Merħba għal Flimkien 2025-26.
Din is-sena tistedinna nikbru fil-milja tal-ħajja – fil-ġisem, fil-moħħ, fil-qalb u fir-ruħ. Imsejsa fl-imħabba t’Alla, nimxu flimkien bħala komunità waħda, nieħdu ħsieb tagħna nfusna, ta’ xulxin u tad-dar komuni tagħna.
Aħna ferħanin li inti hawn. Ingħaqad magħna f’din il-mixja ta’ mħabba u l-milja tal-ħajja.
L-Iżvilupp Spiritwali fl-Iskejjel, flimkien mas-Segretarjat għall-Edukazzjoni Kattolika, se jkomplu jappoġġjaw lill-edukaturi li jixtiequ l-aħjar għall-istudenti tagħhom billi jagħtu sehemhom fil-bini ta’ komunità, billi jibdew mill-verità li Alla jħobb lil kull persuna u ħalaqna biex ikun hemm relazzjoni miegħu u bejnietna. Meta nagħrfu li aħna tassew maħbubin minn Alla, insiru aktar ħielsa biex inħobbu lill-oħrajn u naraw lil kull persuna bħala don.
Għalhekk, l-iskola għandha ssir komunità fejn kulħadd isib postu, fejn kulħadd hu mismugħ u fejn kuħadd jagħti sehmu. Din is-sejħa tista’ tiżviluppa permezz ta’ ħames movimenti: inkunu flimkien, nipparteċipaw flimkien, naqdu flimkien, niċċelebraw flimkien u nikbru flimkien. Permezz tal-preżenza, is-smigħ, ir-rispett, it-talb, il-maħfra u l-ħarsien tal-ħolqien, negħlbu l-esklużjoni u l-egoiżmu. Ġesù jimxi magħna, jgħaqqadna u jgħinna nibnu komunitajiet ta’ paċi u akkoljenza, fejn kulħadd jikber bħala familja waħda b’imħabba.
Alla ħalaqna biex nibnu relazzjonijiet. Sa mill-ewwel mumenti tal-ħajja, niddependu fuq l-oħrajn biex ngħixu, nikbru u nifhmu min aħna. Il-familji tagħna, l-iskejjel, il-ħbiberiji, il-knejjes, l-inħawi fejn ngħixu u l-ħolqien kollu, huma postijiet fejn nitgħallmu ngħixu flimkien.
Li nkunu flimkien ifisser aktar milli sempliċement inkunu fl-istess post flimkien. Ifisser li nagħrfu li kull persuna għandha post, vuċi u xi ħaġa ta’ valur x’toffri. Ifisser li nilqgħu d-differenzi ta’ xulxin, nieħdu ħsieb xulxin u naħdmu għall-ġid komuni. Fil-qalba ta’ dan il-vjaġġ hemm ir-relazzjoni tagħna ma’ Alla, li jħobbna u jiġborna flimkien bħala poplu wieħed.
L-identità tagħna tibda minn verità sempliċi: aħna maħbubin minn Alla.
“Intom il-magħżulin ta’ Alla, qaddisin u maħbubin.” (Kolossin 3:12)
Meta nagħrfu l-imħabba ta’ Alla, insiru aktar ħielsa biex inħobbu lill-oħrajn. Nibdew naraw lil kull persuna bħala don aktar milli bħala piż. Meta nitolbu, inkunu qegħdin inwieġbu lil Alla, li diġà sejħilna. Anke x-xewqa tagħna li nitolbu hija sinjal tal-istedina tiegħu.
L-edukazzjoni tieħu ħsieb lill-persuna kollha: il-moħħ, il-qalb, il-kuxjenza, ir-relazzjonijiet, il-libertà, ir-responsabbiltà u l-ftuħ lejn Alla. L-iskola hija aktar minn post fejn niksbu l-għarfien u niksbu r-riżultati. Hija komunità fejn nitgħallmu nikbru fir-relazzjonijiet tagħna magħna nfusna, mal-oħrajn, mal-ħolqien u ma’ Alla. Relazzjonijiet b’saħħithom jgħinu wkoll il-benesseri ta’ kull persuna u tal-komunità kollha.
It-tema ta’ Flimkien tiżviluppa permezz ta’ dawn il-ħames movimenti.
Inkunu Flimkien
Il-persuna tikber meta tħossha milqugħa, mismugħa u maħbuba. L-iskola għandha tkun komunità fejn kulħadd iħoss li għandu postu. Dan jitlob preżenza ġenwina u attenzjoni lejn dawk li jħossuhom waħedhom, mhux mismugħa jew esklużi.
Nipparteċipaw Flimkien
Kull persuna għandha vuċi u xi ħaġa x’tikkontribwixxi. Il-parteċipazzjoni tfisser li nisimgħu qabel nitkellmu, naqsmu l-ideat tagħna b’rispett u nagħmlu spazju għall-oħrajn. San Pawl iqabbel komunità ma’ ġisem ħaj. Kull membru għandu skop u għandu bżonn lill-membri l-oħra. Ħadd m’għandu jitqies bħala aħjar jew inqas minn ħaddieħor.
Naqdu Flimkien
Ġesù jgħallimna li l-imħabba ssir viżibbli permezz tal-qadi. Komunità tikber meta nagħrfu l-bżonnijiet tal-oħrajn u nwieġbu għalihom. Aħna msejħin noffru l-ħin, id-doni u r-riżorsi tagħna għall-ġid tan-nies u tal-ħolqien. Il-progress għandu jitkejjel mid-dinjità li tingħata lil kull persuna u mill-ġid li nibnu flimkien.
Niċċelebraw Flimkien
Komunità b’saħħitha tagħraf u tiċċelebra t-tjubija, l-isforzi u l-kontribut ta’ kull persuna. Bħala komunità Nisranija, niċċelebraw il-preżenza ta’ Alla fostna. Niltaqgħu fit-talb, nisimgħu l-Kelma tiegħu u nirringrazzjawh għall-ħajja, għan-nies ta’ madwarna u għall-ħolqien.
Nikbru Flimkien
L-egoiżmu, l-esklużjoni, il-bullying, il-kliem li jweġġa’, l-indifferenza, il-kompetizzjoni mhux sana u l-użu ħażin tat-teknoloġija jifirduna. Il-bidla tibda meta nagħrfu l-iżbalji tagħna, nitolbu maħfra u nagħżlu triq aħjar. Il-paċenzja, it-tjubija, l-umiltà, il-ħlewwa, il-maħfra, l-imħabba u l-gratitudni joħolqu relazzjonijiet li jfejqu u jagħmlu spazju għal kulħadd. It-tim tal-SDS qed jaħdem ma’ timijiet oħra fi ħdan il-Knisja Kattolika f’Malta li jaqdu lit-tfal u liż-żgħażagħ biex il-bidla tkun aktar effettiva. Dawn huma s-Segretarjat għall-Edukazzjoni Kattolika, il-Katekeżi Tul il-Ħajja, il-Kummissjoni Djoċesana Tfal, l-MCYN u l-Għaqda Nazzjonali tal-Abbatini Maltin.
Din is-sena, irridu ngħinu lill-iskejjel isiru aktar komunitajiet fejn ħadd ma jitħalla barra, kull persuna tinstema’ u kulħadd jieħu sehem. Dawn il-ħames movimenti jgħinuna nibnu kultura ta’ preżenza, smigħ, rispett, qadi, talb u bidla. Ġesù jimxi magħna, jgħaqqadna u jgħinna nsiru komunità li tilqa’, titgħallem, taqdi u tibni l-paċi. Fih insibu l-qawwa biex inħobbu u nikbru flimkien bħala familja waħda.
L-ippjanar flimkien mat-tmexxija tal-iskola u mat-tim tal-pastorali huwa essenzjali. Iktar ma nippjanaw minn kmieni, iktar nuru li l-iżvilupp pastorali u spiritwali huma vitali fil-ħajja tal-iskola. X’hemm bżonn li nippjanaw?
Riżorsi li jgħinuk tippjana
Dal-file huwa skema li tinkludi ideat u temi għal kull ġimgħa tas-sena skolastika:
SDS toffri numru ta’ programmi u servizzi biex jgħinu lill-komunità tal-iskola tikber fl-imħabba t’Alla. Esplora permezz tal-brochure li ssib iktar ‘l isfel u li ser tirċievi l-iskola bil-posta. Aħna ninkoraġġuk biex flimkien mar-religious counselllors / direttur spiritwali, tirrifletti fuq il-bżonnijiet tal-iskola, u tippjana l-attivitajiet spiritwali. Jekk ikun hemm bżonn tal-kontribut tal-SDS, imla l-formola li titlob servizz sabiex aħna norganizzaw il-kalendajru u naqduk. Ikkuntattjana jekk tixtieq titkellem magħna.
SDS-Brochure25-26Dawn l-ispazji ta’ talb huma relatati tat-tema tas-sena
 Olympic RingsThis prayer space, inspired by the interlocking rings of the Olympic Games, invites one to pray for oneself and those around. |
 One VineInspired by the biblical passage of the unity between the vine and the branches ( Jn 15: 5-19) this prayer space inspires one to appreciate and pray for unity specifically amongst Christians of different denominations. |
 Flame of FaithThroughout this prayer space one is encouraged to reflect on empathy through flames of an oil lamp. |
 Praying with NatureIn this prayer activity, one prays in nature while reflecting on memories and using technology to gain further knowledge. |
 Heart StringsIn this prayer space one is invited to express positive attitudes towards people who are different. |
 Beatitudes: PeaceIn this prayer space one thinks about situations of conflict and then prays on bringing peace and reconciliation. |
 Forgiveness StonesIn this prayer space one reflects on the good feeling of letting go and forgiving someone who caused pain. |
 Glass of Water |
 Bus BlessingsDuring this prayer activity, the participant can appreciate the relationships with their families and friends and be grateful to God and for them. |
 Building BlocksIn this prayer space one is asked to relfect on one’s daily actions and how such actions are helping to build a better world. |
Qari Adattat għat-tfal fl-Ewwel Ġimgħa tax-xahar.
Ħafna mill-iskejjel jiċċelebraw il-quddiesa fl-ewwel Ġimgħa tax-xahar. Ikklikja fuq il-buttuna tad-download biex tniżżel id-dokument li fih il-qari adattat tal-ewwel Ġimgħa tax-xahar għax-xhur ta’ bejn Ottubru 2026 u Ġunju 2027 bil-Malti.
Ikklikja fuq l-isem tax-xahar biex tniżżel il-PowerPoint presentation tal-Qari adattat bil-Malti.
 Ideas for Better Participation during Holy MassHelpful resources and ideas to celebrate the Eucharistic celebration in a more engaging and participative way. |
 Ħallu t-Tfal Jiġu GħandiF’dil-paġna diversi temi għaċ-ċelebrazzjoni tal-Quddiesa. Kull tema għandha qari relatat u diversi minnhom huma fi stil djalogat. Ibda għalhekk mill-bżonnijiet tal-komunità u għażel it-tema li tixtieq tippreżenta. |
 Sejjaħtilkom ĦbiebDawn ir-riżorsi huma maħluqa biex jkunu ta’ għajnuna għat-tfal biex jifmu u għalhekk jieħdu sehem aħjar fil-quddiesa. Hu importanti ħafna li t-tfal jifhmu dak li qegħdin jagħmlu – jagħrfu li bis-sehem tagħhom fil-quddiesa jkunu qegħdin ifaħħru ‘l Alla. |
Il-Kontribuzzjoni tiegħek hija wisq apprezzat
Jekk għandek riżorsi relatati mat-tema FLIMKIEN u tixtieq taqsamhom magħna u imla l-formola t’hawn taħt.
Matul ir-Randan, l-edukaturi huwa mistiedna għall-erba’ sessjonijiet ta’ Eżerċizzi Spiritwali ispirati mit-tema: Flimkien.
Dan is-sessjonijiet joffru spazju kalm ta’ talb, riflessjoni u dixxerniment, biex jgħinu lill-edukatuiri komplu jikbru fil-missjoni tagħhom ta’ kuljum megħjuna mit-Tagħlim Soċjali tal-Knisja.
Dati: 15 ta’ Frar, 23 ta’ Frar, 3 ta’ Marzu, 11 ta’ Marzu
Ħin: 8:00pm–9:00pm
Il-Postijiet fejn ser isiru s-sessjonijiet ser jitħabbru iktar ‘l quddiem.
Aktar dettalji jkunu ppublikati fix-xhur li ġejjin
It-tema għas-sena skolastika 2026–2027, Flimkien, tistieden lit-tfal jikbru fir-relazzjoni tagħhom ma’ Alla u ma’ xulxin. Permezz tal-Komunjoni, il-Parteċipazzjoni u l-Missjoni, l-istudenti jitgħallmu dwar kif jagħmlu parti mill-familja ta’ Alla, jikkontribwixxu għall-komunità tagħhom, u jesprimu l-imħabba ta’ Ġesù permezz ta’ kliemhom u għemilhom.
Din il-karta informattiva tintroduċi dawn it-tliet ideat b’lingwaġġ adattat għat-tfal, u tinkludi kalendarju ta’ animazzjoni ta’ stejjer, talb, servizz u attivitajiet djoċesani. Din l-infosheet li hija bil-Malti u bl-Ingliż, tgħaqqad it-tema fl-iskola ma’ opportunitajiet fil-parroċċi u fil-komunità usa’ tal-Knisja.
Ninkoraġġixxu lill-iskejjel jagħtu kopja lil kull student u jintroduċu fil-qosor il-kontenut tagħha matul lezzjoni jew sessjoni pastorali. Dil-kopja tgħin lill-istudenti jerġgħu jħarsu lejn it-tema, jiddiskutu l-attivitajiet mal-familji tagħhom, u jippjanaw il-parteċipazzjoni tagħhom. Jekk jogħġbok inkoraġġixxi lill-istudenti li ser jirċievu din l-infosheet biex jeħduha d-dar u jżommu l-kalendarju f’post fejn jidher sew.
Din ir-riżorsa hija huma mingħajr ħlas. Biex titlob kopji għall-iskola tiegħek, imla l-formola hawn taħt sal-15 ta’ Ottubru 2026 u indika kemm-il kopja teħtieġ.
Il-familji huma mistiedna jsegwu s-sit tal-Vikarjat għall-Koordinazzjoni Pastorali għal dettalji aġġornati dwar l-attivitajiet u informazzjoni dwar il-parteċipazzjoni.
Riżorsi
Inkunu Flimkien
Sessjoni dwar li Nibnu Relazzjonijiet Dejjiema u Komunjoni Vera
Nipparteċipaw Flimkien
Storja dwar il-Parteċipazzjoni, b'Mistoqsijiet għad-Diskussjoni.
Naqdu Flimkien
Ħidma Voluntarja: Ngħinu lill-istudenti biex jgħixu l-l-imħabba fl-azzjonijiet tagħhom permezz tas-servizz, volontarjat u s-sħubija.
Nikkomunikaw Flimkien
Serje ta' Riflessjonijiet fuq l-Etikett Diġitali
Nikbru Flimkien
Sessjoni dwar li Nikbru u Ninbidlu Flimkien f'Komunjoni, Parteċipazzjoni u Missjoni
Ħarsa lejn ir-Riżorsi
Il-mixja ta’ din is-sena tistieden lill-istudenti u lill-edukaturi jgħixu l-esperjenza ta’ li nkunu flimkien permezz tal-għażliet, ir-relazzjonijiet u l-azzjonijiet ta’ kuljum.
Nibdew billi nagħrfu l-valur tal-appartenenza. L-istudenti jirriflettu fuq dak li jgħin lil kull persuna tħossha milqugħa, rispettata, mismugħa u inkluża.
L-istudenti jesploraw kif kull persuna għandha xi ħaġa x’toffri. Jitgħallmu jisimgħu l-ilħna differenti, jaqsmu r-responsabbiltà u jieħdu sehem attiv fil-ħajja tal-komunità.
Li nkunu flimkien jieħu forma konkreta permezz tas-servizz. L-istudenti jirriflettu fuq kif il-ħin, il-kapaċitajiet u r-riżorsi tagħhom jgħinu lill-oħrajn, lill-komunità tal-iskola u lill-ħolqien.
L-istudenti jesploraw modi tajbin kif jikkomunikaw ma’ xulxin. Jipprattikaw is-smigħ, il-kliem bir-rispett, il-preżenza vera u l-komunikazzjoni wiċċ imb wiċċ meta jkun xieraq.
L-istudenti jirriflettu fuq il-bidliet meħtieġa fihom infushom u fir-relazzjonijiet tagħhom. Jaħsbu dwar il-maħfra, ir-rikonċiljazzjoni, il-paċi u l-għażliet li jgħinu lill-komunità tikber flimkien.
Permezz ta’ dawn il-movimenti, Flimkien jistieden lill-komunità tal-iskola timxi mill-appartenenza għall-parteċipazzjoni, mill-parteċipazzjoni għas-servizz, u mis-servizz lejn relazzjonijiet aktar b’saħħithom, ċelebrazzjoni u bidla pożittiva.
Programmi
 With Reading and Writing, I find a Beloved Space |
 Award in Creating & Animating Prayer Spaces |
 A Labyrinth Experience for Educators |