Għan: L-istudenti jitgħallmu li meta joħolqu ambjent mimli mħabba u ħbiberija, huma jikbru iktar kuntenti u b’saħħithom.
Introduzzjoni
Bonġu lil kulħadd! Illum ser niddiskutu xi ħaġa importanti hekk kif se nibdew flimkien is-sena skolastika l-ġdida. Immaġinaw bidwi li qed jipprepara l-ħamrija qabel jibda jiżra’ ż-żrieragħ. Hekk ukoll aħna rridu nippreparaw moħħna u qalbna għal sena skolastika ġdida. Ejjew naraw kif nistgħu nippreparaw lilna nfusna għas-sena li ġejja!
Riflessjoni
Ejjew naħsbu dwar il-bidwi li jaħdem ħafna biex jipprepara l-ħamrija qabel ma jitfa’ ż-żrieragħ. Bl-istess mod, irridu nħejju lilna nfusna għas-sena l-ġdida skolastika. Kif? Meta nikkultivaw drawwiet tajba u nkunu ġentili ma’ xulxin, inkunu qed inħejju ħajjitna biex nikbru f’ambjent sabiħ u ferħan li jgħinna nagħmlu l-almu tagħna f’dak kollu li nagħmlu.
Attività: Niżirgħu Żrieragħ ta’ Tama b’atti ta’ Imħabba (Ħendawt)
Riżorsi: Ħendawt għal kull student ta’ Atti Tajbin/Ħżiena, kuluri, imqassijiet.
Istruzzjonijiet
- Spjega li: Alla jixtieq li aħna nkunu ferħanin u jixtieqna ngħinu lil ta’ madwarna jkunu ferħanin ukoll. Ejja nippreparaw ruħna biex noħolqu klassi ferħana billi nagħżlu dawk l-istampi ta’ ġol-ħendawt li juru atti ta’ mħabba u ta’ karità.
- Qassam ħendawt lil kull student u flimkien iddiskutu liema stampi juru atti ta’ mħabba u ta’ karità.
- L-istudenti jagħtuhom kulur u jaqtgħu madwarhom u jistgħu jwaħħluhom ma’ ċart li tista’ tiddendel fil-klassi.
Spjega li dawn l-atti tajbin se jfakkru lil kulħadd x’għandhom bżonn jagħmlu biex joħolqu klassi ferħana. Li nkunu qalbna tajba u nħobbu lill-oħrajn juri wkoll li aħna wlied Alla għax Alla hu mħabba.
Vidjo Klipp
Sesame Street: How to be a Good Friend | Tamir on the Street #3
Talba
O Alla, bħalma bidwi jipprepara l-ħamrija sabiex il-pjanti tiegħu jagħtuh ħafna frott u ħxejjex tajba, iggwidana biex inkunu qalbna tajba ma ’xulxin. Hekk inkunu nistgħu nikbru ferħanin u nissejħu wlied Alla. Ammen.
Għan: L-istudenti jitgħallmu dwar l-importanza tal-preparazzjoni u li nissettjaw il-bażi biex nirnexxu u nimmaturaw fis-sena skolastika l-ġdida.
Introduzzjoni
Bonġu lil kulħadd! Illum ser niddiskutu xi ħaġa important hekk kif se nibdew flimkien is-sena skolastika l-ġdida. Eżatt bħal bidwi li jara li l-ħamrija tkun lesta qabel ma jiżra’ ż-żrieragħ, jeħtieġ nippreparaw moħħna u qalbna għal dak it-tagħlim u tkabbir kollu li ser ikollna din is-sena. Ejjew naraw kif nistgħu nippreparaw lilna nfusna għas-sena li ġejja!
Riflessjoni
Ejjew naħsbu dwar il-bidwi li jaħdem ħafna biex jipprepara l-ħamrija qabel ma jitfa’ ż-żrieragħ. Bl-istess mod, irridu nħejju lilna nfusna għas-sena l-ġdida skolastika.
Għaliex? (Din il-preparazzjoni tgħinna nikbru u nirnexxu f’dak kollu li nagħmlu.)
Kif? (Meta nrawmu fina drawwiet tajba u nkunu qalbna tajba ma’ xulxin, inkunu qed nieħdu ħsieb ‘il-ħamrija’ tagħna stess, b’hekk inħejjuha biex niżirgħu żerriegħa ta’ tama u għarfien.)
Attività: Nippreparaw biex niżirgħu.
Riżorsi: Qasrija waħda mdaqqsa bi ftit ħamrija, strixxi karti ikkuluriti, pinen/lapsijiet.
Istruzzjonijiet: L-animatur jista’ jorganizza attività li fiha l-istudenti jippreparaw il-“ħamrija”, li tirrappreżenta ħajjithom, għat-tkabbir u l-maturità ta’ nies kuntenti u ġentili.
- Ipprepara l-qasrija b’ħamrija tajba u nadifa minn qabel.
- Saqsi lill-istudenti jiktbu atti ta’ mħabba u ġentilezza fuq biċċiet żgħar ta’ karta kkulurita – dawn l-atti ser jgħinuna nippreparaw ħajjitna biex inkunu nistgħu nimmaturaw u nikbru flimkien ġo komunità li tħobb u tagħti kas tal-oħrajn.
- Kull student ipoġġi biċċa karta ġol-qasrija l-kbira waqt li jiddiskutu bejniethom dak li kienu kitbu.
Din l-attività ser tgħin lill-istudenti jaraw il-konnessjoni bejn li tieħu ħsieb il-ħamrija fuq naħa, u t-tkabbar t-tama fuq l-oħra.
Vidjo
Il-Parabbola tal-Bidwi u taż-Żrieragħ
L-istorja marbuta magħha: F’din il-parabbola Ġesù jirrakkonta storja ta’ bidwi li jiżra’ żrieragħ fuq tipi differenti ta’ ħamrija. Xi żrieragħ jaqgħu fuq il-passaġġ u jikluhom l-għasafar, oħrajn jaqgħu fuq art kollha blat u jispiċċaw jintilfu, oħrajn jaqgħu qalb ix-xewk u jifgaw, imma xi wħud jaqgħu fuq ħamrija tajba u jipproduċu prodotti tar-raba’ ġenerużi. Il-parabbola tgħallem l-importanza tal-preparazzjoni tal-ħamrija biex tkun tista’ tirċievi u tieħu ħsieb iż-żrieragħ, bħalma aħna għandna nippreparaw lilna nfusna biex nikbru fil-fidi, fl-għerf u fit-tjubija.
Talba
O Alla, bħalma l-bidwi li jipprepara l-ħamrija biex jaħsad il-frott,
- għinna nippreparaw moħħna u qalbna biex nitgħallmu u nikbru ’l quddiem.
- bierek l-għalliema tagħna, sħabna tal-klassi u dawk kollha li jissapportjawna f’din il-mixja.
Ammen.
Għan: Niftħu moħħna u qlubna fil-bidu tas-sena skolastika l-ġdida għal dak li Alla jrid jagħmel ġo fina.
Introduzzjoni (2 min)
- L-animatur jintroduċi ruħu mal-istudenti, imbagħad jintroduċi t-tema tas-sena: Niżirgħu t-tama
- L-animatur jiggwida l-istudenti biex iżommu s-silenzju, jagħmlu s-sinjal tas-salib u jgħidu talba qasira ta’ ringrazzjament.
Qsim ta’ ideat (5 min)
- L-animatur jissuġġerixxi li meta tiżra ż-żerriegħa jfisser li għandek tama li ser tikber, u jsaqsi fuq it-tip ta’ frott l-istudenti jixtiequ jakkwistaw din is-sena (u jagħti ħin għal suġġerimenti).
- L-animatur jissuġġerixxi li ftit minn dan il-frott jista’ jkun żvillup tal-għarfien, tkabbir tal-karattru/personalità, u tar-relazzjoni tagħna ma’ Alla u bejnietna, per eżempju.
Filmat (5 min)
- L-animatur ifiehem li hemm bżonn nippreparaw l-art biex nirċievu ż-żerriegħa tat-tama, imma l-ewwel jeħtieġ napprezzaw/nifhmu ukoll ‘l-art’ li għandna, fejn ninsabu aħna llum.
- L-animatur jintroduċi l-Parabbola taż-Żerriegħ (Mk 4:1-8) li biha Ġesù jrid jurina aktar fuq is-suġġett billi juri dan il-filmat li ġej (3:15 min)
Rifflessjoni (5 min)
- L-animatur isaqsi b’mod riflettiv xi tfisser tkun ‘art tajba’,dik li hija lesta biex tilqa’ż-żerriegħa u tagħmel ħafna frott.
- L-animatur jipproponi li jeħtieġ nippreparaw lilna nfusna/ninfetħu għas-sena skolastika l-ġdida u għal dak li Alla jrid jagħmel fina u permezz tagħna, billi nkunu grati u attenti għall-wegħda tal-affarijiet tajba li hemm quddiemna.
Talba (3 min)
- L-animatur jgħaddi lil kull student mudell (template) tal-proċess tal-ħrit tal-art.
- L-animatur jiggwida lill-istudenti jiktbu talba personali lil Alla fuq il-karta.
- L-animatur jitlob talba fi kliemu jew hekk:
O Alla, grazzi għal din sis-sena l-ġdida u għall-opportunitajiet ġodda li nitgħallem u nikber. Għnni nafdak f’dan il-proċess u li nittama dejjem fil-wegħda tiegħek li jien ser nagħmel ħafna frott. Ammen
Jekk irid, l-animatur idoqq l-għanja Build my Life (Ibnili Ħajti)
Għan: Niftħu moħħna u qlubna fil-bidu tas-sena skolastika l-ġdida għal dak li Alla jrid jagħmel ġo fina.
Introduzzjoni (2 min)
- L-animatur jintroduċi ruħu mal-istudenti, imbagħad jintroduċi t-tema tas-sena: Niżirgħu t-tama
- L-animatur jiggwida l-istudenti biex iżommu s-silenzju, jagħmlu s-sinjal tas-salib u jgħidu talba qasira ta’ ringrazzjament.
Qsim ta’ ideat (5 min)
- L-animatur jissuġġerixxi li meta tiżra’ ż-żerriegħa jfisser li għandek tama li ser tikber, u jsaqsi fuq it-tip ta’ frott l-istudenti jixtiequ jakwistaw din is-sena (u jagħti ħin għal suġġerimenti).
- L-animatur jissuġġerixxi li ftit minn dan il-frott jista’ jkun żvillup tal-għarfien, tkabbir tal-karattru/personalità, u tar-relazzjoni tagħna ma’ Alla u bejnietna, per eżempju.
Filmat (2 min)
- L-animatur ifiehem li jeħtieġ nippreparaw l-art biex nilqgħu ż-żerriegħa tat-tama.
- L-animatur jintroduċi il-Parabbola taż-Żerriegħa (Mk 4:1-8), li biha Ġesù jrid jgħidilna aktar fuq is-suġġett u juri dan il-filmat li ġej (1.34 mins) minn The Chosen, serje fuq il-ħajja ta’ Ġesù.
Riflessjoni (8 min)
- L’animatur jistaqsi lill-istudenti fuq it-tipi differenti ta’ ħamrija li Ġesù jsemmi fil-parabbola.
- L-animatur jaqra l-ispjegazzjoni ta’ Ġesù minn Mk 4:13-20 u jsaqsi lill-istudenti biex fis-silenzju jaraw ma’ min ixebbħu lilhom infushom skont fejn qegħdin illum ma’ waħda jew aktar mill-ewwel tliet tipi ta’ ħamrija u jgħinhom japprezzaw u jkunu grati li għandhom ‘art’ li jistgħu jikkultivaw.
- L-animatur jagħti mudell ta’ żrieragħ lil kull student u jsaqsi biex jinfetħu biex jirċievu ż-żerriegħa u jipproduċu ħafna frott.
- L-animatur jissuġġerixxi li jeħtieġ nippreparaw/niftħu lilna nfusna għas-sena skolastika ġdida u għal dak li Alla jrid li jagħmel fina u permezz tagħna billi nkunu grati u moħħna hemm għall-wegħda ta’ ħwejjeġ sbieħ li ħejja għalina.
Talba (3 min)
- L-animatur jgħaddi lil kull student mudell (template) tal-proċess tal-ħrit tal-art.
- L-animatur jiggwida lill-istudenti jiktbu talba personali lil Alla fuq il-karta.
- L-animatur jitlob talba fi kliemu jew hekk:
O Alla, grazzi għad-don tal-ħajja u l-opportunitajiet diversi biex nitgħallmu u nikbru. Fil-bidu ta’ din isena ġdida, agħtini “widnejn biex nisma’” u għinni nafda fFk b’dan il-proċess. Jien dejjem nittama fil-wegħda Tiegħek li jiena ser nagħmel ħafna frott. Ammen
L-animatur idoqq (jekk irid) l-għanja Nisranija Build My Life [Ibni ħajti].