Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Illum, tfal, se naħsbu ftit fuq l-affarijiet tajba u l-affarijiet mhux daqshekk sbieħ li kultant nagħmlu. Irridu nagħmlu ħilitna li dejjem nagħżlu li nagħmlu t-tajjeb. Ejjew naraw dan il-video flimkien:
Ara
Ħsieb Riflessiv
Ejjew niftakru nagħmlu dejjem it-tajjeb u dak li hu sabiħ.
Talba
Mulej, għinna biex dejjem nagħmlu t-tajjeb u dak li inti tieħu pjaċir bih. Ammen
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
It-tajjeb u l-ħażin. Kuljum ikollna ħafna għażliet x’nagħmlu. Waħda minnhom hija li rridu nitgħallmu nagħżlu li nagħmlu t-tajjeb. Ejjew naraw dan il-video flimkien:
Ara
Ħsieb Riflessiv
Aħna dejjem liberi li nagħżlu dak li nagħmlu. Meta nagħżlu li nagħmlu t-tajjeb inkunu qed nagħmlu dak li jixtieq minna Alla, għax Alla twajjeb u ħalaq kollox tajjeb. Meta min-naħa l-oħra nagħżlu li nagħmlu xi ħaġa mhux daqshekk sabiħa, inkunu qed immorru kontra dak li Alla jixtieq. Xi drabi jkun diffiċli li nagħrfu jekk xi ħaġa, xi azzjoni hijiex tajba jew ħażina, imma jekk niftakru li Alla qiegħed dejjem jarana, nagħmlu ħilitna li dejjem nagħmlu t-tajjeb.
Talba
O Alla għinni biex dejjem naġixxi tajjeb, billi ngħin, inkun ubbidjenti, nuri r-rispett u nkun dejjem ferħan jew ferħana. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
It-tajjeb u l-ħażin. Kuljum ikollna ħafna għażliet x’nagħmlu. Waħda minnhom hija li rridu nitgħallmu nagħżlu li nagħmlu t-tajjeb. Ejjew naraw dan il-video flimkien:
Ara
Ħsieb Riflessiv
Huwa mportanti li f’dak li nagħmlu fil-ħajja naraw ftit jekk hux qed nagħmlu tajjeb jew ħażin. Meta nagħmlu t-tajjeb inkunu qed ngħinu mhux biss lilna nfusna imma anke lill-oħrajn. Meta nagħmlu xi ħaġa, xi azzjoni ħażina, mill-ewwel nibdew ma nħossuniex sewwa, inħossu xi ħaġa ttaqqalna. Għalhekk, issa li qed nikbru rridu nagħmlu ħilitna li dejjem nagħrfu nagħmlu dak li hu tajjeb, anke jekk jeħtieġ li nbatu xi ftit.
Talba
Mulej għinni nagħraf li meta nagħmel it-tajjeb se nħossni ferħan/a u nkun qed ngħin lill-oħrajn u lili nnifisi. Għinni biex ninduna meta nagħmel xi ħaġa li lilek ma togħġbokx. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
X’inhu t-tajjeb? U x’inhu l-ħazin? Kuljum ikollna ħafna għażliet x’nagħmlu. Waħda minnhom hija li rridu nitgħallmu nagħżlu li nagħmlu t-tajjeb. Ejjew naraw dan il-video flimkien:
Ara
Ħsieb Riflessiv
Xi kultant insibuha diffiċli li nagħrfu li dak li nkunu għamilna hux tajjeb jew ħażin. Din hija għażla ta’ kuljum fil-ħajja tal-bniedem. Imma nafu li meta nagħmlu t-tajjeb fil-ġewwieni tagħna nħossuna ferħanin u nkunu t’għajnuna għalina nfusna u għall-oħrajn, u meta nagħmlu xi ħaġa mhix f’postha, ħażina, ma nkunux trankwilli, u nħossuna qed nitkissru. Ejjew nagħmlu ħilitna biex nagħrfu nagħżlu li nagħmlu t-tajjeb anke jekk l-oħrajn ma jifhmuniex.
Talba
Mulej, agħtina l-għerf tiegħek biex nagħmlu dejjem u f’kollox dak li hu tajjeb. Fakkarna li jekk nagħmlu dan inkunu qed nagħmlu dak li inti tixtieq minna, u nkunu qed ngħinu lilna nfusna u lil kulħadd. Ammen.
