Introduzzjoni
Animatur – Tfal, matul dan ix-xahar niċċelebraw festa kbira. X’festa hi?
Il-Milied! Il-festa ta’ meta twieled Ġesù Bambin u sar tifel bħalna.
Ejjew inkantaw flimkien Ninni la Tibkix Iżjed.
L-Istorja tal-Istalla
Animatur – Se naraw ftit, liema kienu l-annimali li kienu ħdejn Ġesù meta twieled fl-istalla tal-annimali.
L-annimali li kienu preżenti huma:
Il-Ħmara
In-Ngħaġ
L-Istorja tal-Milied
(Luqa 2:1-7)
Animatur: Issa se naqraw l-istorja tal-Milied ħalli naraw għalfejn Ġesù twieled ġo stalla.
L-animatur jirrakkonta l-istorja fi kliemu biex kemm jista’ jkun jinżel għal-livell tat-tfal. Filwaqt li qed jirrakkonta jista’ jurihom din l-istampa.
F’dik il-ħabta Ċesari Awgustu ħareġ digriet biex isir ċensiment fid-dinja kollha. Dan kien l-ewwel ċensiment li sar meta Kirinu kien gvernatur tas-Sirja. U kulħadd mar biex jinkiteb, kull wieħed fil-belt tiegħu. Ġużeppi wkoll mar mill-Galilija, mill-belt ta’ Nazaret, t tala’ l-Lhudija, fil-belt ta’ David jisimha Betlehem – għax hu kien mid-dar u l-familja ta’ David – biex jinkiteb flimkien ma’ Marija l-għarusa tiegħu, li kienet tqila. Ġara li meta kienu hemm, Marija għalqilha ż-żmien biex teħles, u wildet l-ewwel iben tagħha, fisqietu u medditu f’maxtura, għax ma kienx hemm post għalihom fil-lukanda.
Mima
L-animatur jerġa’ jaqra l-istorja u t-tfal jagħmlu dawn il-ġesti meta jisimgħu: Ġużeppi, Marija u Trabija.
Ġużeppi – raġel twil
Marija – titbissem
tarbija jew iben/tifel -Inbennu flimkien lit-tarbija Ġesù
Mistoqijiet/Diskussjoni Qasira
Min huma n-nies li jissemmew fl-istorja? Ġesù, Ġużeppi u Marija
Għaliex Ġużeppi mar Betlem? Biex jinkiteb fil-lista, u jħallas it-taxxa.
Fejn midditu lil-Bambin, Marija? Ġo maxtura
Għalfejn kienu ġo stalla? Għax ma kienx hemm post fil-lukanda.
Kanzunetta – Jesus Saviour of the World
Talba
Ġesu Bambin, aħna nħobbuk ħafna.
Introduzzjoni
Animatur – Għeżież studenti, ninsabu fix-xahar ta’ Diċembru li fih niċċelebraw il-festa sabiħa tal-Milied. Xi jfisser il-Milied għalikom? Għatuni kliem li x’ħin isemmuhom ifakkrukom fil-Milied.
Din l-attività tista’ ssir b’mod orali u tista’ wkoll fuq l-interactive jew white board, fiċ-ċentru tikteb il-kelma Milied, u madwarha tniżżel dak kollu li jgħidu l-istudenti.
Kanzunetta – Milied Qaddis
L-Eroj fl-Istorja tal-Milied
- Santa Eliżabetta u t-twelid ta’ San Battista
2. L-Anġlu Gabrijel iħabbar lil Marija
3. L-Anġlu jidher lil San Ġużepp
4. Il-Maġi li waqqfu lis-Sultan Erodi milli jagħmel ħsara lil Ġesù tarbija.
5. Il-Maġi jaduraw lil Ġesù
6. L-anġli jwasslu l-aħbar it-tajba li twieled Ġesù lir-rgħajja
7. Ir-rgħajja jmorru Betlem jaraw lil Ġesù Bambin u lura lejn djarhom jirringrazzjaw u jfaħħru lil Alla.
8. Ġużeppi u Marija jippreżentaw lil Ġesù fit-tempju
Diskussjoni
L-istudenti jistgħu jiffurmaw ruħhom f’pari. Fuq karta kull par jikteb it-tweġibiet tiegħu għal dawn is-sitwazzjonijiet, u wara jiġu diskussi mal-klassi kollha.
Jamie u Natalie huma aħwa. Dan l-aħħar kienu qed jiġġieldu ħafna bejniethom. Jgħajru lil xulxin, jieħdu l-affarijiet ta’ xulxin, u jikxfu lil xulxin mal-ġenituri tagħhom. Bħalissa m’hemmx paċi fid-dar tagħhom, għalkemm jixxerjaw l-istess kamra. X’għamdhom jagħmlu?
Ġesu’ ġab il-paċi. Aħna kif nistgħu nkompli nwasslu l-paċi tiegħu?
Eżerċizzju Flimkien – Insaħħu l-Paċi Bejnietna
Fuq karta l-istudenti jiktbu l-kelma PAĊI, u taħtha jiktbu:
“Jiena nħallilkom is-sliem; nagħtikom s-sliem tiegħi.” (Ġw 14:27)
Jħallu dan il-messaġġ fejn jarawh spiss.
Eżerċizzju Individwali
Animatur: Illum, anke permezz tar-rakkont li smajna, tgħallimna dwar it-twelid ta’ Ġesù. Aħna lkoll twelidna. Se nistaqsikom xi mistoqsijiet li nixtieq li twieġbuhom.
Jiena twelidt………(semmi l-pajjiż)
Meta twelidt ommi libbsitni………(ħwejjeġ)
Kieku kellek tivvjaġġa ħamsin kilometru mal-familja, kontu…..
Meta twelidt ġew jarawni…..(nies)
Ħafna drabi l-Ħadd filgħodu jiena nkun….
Meta nikber nixtieq insir……..
Talba
Grazzi Ġesù Tarbija li twelidt għalina biex iġġib il-paċi fid-dinja. Għinna naċċettaw il-paċi li tatina inti biss biex nagħrfu x’għandna nagħmlu fid-diffikultajiet li niltaqgħu magħhom fil-ħajja u ma naqtgħux qalbna.
Kanzunetta – Sliem Fuq Din l-Art
Ħin
30 minuta
L-għan
L-istudenti jifhmu li l-paċi tista’ tinkiseb tassew jekk nitgħallmu nħobbu, naċċettaw u naħfru lill-oħrajn.
Kisbiet tat-Tagħlim
- L-istudenti se jkunu jistgħu jsemmu eżempji prattiċi ta’ kif iħobbu u jirrispettaw sinċerament kemm mal-familja, l-iskola, il-ħbieb u f’komunitajiet oħra li jiffrekwentaw.
- Jispjegaw li l-imħabba hija deċiżjoni responsabbli li l-persuna tagħżel.
Riżorsi
PowerPoint presentation, interactive whiteboard
Introduzzjoni
L-ewwel pass
(Slide 1-2) L-animatur jibda billi jistaqsi lill-istudenti din il-mistoqsija: Xi jfisser għalik il-Milied? L-istudenti jistgħu jwieġbu bil-fomm jew jiktbu t-tweġibiet tagħhom fuq il-whiteboard interattiv jew fuq karta kbira jew flip chart. Imbagħad jikkummenta dwar it-tweġibiet tal-istudenti u jħeġġiġhom jiddiskutu dak li kitbu.
Żvilupp tal-Lezzjoni
It-tieni pass
(Slide 3)
Imbagħad l-animatur jitlob lill-istudenti jaraw dan il-filmat:
It-tielet pass
(Slide 4) Fi tmiem il-filmat l-animatur jistaqsi lill-istudenti dawn il-mistoqsijiet biex iħeġġiġhom jagħtu l-opinjoni tagħhom.
Fuqhiex inhu dal-filmat?
X’taħseb li hu l-messaġġ tal-filmat?
Kif nistgħu nagħtu l-Milied tifsira iktar profonda?
X’nistgħu nagħmlu biex inferrħu lill-oħrajn fil-Milied?
Ir-raba’ pass
(Slide 5-10) L-animatur is-slajds biex l-istudenti jagħtu eżempji prattiċi ta’ kif jistgħu jġibu l-ferħ fil-Milied billi jkunu ta’ għajnuna, jaqsmu r-responsabbiltajiet jew id-dmirijiet, joffru l-ħin tagħna biex ngħinu u nisimgħu lill-oħrajn, nistiednu lil xi ħadd li huwa waħdu biex jingħaqad mal-ħbieb u l-attivitajiet tagħna, jilħaq, ikun ġeneruż mal-foqra u dawk fil-bżonn.
Il-ħames pass
(Slide 11) L-animatur jagħti struzzjonijiet lill-istudenti li se jispiċċaw bit-talba għall-paċi minn San Franġisk.
Ħin
30 minuta
L-għan
L-istudenti jifhmu li l-paċi tista’ tinkiseb tassew jekk nitgħallmu nħobbu, naċċettaw u naħfru lill-oħrajn.
Kisbiet tat-Tagħlim
- L-istudenti se jkunu jistgħu jsemmu eżempji prattiċi ta’ kif iħobbu u jirrispettaw sinċerament kemm mal-familja, l-iskola, il-ħbieb u f’komunitajiet oħra li jiffrekwentaw.
- Jispjegaw li l-imħabba hija deċiżjoni responsabbli li l-persuna tagħżel.
Riżorsi
PowerPoint presentation, interactive whiteboard
Introduzzjoni
L-ewwel pass
(Slide 1-2) L-animatur jibda billi jistaqsi lill-istudenti din il-mistoqsija: Xi jfisser għalik il-Milied? L-istudenti jistgħu jwieġbu bil-fomm jew jiktbu t-tweġibiet tagħhom fuq il-whiteboard interattiv jew fuq karta kbira jew flip chart. Imbagħad jikkummenta dwar it-tweġibiet tal-istudenti u jħeġġiġhom jiddiskutu dak li kitbu.
Żvilupp tal-Lezzjoni
It-tieni pass
(Slide 3)
Imbagħad l-animatur jitlob lill-istudenti jaraw dan il-filmat:
It-tielet pass
(Slide 4) Fi tmiem il-filmat l-animatur jistaqsi lill-istudenti dawn il-mistoqsijiet biex iħeġġiġhom jagħtu l-opinjoni tagħhom.
Fuqhiex inhu dal-filmat?
X’taħseb li hu l-messaġġ tal-filmat?
Kif nistgħu nagħtu l-Milied tifsira iktar profonda?
X’nistgħu nagħmlu biex inferrħu lill-oħrajn fil-Milied?
Ir-raba’ pass
(Slide 5-10) L-animatur is-slajds biex l-istudenti jagħtu eżempji prattiċi ta’ kif jistgħu jġibu l-ferħ fil-Milied billi jkunu ta’ għajnuna, jaqsmu r-responsabbiltajiet jew id-dmirijiet, joffru l-ħin tagħna biex ngħinu u nisimgħu lill-oħrajn, nistiednu lil xi ħadd li huwa waħdu biex jingħaqad mal-ħbieb u l-attivitajiet tagħna, jilħaq, ikun ġeneruż mal-foqra u dawk fil-bżonn.
Il-ħames pass
(Slide 11) L-animatur jagħti struzzjonijiet lill-istudenti li se jispiċċaw bit-talba għall-paċi minn San Franġisk.