Introduzzjoni
Kulħadd jieħu pjaċir jiġi apprezzat, u meta xi ħadd jinduna bl-azzjoni tajba ta’ xi ħadd u jgħid ‘Grazzi’, dak li jkun għamel l-azzjoni jifraħ. Huwa importanti li nużaw il-kelma maġika ‘Grazzi’ kuljum.
Riflessjoni
Meta kienet l-aħħar darba li xi ħadd wriek apprezzament? Dik hija l-manjiera/emozzjoni li wera lejk għal dak li għamilt għalih. Kif ħassejtek? (Agħti ħin lit-tfal biex jagħtu t-tweġibiet). Permezz tal-gratitudni, wieħed jista’ jsaħħaħ ir-relazzjoni tiegħu/tagħha mal-oħrajn u jitgħallem li l-gratitudni żżid l-ferħ.
Attività
Il-logħba tal-Alfabett tal-Grazzi
Ikteb l-ittri tal-alfabett waħda wara l-oħra, jew jekk l-animatur isib l-għajnuna, dawn jistgħu jinkitbu minn qabel fuq bord interattiv jew fuq karta A3 . Għal kull ittra tal-alfabett, it-tfal isemmu xi ħaġa li għaliha huma grati, u fl-istess ħin jitgħallmu jirriflettu fuq il-barkiet tagħhom.
Vidjo Klipp
Gratitudni
Talba
Għażiż Alla, għinna nkunu dejjem grati għal dak li għandna u li qatt ma nkunu mdejqa meta xi ħaġa ma tiġix kif xtaqna aħna. Ammen.
Introduzzjoni
Huwa essenzjali ħafna li fil-ħajja tagħna ta’ kuljum, li xi drabi hija mgħaġġla ħafna, insibu ħin biex nuru gratitudni lil Alla għal dak kollu li qed jagħmel magħna permezz ta’ nies u ċirkustanzi. Nirringrazzjaw ukoll lil persuni li jissapportjawna b’ħafna modi.
Riflessjoni
Gratitudni tfisser tgħid grazzi. Meta turi gratitudni lill-oħrajn, din il-ħaġa tgħinnek biex issaħħaħ ir-relazzjonijiet tiegħek. Wieħed jista’ juri gratitudni b’diversi modi, bħal japprezza dak kollu li għandu, jirrifletti fuq il-barkiet ta’ kuljum, jaqdi lill-oħrajn, juża’ t-talenti b’mod tajjeb, u jagħmel dak li jiġi mqabbad jagħmel b’kawtela.
Attività
Fil-journal tagħhom, jew karta plain it-tfal jiktbu journal ta’ gratitudni billi jużaw l-immaġinazzjoni tagħhom.
Vidjo Klipp
Storja dwar il-gratitudni
Talba
Mulej, għinni biex nagħraf nuri gratitudni f’kull sitwazzjoni li ngħaddi minnha u nemmen li permezz ta’ dawn iċ-ċirkustanzi inti qiegħed tibgħatli l-imħabba bla tarf tiegħek. Ammen.
Introduzzjoni
Animatur: Bonġu/waranofsinhar it-tajjeb, għeżież studenti!
Nilqgħukom għar-riflessjoni tal-lum fuq li tgħix l-imħabba permezz tal-gratitudni. Aħna li nimxu wara Kristu, aħna msejħa li nrawmu attitudni ta’ gratitudni, għax nirrikonoxxu l-barkiet kotrana f’ħajjitna, waqt li nesprimu gratitudni lejn Alla u l-oħrajn. Illum, ser niflu l-qawwa tal-gratitudni u kemm din tista’ ġġib bidliet, u kif tista’ ssawwar qlubna u r-relazzjonijiet tagħna.
Vidjo Klipp
L-animatur igħid lill-istudenti jaraw dan il-vidjo klipp qasir, intitolat:
A Moving Story About Gratitude
Animatur: Hux kien sabiħ dan il-vidjo? Ifakkarna fil-qawwa tal-gratitudni li tbiddel il-mod kif naraw l-affarijiet u kif inrawmu qalb ta’ mħabba. Issa, noqogħdu ftit nirriflettu fuq dak li għadna kif rajna u niddikutu kif nistgħu nħaddnu l-gratitudni f’ħajjitna.
Riflessjoni
Animatur: Il-Bibbja ssejħilna nkunu nies ta’ gratitudni, li għandna nirringrazzjaw il-ħin kollu lil Alla għat-tjubija Tiegħu u l-barkiet li sawwab fuqna. F’ 1 Tessalonkin 5:18, naqraw:
“F’kollox għandek tgħid grazzi, għax dan hu li jrid Alla minnek f’Ġesù Kristu.”
Dawn il-kliem iħeġġuna nrawmu qalb grata f’kull ċirkostanza. Il-gratitudni tgħinna ndawru l-attenzjoni tagħna minn dak li m’għandniex għal dak li għandna, u b’hekk inkunu nistgħu napprezzaw id-doni u l-barkiet kotrana li bihom aħna mdawrin kuljum.
L-animatur jistieden lill-istudenti biex jiftakru f’xi okkażjoni fejn espresjoni ta’ gratitudni biddlet sitwazzjoni diffiċli jew ġabet ferħ lil ħajjithom jew f’dik ta’ ħaddieħor.
L-animatur jagħmel waqfa biex l-istudenti jipparteċipaw.
Animatur: Il-gratitudni mhix xi sentiment li jgħaddi malajr, imma hija mod ta’ ħajja. Jiftaħ qalbna għas-sbuħija tal-mument preżenti u jinkuraġġixxi konnessjonijiet aktar profondi ma’ Alla u ma’dawk madwarna.
Attività
L-animatur isaqsi dawn il-mistoqsijiet biex jipparteċipaw l-istudenti.:
- Kif nistgħu nipprattikaw gratitudni fil-ħajja ta’kuljum, anki meta jkollna sfidi u diffikultajiet?
- Semmi xi ftit modi prattiċi kif nistgħu nesprimu gratitudni lejn Alla u lejn l-oħrajn. Kif nistgħu nagħmlu l-gratitudni parti mir-relazzjonijiet tagħna w l-komunikazzjonijiet mal-oħrajn?
- Hemm xi qaddisin speċifiċi jew figure bibliċi li l-eżempji tagħhom ta’ gratitudni jispirawk? Kif l-eżempju tagħhom iħeġġek tgħix ħajja ta’ gratitudni?
L-animatur jistieden l-istudenti joqogħdu ftit jiddikutu dawn il-mistoqsijiet ma’ ħbiebhom jew jiktbu ħsibijiethom għar-riflessjoni personali.
L-animatur jagħmel waqfa biex l-istudenti jipparteċipaw.
Talba
Animatur: Ejja issa niġbru ħsibijietna u ndawru qlubna lejn Alla waqt li nitolbu.
Għażiż Mulej, grazzi għall-barkiet kotrana li ssawwab fuqna. Iftaħ għajnejna għas-sbuħija li hawn madwarna u agħmel li qlubna jkunu mimlija bi gratitudni.
Fl-isem ta’ Ġesù Kristu, li wriena t-triq tal-gratitudni u tar-ringrazzjament, nitolbu, Amen.
Animatur: Grazzi lilkom li ngħaqqaddtu magħna llum f’din ir-riflessjoni fuq li tgħix l-imħabba permezz tal-gratitudni. Jalla ħajjitna tkun immarkata bi spirtu ta’ gratitudni, waqt li nħaddnu l-qawwa li ġġib il-bidla tal-gratitudni.
Ikollkom ġurnata mbierka!
Introduzzjoni
Animatur: Bonġu/waranofsinhar it-tajjeb, għeżież studenti!
Nilqgħukom għar-riflessjoni tal-lum fuq li tgħix l-imħabba permezz tal-gratitudni. Aħna li nimxu wara Kristu, aħna msejħa li nrawmu attitudni ta’ gratitudni, għax nirrikonoxxu l-barkiet kotrana f’ħajjitna, waqt li nesprimu gratitudni lejn Alla u l-oħrajn. Illum, ser niflu l-qawwa tal-gratitudni u kemm din tista’ ġġib bidliet, u kif tista’ ssawwar qlubna u r-relazzjonijiet tagħna.
Vidjo Klipp
Mr Thankful || A Harvest Short Film
Animatur: Hux kien sabiħ dan il-vidjo? Ifakkarna fil-qawwa tal-gratitudni li tbiddel il-mod kif naraw l-affarijiet u kif inrawmu qalb ta’ mħabba. Issa, noqogħdu ftit nirriflettu fuq dak li għadna kif rajna u niddikutu kif nistgħu nħaddnu l-gratitudni f’ħajjitna.
Riflessjoni
Animatur: Il-Bibbja ssejħilna nkunu nies ta’ gratitudni, li għandna nirringrazzjaw il-ħin kollu lil Alla għat-tjubija Tiegħu u l-barkiet li sawwab fuqna. F’ 1 Tessalonkin 5:18, naqraw:
“F’kollox għandek tgħid grazzi, għax dan hu li jrid Alla minnek f’Ġesù Kristu.”
Dawn il-kliem iħeġġuna nrawmu qalb grata f’kull ċirkostanza. Il-gratitudni tgħinna ndawru l-attenzjoni tagħna minn dak li m’għandniex għal dak li għandna, u b’hekk inkunu nistgħu napprezzaw id-doni u l-barkiet kotrana li bihom aħna mdawrin kuljum.
L-animatur jistieden lill-istudenti biex jiftakru f’xi okkażjoni fejn espresjoni ta’ gratitudni biddlet sitwazzjoni diffiċli jew ġabet ferħ lil ħajjithom jew f’dik ta’ ħaddieħor.
L-animatur jagħmel waqfa biex l-istudenti jipparteċipaw.
Animatur: Il-gratitudni mhix xi sentiment li jgħaddi malajr, imma hija mod ta’ ħajja. Jiftaħ qalbna għas-sbuħija tal-mument preżenti u jinkuraġġixxi konnessjonijiet aktar profondi ma’ Alla u ma’dawk madwarna.
Attività
L-animatur isaqsi dawn il-mistoqsijiet biex jipparteċipaw l-istudenti.:
- Kif nistgħu nipprattikaw gratitudni fil-ħajja ta’kuljum, anki meta jkollna sfidi u diffikultajiet?
- Semmi xi ftit modi prattiċi kif nistgħu nesprimu gratitudni lejn Alla u lejn l-oħrajn. Kif nistgħu nagħmlu l-gratitudni parti mir-relazzjonijiet tagħna w l-komunikazzjonijiet mal-oħrajn?
- Hemm xi qaddisin speċifiċi jew figuri bibliċi li l-eżempji tagħhom ta’ gratitudni jispirawk? Kif l-eżempju tagħhom iħeġġek tgħix ħajja ta’ gratitudni?
L-animatur jistieden l-istudenti joqogħdu ftit jiddikutu dawn il-mistoqsijiet ma’ ħbiebhom jew jiktbu ħsibijiethom għar-riflessjoni personali.
L-animatur jagħmel waqfa biex l-istudenti jipparteċipaw.
Talba
Animatur: Ejja issa niġbru ħsibijietna u ndawru qlubna lejn Alla waqt li nitolbu.
Għażiż Mulej, grazzi għall-barkiet kotrana li ssawwab fuqna. Iftaħ għajnejna għas-sbuħija li hawn madwarna u agħmel li qlubna jkunu mimlija bi gratitudni.
Fl-isem ta’ Ġesù Kristu, li wriena t-triq tal-gratitudni u tar-ringrazzjament, nitolbu, Amen.
Animatur: Grazzi lilkom li ngħaqqaddtu magħna llum f’din ir-riflessjoni fuq li tgħix l-imħabba permezz tal-gratitudni. Jalla ħajjitna tkun immarkata bi spirtu ta’ gratitudni, waqt li nħaddnu l-qawwa li ġġib il-bidla tal-gratitudni.
Ikollkom ġurnata mbierka!