqha fl-imħabba ta’ Kristu, fejn kulħadd iħossu milqugħ u mgħejjun. Jalla jkollkom jum imbierek!