Merħba
Il-kap tal-iskola, l-SMT jew l-edukatur li jkun qed Imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-Immigranti huma dawk in-nies li jitilqu minn pajjiżhom biex imorru jgħixu ġo pajjiż ieħor. Dawn jagħmlu hekk minħabba li ma jkunux jistgħu jibqgħu joqogħdu f’pajjiżhom, u jivvjaġġaw għal pajjiż ieħor biex jgħixu ħajja aħjar. Ejjew nisimgħu din l-istorja:
Ara
Ħsieb Riflessiv
Ġesu’ Bambin kien bħal dawn l-immigranti. Twieled f’Betlem, imbagħad flimkien mal-Madonna u San Ġużepp, mar joqgħod f’post ieħor jismu Nażaret. Dawn in-nies jagħmlu hekk biex jgħinu lill-familja tagħhom tgħix aħjar, il-kbar imorru x-xogħol u t-tfal jkunu jistgħu jmorru l-iskola biex jitgħallmu.
Talba
Mulej Ġesù, grazzi tad-dar, tal-familja u ta’ dawk li jieħdu ħsiebna. Ħu ħsieb lil dawk it-tfal u nies li bħalissa qegħdin fil-vjaġġ biex imorru jgħixu ġo pajjiż ieħor. Wassalhom bis-sliem. Ammen
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-immigranti jħallu pajjiżhom biex imorru jgħixu f’pajjiż ieħor biex jgħixu ħajja aħjar. Dan jagħmluh ta’ bil-fors, ma jkollhomx għażla. Min ikollu bżonn isib xogħol aħjar, min minħabba r-reliġjon, il-politika, kif ukoll minħabba l-ekonomija. Ħafna tfal ibatu meta jgħaddu minn din is-sitwazzjoni u jkollhom bżonn ħafna għajnuna. Ejjew nisimgħu l-din il-kanzunetta:
Ara
Ħsieb Riflessiv
L-immigranti nsibuhom f’kull rokna tad-dinja. In-nies bdew jemigraw ħafna u ħafna snin ilu minħabba raġunijiet differenti. Ġesù wkoll għadda minn din l-esperjenza meta kien għadu tarbija. Twieled f’Betlem u ftit wara l-Madonna u San Ġużepp ħarbu bih lejn l-Eġittu biex jaħarbu mnn Erodi. Imbagħad komplew jivvjaġġaw biex imorru jgħixu ġewwa Nażaret. Ikun meħtieġ li dawn in-nies iħallu pajjiżhom, ma jkollhomx għażla. Għandhom dritt jgħixu ħajja aħjar.
Talba
Mulej Ġesù, nitolbuk għall-emigranti li bħalissa qed jissettiljaw Malta. Għinna nżommu f’moħħna s-sagrifiċċji li jagħmlu biex jaddattaw ruħhom u nagħtuhom l-għajnuna li għandhom bżonn. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-immigranti jgħallmuna nagħrfu x’inhuma l-vera bżonnijiet fil-ħajja. Huma jiddeċiedu li jmorru jgħixu ġo pajjiż ieħor, anke jekk jivvaġġaw fit-tul, biex jgħixu ħajja aħjar, iħossuhom aħjar u jkollhom l-abbilità li jgħinu lill-oħrajn. Ejjew naraw flimkien l-esperjenzi ta’ dawn iż-żgħażagħ li emigraw:
Ara
Ħsieb Riflessiv
Illum l-emmigranti jinsabu madwar id-dinja kollha, anke f’pajjiżna. Huma jħallu pajjiżhom minħabba diffikultajiet varji li jiffaċċjaw. Kif rajna, meta jmorru fil-pajjiż li se jgħixu fih, ukoll isibu diffikultajiet kbar. Ikollhom bżonn min jifhimhom iktar u l-għajnuna biex jaddattaw għall-kultura tal-pajjiż. Ġesù kien bħalhom. Twieled f’Betlem biex titwettaq il-profezija tal-profeta Mikea. Meta kellu kważi sentejn, Marija u Ġużeppi ħarbu bih lejn l-Eġittu biex jaħarbu minn Erodi, imbagħad marru jgħixu Nażaret. Bħal Ġesu’, dawn l-immigranti jmorru jgħixu f’post ieħor għax ma jkollhomx għażla u ġieli jkunu mġiegħla. Kif nista’ nkun t’għajnuna biex dawn in-nies iħossuhom aħjar?
Talba
Alla Missier li tant tħobbna, itfa’ ħarstek fuq l-immigranti f’pajjiżna u madwar id-dinja. Għinhom ma jaqtgħux qalbhom li l-ħolm tagħhom jista’ jsir realtà. Fakkarhom li għalik xejn ma hu impossibli. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-immigranti jgħallmuna nagħrfu x’inhuma l-vera bżonnijiet fil-ħajja. Huma jiddeċiedu li jmorru jgħixu ġo pajjiż ieħor, anke jekk jivvaġġaw fit-tul, bit-tama li jgħixu ħajja aħjar u jħossuhom aħjar u jkollhom l-abbilità li jgħinu lill-oħrajn. Ejjew naraw flimkien l-esperjenzi ta’ dawn iż-żgħażagħ li emigraw:
Ara
Ħsieb Riflessiv
Illum l-emmigranti jinsabu madwar id-dinja kollha, anke f’pajjiżna. Huma jħallu pajjiżhom minħabba diffikultajiet varji li jiffaċċjaw. Kif rajna, meta jmorru fil-pajjiż li se jgħixu fih, ukoll isibu diffikultajiet kbar. Ikollhom bżonn min jifhimhom iktar u l-għajnuna biex jaddattaw għall-kultura tal-pajjiż. Ġesù kien bħalhom. Twieled f’Betlem biex titwettaq il-profezija tal-profeta Mikea. Meta kellu kważi sentejn, Marija u Ġużeppi ħarbu bih lejn l-Eġittu biex jaħarbu minn Erodi, imbagħad marru jgħixu Nażaret. Bħal Ġesu’, dawn l-immigranti jmorru jgħixu f’post ieħor għax ma jkollhomx għażla u ġieli jkunu mġiegħla. Kif nista’ nkun t’għajnuna biex dawn in-nies iħossuhom aħjar?
Talba
Alla Missier li tant tħobbna itfa’ ħarstek fuq l-immigranti f’pajjiżna u madwar id-dinja. Għinnhom ma jaqtgħux qalbhom li l-ħolm tagħhom jista’ jsir realtà. Fakkarhom li għalik xejn m’huwa impossibli. Ammen.
