Ngħixu l-Imħabba permezz tar-Rikonċiljazzjoni

Merħba

Il-kap tal-iskola, SLT jew edukatur li qed janima r-riflessjoni jagħti merħba lill-istudenti u jgħinhom jikkalmaw u jikkonċentraw. Wieħed jista’ jibda r-riflessjoni bir-radd tas-salib jew b’minuta silenzju.

Filmat Qasir

L-edukatur jistieden l-istudenti jaraw dan il-vidjo qasir, segwit minn riflessjoni u talba qasira.

L-istorja ta’ żewġt iħbieb – Lezzjoni qasira fuq il-maħfra:

Riflessjoni

Ir-rikonċiljazjoni huwa process li jitlob l-umiltà, l-empatija, li tgħinna nissimpatizzaw mas-sentimenti ta’ ħaddieħor, u rieda li taħfer. Ir-rikonċiljazzjoni tgħinna nibnu relazzjonijiet aktar b’saħħithom u noħolqu ambjent fejn kulħadd ikollu moħħu mistrieħ għax iħossu rispettat u apprezzat.

Jekk nipprattikaw r-rikonċiljazzjoni nistgħu nitgħallmu nsolvu l-konflitti b’mod paċifiku waqt li nikbru flimkien bħala komunità.

Talba

Għażiż Alla, agħtina l-kuraġġ li nikkomunikaw ma’ dawk li weġġajna jew dawk li weġġgħuna, waqt li nkabbru l-firxa ta’ dawk li nħobbu, nifhmu u naħfru.