Merħba
Il-kap tal-iskola, l-SMT jew l-edukatur li jkun qed imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Illum se naħsbu ftit u se naraw kemm il-kelma ‘skużani’ hija kelma importanti ħafna. Ejjew nkantaw flimkien/naraw dan il-video:
Kinder
Snin Bikrin tal-Primarja
Ħsieb Riflessiv
Meta niskużaw ruħna, naħfru, nerġgħu nagħmlu ħbieb, ifisser li nkunu qed inħobbu lil dak li forsi ma ħax pjaċir b’dak li għamlilna. Aħna t-tfal irridu nkunu dejjem ferħana u nferrħu lill-oħrajn. San Ġorġ Preca jgħallimna ħafna dwar dan: għandna dejjem nkunu ħbieb ma’ kulħadd.
Wieħed mill-kulleġġi jismu San Ġorġ Preca, l-ewwel qaddis Malti. Il-festa tiegħu niċċelebrawha fid-9 ta’ Mejju.
Talba
O Alla, għinna biex nħobbu dejjem lil xulxin u ma ninsewx il-kelma “skużani.” Ammen.
Merħba
Il-kap tal-iskola, l-SMT jew l-edukatur li jkun qed imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Żgur li xi darba jew oħra lkoll għaddejna minn xi esperjenza fejn irċevejna xi azzjoni kerha mingħand xi ħadd. L-istint tagħna l-bnedmin huwa li npattuha, imam meta naħfru lil din il-persuna u nuruha li aħna nħobbuha, inħossuna ħafna aħjar. Ejjew naraw dan il-video:
Ħsieb Riflessiv
Meta naħfru u nerġgħu nagħmlu ħbieb ma’ dak jew ma’ dik il-persuna li tkun weġġgħatna jew għamlitilna l-ħsara, inkunu qisna konna ma nifilħux u nfiequ. Meta naħfru nerġgħu nqumu fuq saqajna, inħarsu ’l quddiem u nkomplu mexjin. San Ġorġ Preca din il-ħaġa jsejħilha “manswetudni”. Mhijiex ħaġa faċli. Imma jekk niftakru li Alla jinsab kullimkien u li jaf kollox, naslu li nagħmlu dan u ngħinu lil dawn in-nies, u nħossuna iktar ferħanin.
Wieħed mill-kulleġġi jismu San Ġorġ Preca, l-ewwel qaddis Malti. Il-festa tiegħu niċċelebrawha fid-9 ta’ Mejju.
Talba
O Alla, inti li inti kollok ħniena, għinna biex dejjem naħfru speċjalment meta jkun diffiċli, u nkunu ħbieb ma’ kulħadd. Ammen.
Merħba
Il-kap tal-iskola, l-SMT jew l-edukatur li jkun qed imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Li wieħed jaħfer jew li jitlob lil Alla jaħfirlu ta’ xi ħaġa li jkun għamel mhijiex xi ħaġa faċli. Din il-ħaġa kull bniedem jgħaddi minnha. Ejjew naraw dan il-video:
Ħsieb Riflessiv
Meta naħfru u nerġgħu nagħmlu ħbieb ma’ dak jew ma’ dik il-persuna li tkun weġġgħatna jew għamiltilna l-ħsara bl-azzjoni tagħha, inkunu qisna konna ma nifilħux u nfiequ. Meta naħfru, nerġgħu nqumu fuq saqajna, inħarsu ’l quddiem u nkomplu mexjin. San Ġorġ Preca din il-ħaġa isejħilha “manswetudni”. Mhijiex ħaġa faċli. Imma jekk niftakru li Alla jinsab kullimkien, jaf kollox u jaħfrilna, dejjem naslu li nagħmlu dan u ngħinu lil dawn in-nies bħalma rajna fil-video, u nħossuna iktar ferħanin. Wieħed mill-kulleġġi jismu San Ġorġ Preca, l-ewwel qaddis Malti. Il-festa tiegħu tiġi ċċelebrata fid-9 ta’ Mejju
Talba
Alla ħanin, għallimna nagħrfu naċċettaw l-aħbar tajba li inti tagħder u taħfer ħalli aħna wkoll naslu naħfru lil min iweġġgħana. B’hekk biss inkomplu nsiru persuni aħjar. Ammen.
Merħba
Il-kap tal-iskola, l-SMT jew l-edukatur li jkun qed imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Li wieħed jaħfer lil ħaddieħor jew li jitlob lil Alla jaħfirlu ta’ xi ħaġa li jkun għamel mhijiex xi ħaġa faċli. Din hija ħaġa li kull bniedem jgħaddi minna. Meta naslu naċċettaw din l-aħbar it-tajba li Alla jaħfrilna, naslu biex nagħmlu dan il-ġest ma’ dawk li jagħmlulna xi azzjoni mhux daqstant sabiħa. Ejjew naraw dan il-video flimkien:
Ħsieb Riflessiv
Li wieħed jaħfer huwa essenzjali kemm għall-ħajja spiritwali tiegħu u anke għas-saħħa u l-kuntentizza tal-individwu. Ilkoll ngħaddu minna u mhijiex esperjenza faċli. San Ġorġ Preca din l-azzjoni jsejħilha ‘manswetudni’. Meta naħfru qalbna tistrieħ u nħossuna ferħanin. Importanti li niffukkaw biss fuq l-azzjoni tagħna. L-importanti hu li aħna nagħmlu t-tajjeb. Meta naħfru nkunu kapaċi wkoll ngħinu lil dawk il-persuni li għamlulna d-deni, dejjem bl-għajnuna t’Alla. Niftakru li Alla jħobbna u aħna rridu nagħmlu bħalu.
Wieħed mill-kulleġġi jismu San Ġorġ Preca, l-ewwel qaddis Malti. Il-festa tiegħu niċċelebrawha fid-9 ta’ Mejju.
Talba
O Alla, fakkarna li aħna lkoll midinbin. Aħfrilna ta’ dawk id-drabi li għamilna dak li ma jogħġobx lilek u forsi wkoll għamilna l-ħsara lil ħaddieħor. Għinna naħfru lil min weġġgħana bl-azzjoni tiegħu u agħmilna ħbieb ma’ kulħadd. Ammen.
