Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
It-talenti huma rigali. Huwa Alla li jagħti dawn it-talenti. Tieħu gost tkanta, tiżfen, tpinġi jew tipprattika xi sport? Dawn huma kollha talenti. Dawn it-talenti jagħmluna uniċi u speċjali u anke ġenerużi ma’ xulxin. Ejjew inkantaw flimkien:
Ara
Ħsieb Riflessiv
X’inhu t-talent tiegħek? (Hawnhekk min jixtieq mit-tfal jista’ jsemmi t-talenti tiegħu.) Dawn it-talenti jagħmluna differenti minn xulxin, imma meta nużaw it-talenti tagħna nkunu qed ngħinu lil xulxin biex ningħaqdu iktar u nħossuna aħjar.
Talba
Għażiż Ġesù, grazzi li tajtna dawn it-talenti. Grazzi tal-imħabba u l-ħniena tiegħek.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Talent huwa rigal jew abbilità speċjali li tagħmel xi ħaġa bħal meta tkun taf iddoqq xi strument mużikali, tkanta, tipprattika xi sport, jew tpinġi. Alla jagħti t-talenti lil kulħadd, u jistenna minna li nużawhom tajjeb. Ejjew naraw dan il-video flimkien:
Ara
Ħsieb Riflessiv
X’talent għandek? (Hawnhekk min jixtieq mit-tfal jista’ jsemmi t-talenti tiegħu.) Bħat-tifel li rajna fil-vidjow, qatt m’għandna nħallu ‘l ħadd jaqtgħalna qalbna meta nkunu qed nużaw it-talent tagħna. Il-perseveranza ta’ dan it-tifel li rnexxielu jemmen fih innifsu, wassal biex l-għalliem jistaqsieh biex jgħallmu l-passi taż-żfin. Huwa r-rigal tiegħek mingħand Alla u meta tużah tkun qed tagħtih lura lil Alla. It-talenti tagħna jagħmluna uniċi, u għalhekk ejjew nużawhom tajjeb, biex ngħinu lil ħaddieħor u nibnu dinja aħjar.
Talba
Mulej, nirringrazzjawk tat-talenti li tajtna. Għinna biex nagħrfu nużawhom tajjeb, ħalli b’hekk ninkoraġġixxu u nagħtu sapport lill-oħrajn.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Talent huwa rigal li jagħtik l-abbilta’ unika li tgħin lil ħaddieħor b’dak li tgħidilhom jew tagħmel magħhom jew bix-xewqa tiegħek li tagħti daqqa t’id fejn ikun hemm bżonn. Bħal per eżempju meta ddoqq xi strumenti mużikali, tkanta, tipprattika xi sport, jew tpinġi. Alla jagħti t-talenti lil kulħadd, u jistenna minna li nużawhom tajjeb biex nirringrazzjawh. Ejjew naraw dan il-vidjow flimkien:
Ara
Ħsieb Riflessiv
Huwa privileġġ li wieħed jiskopri t-talenti li tah Alla. It-talenti jinkoraġġuna biex nemmnu fina nfusna, biex nesploraw id-dinja ta’ madwarna u biex nagħtu daqqa t’id lill-oħrajn. Jekk nużaw it-talenti tagħna bil-għaqal u b’mod ġeneruż għal ħutna kollha, Alla jkompli jagħtina iktar talenti. Irrifletti ftit fuq it-talenti li għandek. Agħmel l-aħjar li tista’ biex tużahom bħala ringrazzjament lil Alla u biex jibbenifikaw minnhom l-oħrajn.
Talba
Alla Missier, filwaqt li nirringrazzjawk li beriktna bit-talenti li tajtna, agħtina l-għerf biex nużawhom b’imħabba, tjubija u bil-fidi. Amen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Talent huwa rigal li jagħtik l-abbilta’ unika li tgħin lil ħaddieħor b’dak li tgħidilhom jew tagħmel magħhom jew bix-xewqa tiegħek li tagħti daqqa t’id fejn ikun hemm bżonn. Bħal per eżempju meta ddoqq xi strumenti mużikali, tkanta, tipprattika xi sport, jew tpinġi. Alla jagħti t-talenti lil kulħadd, u jistenna minna li nużawhom tajjeb biex nirringrazzjawh.
Ejjew naraw dan il-vidjow flimkien:
Ara
Ħsieb Riflessiv
Huwa privileġġ li wieħed jiskopri t-talenti li tah Alla. It-talenti jinkoraġġuna biex nemmnu fina nfusna, biex nesploraw id-dinja ta’ madwarna u biex nagħtu daqqa t’id lill-oħrajn. Iż-żagħżugħ li rajna fil-vidjow għen lill-omm fqira u lil bintha jibdew ħajja ġdida u għen ukoll biex it-tifla jkollha d-dritt li tattendi l-iskola. Jekk nużaw it-talenti tagħna bil-għaqal u b’mod ġeneruż għal ħutna kollha, Alla jkompli jtina iktar talenti.
Irrifletti ftit fuq it-talenti li għandek. Agħmel l-aħjar li tista’ biex tużahom bħala ringrazzjament lil Alla u biex jibbenifikaw minnu l-oħrajn.
Talba
Alla Missier, filwaqt li nirringrazzjawk li beriktna bit-talenti, agħtina l-għerf biex nużawhom b’imħabba, tjubija u bil-fidi. Amen.
