Merħba
Il-kap, l-assistenti kapijiet jew l-edukatur li qed imexxi l-assembly jindirizza lill-istudenti b’mod pożittiv billi jawgura l-għodwa t-tajba lil kulħadd. Tista’ tibda l-assembly bir-radd tas-salib: “Fl-isem tal-Missier, u tal-Iben, u tal-Ispirtu s-Santu. Ammen.”
Introduzzjoni
Il-Ħadd 25 ta’ April huwa l-Jum Dinji għat-talb għall-vokazzjonijiet. Bħala skola ddeċidejna li niddedikaw din l-assembly biex nitolbu għal aktar vokazzjonijiet reliġjużi u biex insiru aktar konxji li għandna nirrispettaw lil dawk kollha li qegħdin jagħtuna servizz.
Ara
Ħsieb Riflessiv
Kull vokazzjoni hija sejħa biex nagħmlu użu mill-ħiliet u mit-talenti biex nagħmlu lid-dinja post aħjar milli hi. Aħna għandna nagħmlu użu mill-kreattività tagħna biex inkunu ta’ servizz għall-oħrajn. Hija sejħa biex nagħmlu t-tajjeb fid-dinja. Huwa dmir tagħna li nirrispettaw lil kull min qiegħed jagħmel l-aħjar li jista’ fis-servizz ta’ Alla fid-dinja. Xi wħud mill-vokazzjonijiet li naraw madwarna huma s-saċerdoti, il-koppji miżżewġa, dawk li mhumiex miżżewġa, l-għalliema, ir-riċerkaturi, il-mexxejja, jew il-frontliners (dawk li qegħdin fuq quddiem biex jaqdu u jgħinu lill-oħrajn).
Talba
Għażiż Alla, aħna nitolbuk biex tagħtina l-kuraġġ biex kull wieħed u waħda minna nsibu l-vokazzjoni tagħna. Jalla dejjem nirrispettaw il-vokazzjonijiet kollha, b’mod partikolari f’dawn iż-żminijiet, il-vokazzjonijiet ta’ dawk li għandhom x’jaqsmu mal-proċess tal-għoti tal-vaċċin kontra l-COVID-19. Ammen.
Idea Addizzjonali
