Din għalik Miss!
Din għalik Sir!
Tista’ taqra r-riflessjoni t’hawn taħt jew tagħfas il- play’ button biex tismgħha
Kif naraw fil-Ktieb ta’ Koħèlet “kollox għandu żmienu”,
Is-soltu, dan iż-żmien tas-sena jkun ikkaratterizzat minn lista bla tarf ta’ tħejjija:
- nżejjnu,
- nippreparaw għall-festin tal-klassi,
- nixtru r-rigali għat-tfal,
- nippjanaw programm speċjali….fil-waqt li norganizzaw l-preparazzjonijiet personali għal dan il-lejl qaddis.
Din is-sena, kif diġa rajna, kienet differenti. Huwa żmien li nieħdu pass lura….biex nosservaw u nirriflettu.
L-għalliema jinvestu tant ħin biex jagħtu l-isbaħ esperjenza tal-Milied lill-istudenti, li kultant jinsew li l-Milied ġie għalihom ukoll!
Il-Milied ġie għalik ukoll! It-twelid ta’ Ġesu’ għalik ukoll.
U billi din is-sena mhux ser nkunu mħabtin bil-festini u avvenimenti, prova ħu ftit ħin sabiex tgħodos fis-sbuħija awtenika ta’ dawn il-festi.
Fil-waqt li huwa ħasra li ser niċċaħdu milli naqsmu l-ispirtu tal-Milied flimkien, min-naħa l-oħra jaf jkun żmien li jimbuttana sabiex ninżlu fil-fond tas-sens veru ta’ dawn iż-żminijiet u nsibu l-ispirtu tal-Milied f’ qalbna.
Gawdi daż-żmien fis-sempliċita – affarijiet żgħar li jġibu ferħ – l-istess ferħ li Ġesu’ ġab miegħU fit-twelid. Ħu dan il-ferħ u ġorru f’qalbek, u aħseb…kif tista’ taċċetta iżjed paċi ta’ Ġesu’ f’ ħajtek?
Isma’ l-kelma u ħalliha tidħol f’ qalbek: