Ngħixu l-Imħabba permezz tal-Paċi u Ġenerosità

Merħba

Il-kap tal-iskola, SLT jew edukatur li qed janima r-riflessjoni jagħti merħba lill-istudenti u jgħinhom jikkalmaw u jikkonċentraw. Wieħed jista’ jibda r-riflessjoni bir-radd tas-salib jew b’minuta silenzju.

Filmat Qasir

L-edukatur jistieden l-istudenti biex jaraw dan il-vidjo qasir, segwit b’riflessjoni u talba żgħira.

Il-ġenerożità ta’ dawn in-nies ser jagħtuk l-emozzjonijiet kollha:

Riflessjoni

Li tgħix l-imħabba permezz tal-paċi w l-ġenerożità huwa mod sabiħ kif tiffaċċja l-ħajja. Ifisser li ġġib ruħek mal-oħrajn b’ġentilezza, billi tifhimhom u tirrispettahom.  Meta ngħixu bl-imħabba, aħna nagħżlu li nsolvu l-konflitti bil-paċi minflok billi noqogħdu niġġieldu jew nargumentaw.

Nipprattikaw l-ġenerożità billi naqsmu l-ħin, it-talenti u r-riżorsi tagħna mal-oħrajn li jkunu fil-bżonn. Dawn l-għemejjel ta’ ġenerożità mhux biss iħallu impatt pożittiv fuq l-oħrajn, imma wkoll iġibu ferħ u sodisfazzjon ġewwa qalbna.

Meta ngħixu l-imħabba permezz tal-paċi w l-ġenerożità, nistgħu noħolqu dinja fejn kull wieħed iħossu li jiswa u li qed jieħdu ħsiebu. Aħna msejħin nkunu strumenti tal-imħabba t’Alla fid-dinja, billi nxerrdu l-paċi w l-ġenerożità kull fejn mmorru.

Talba

Għażiż Alla, għallimna l-ferħ tal-ġenerożità biex naqsmu minn jeddna l-barkiet Tiegħek mal-oħrajn. Nitolbu sabiex il-qlub tagħna jinfetħu għall-ħtiġijiet tal-oħrajn, tispirana biex nagħtu b’altruiżmu, għax nafu li meta nagħmlu hekk inkunu qed nirriflettu l-Imħabba kbira Tiegħek.