Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Il-paċi tfisser meta nkunu magħqudin flimkien, ferħanin, naqsmu dak li għandna flimkien, nilagħbu u nagħmlu l-attivitajiet fil-klassi flimkien u ngħinu lil xulxin. Ejjew naraw dan il-video flimkien:
Ara
Kinder
Snin Bikrin tal-Primarja
Ħsieb Riflessiv
Id-dinja hija post sabiħ għax aħna lkoll ninsabu fiha. Kulħadd jista’ jġib il-paċi bit-tajjeb li jagħmel u hekk inkunu dejjem ferħanin.
Talba
O Mulej għinna biex nżommu l-paċi kullimkien. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Żgur li smajna bil-kelma paċi. Xi tfisser il-kelma ‘paċi’? B’liema modi nista’ ngħix fil-paċi? (Xi tfal jistgħu jagħtu l-opinjoni tagħhom). Ejjew naraw dan il-video:
Ara
Ħsieb Riflessiv
Kif rajna l-paċi nistgħu ngħixuha b’modi differenti bħal meta nsibu ftit ħin għall-kwiet waħedna, nagħmlu ftit ħin mal-ħbieb u l-familja, naqraw u niskopru dwar il-paċi u nqattgħu ftit ħin fin-natura, eż. ħdejn il-baħar jew f’xi ġnien. Irridu nkunu aħna, kull wieħed u waħda minna, li naħdmu għaliha. Il-paċi narawha f’dawk in-nies li jkunu dejjem ferħanin, jiġri x’jiġri fil-ħajja. Jekk nitgħallmu ngħixu l-paċi b’dawn il-ħafna modi sempliċi, nkunu qed nagħtu l-paċi lill-oħrajn u ningħaqdu iktar flimkien.
Talba
Nitolbuk Mulej tkompli ssaħħaħ il-paċi fl-iskola tagħna, fil-familji, f’Malta u Għawdex u fid-dinja kollha biex ilkoll flimkien nibnu dinja ta’ mħabba. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Il-paċi jixtieqha kulħadd. Xi drabi nsibuha diffiċli li niddeskrivu x’inhi l-paċi. Imma l-paċi tfisser li tħobb lil kulħadd u tagħmel il-ġid b’diversi modi. Ejjew naraw dan il-video:
Ara
Ħsieb Riflessiv
Ħafna mill-istudenti qalu li tkun qed tgħix fil-paċi meta tkun ferħan/a u turi rispett u mħabba. Jekk nagħmlu ħilitna li ngħixu dan, inkunu qed nikkultivaw il-paċi ta’ bejnietna. Hemm ħafna modi li jistgħu jgħinuna biex insaħħu l-paċi ta’ bejnietna fosthom li ngħinu lil xulxin, u anke niksbu l-informazzjoni kemm mill-kotba u anke billi nużaw il-mezzi soċjali b’mod tajjeb. Ejjew kulħadd flimkien nagħmlu l-pass biex naħdmu għall-paċi bejnietna.
Talba
Alla Missier nitolbuk għall-paċi fid-dinja speċjalment f’dawk il-postijiet fejn hemm il-piki u l-ġlied. Għinna nagħmlu ħilitna kollha biex inġibu l-paċi fid-dinja u l-ħajja tagħna. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Il-paċi jixtieqha kulħadd. Xi drabi nsibuha diffiċli li niddeskrivu x’inhi l-paċi. Imma l-paċi tfisser li tħobb lil kulħadd u tagħmel il-ġid b’diversi modi. Ejjew naraw dan il-video:
Ara
Ħsieb Riflessiv
Kif għadna kemm rajna, l-paċi vera ma tiġix minn dak li nagħmlu, minn dak li niksbu, imma minn ġewwa fina. Importanti li nieħdu ħsieb lilna nfusna minn ġewwa. Hemm diversi modi kif nistgħu nagħmlu dan bħal meta nagħmlu ftit minuti fil-kwiet kuljum, xi kultant ftit ħin fil-kumpanija u ħin mal-familja u l-ħbieb. Jgħinna wkoll jekk naqraw u niskopru iktar dwar il-paċi anke permezz ta’ użu tajjeb u moderat tal-mezzi soċjali. Dawn l-affarijiet jgħinuna biex inkunu fil-paċi magħna nfusna u hekk inkunu nistgħu ngħaddu l-paċi ma’ kull min niltaqgħu.
Talba
Alla ħanin, ibqa’ magħna biex inżommu l-paċi f’dak kollu li naħsbu, ngħidu u nagħmlu. Ammen.
