Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Meta ngħinu lil ħaddieħor inħossuna ferħanin. U lil min ngħinu wkoll iħossu aħjar. Meta nagħtu u naqsmu mal-oħrajn minn dak li għandna nkunu qed nagħmlu dak li hu tajjeb. Ejjew naraw dan il-video flimkien:
Ħsieb Riflessiv
Tajjeb li nibdew nagħrfu l-oħrajn x’ikollhom bżonn u nuru ħlewwa ma’ xulxin. Dan ifisser li għandna nifirħu bit-tajjeb tal-oħrajn.
Talba
Mulej, għinna nitgħallmu naqsmu minn dak li għandna mal-oħrajn. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Niċċaħħad minni nnifsi jigifieri nċedi. Dejjem tgħallimna li min iċedi jirbaħ. Żgur li xi darba tajtu xi ħelwa lil xi ħadd, jew selliftu xi kuluri jew pinna, jew xi ħaġa li ħaddieħor ma kellux. Ħalli naraw it-tfal f’dan il-filmat minn x’hiex iċċaħħdu biex jgħinu lil ħaddieħor.
Ħsieb Riflessiv
Kif taħsbu li ħassewhom it-tfal f’dan il-video? Żgur li ma kinitx faċli għalihom id-deċiżjoni li ħadu, li jgħinu lil dak ir-raġel li ma kellux fejn joqgħod minflok ħadu ġelat. Żgur li xtaqu ħafna li jieħdu ġelat, imam ġo qalbhom żgur li ħassew ferħ kbir għax għal ftit ħin insew lilhom infushom biex jgħinu lil ħaddieħor iħossu aħjar. U fil-fatt x’kienet l-ewwel rejazzjoni tagħhom wara l-att ġeneruż? Marru jiġru jgħannqu l-ġenituri tagħhom, u lil dawk li jieħdu ħsiebhom.
Talba
O Alla, għallimna ma nibżgħux nieħdu deċiżjonijiet biex ngħinu lil oħrajn iħossuhom aħjar, anke jekk ikun meħtieġ li nbatu xi ftit. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Kemm nifirħu meta xi ħadd jaħseb fina, jagħtina xi rigal, kartolina jew xi ħaġa li nkunu nixtiequ! Iżda meta aħna nkunu dawk li nagħtu xi ħaġa eż. il-ħin tagħna, insellfu xi ħaġa lil xi ħadd, nagħtu xi donazzjoni, inħossuna ħafna iktar kuntenti, anke jekk ikun hemm bżonn li nbatu xi ftit. Ejjew naraw dan il-filmat flimkien:
Ara
Ħsieb Riflessiv
Xi drabi biex wieħed jgħin jew jittratta lil oħrajn tajjeb, ikun meħtieġ li jinsa lilu nnifsu. Din hija l-ikbar imħabba. Tagħti ħajtek ifisser li tgħin bl-aħjar mod li tista’ u tifraħ bit-tajjeb u s-sabiħ tal-oħrajn, anke jekk inħossuna xi ftit skomdi.
Talba
Mulej, żommni dejjem fil-grazzja tiegħek, biex inkompli nikber fl-imħabba tiegħek billi nitgħallem nagħti l-ewwel post lil min ikun l-aktar fil-bżonn. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Mhijiex ħaġa faċli li tinsa lilek innifsek biex tħobb lil ħaddieħor, anzi hija l-iktar ħaġa tqila li wieħed jista’ jagħmel. Imma jekk nemmnu fina nfusna u fl-għajnuna t’Alla u ta’ l-oħrajn, jirnexxielna nagħmlu dan. Ejjew naraw dan il-video flimkien:
Ħsieb Riflessiv
Xi drabi biex wieħed jgħin jew jittratta lil oħrajn tajjeb, ikun meħtieġ li jinsa lilu nnifsu. Din hija l-ikbar imħabba. Tati ħajtek ifisser li tgħin bl-aħjar mod li tista’ u tifraħ bit-tajjeb u s-sabiħ tal-oħrajn, anke jekk inħossuna xi ftit skomdi.
Talba
Mulej Alla, għallimni ngħin u nferraħ lil ta’ madwari b’kull mod possibbli. Saħħaħni fil-fidi biex ma nibżax nieħu deċiżjonijiet diffiċli, għax naf li meta ngħin qalbi se timtela’ bil-ferħ. Ammen.
