Merħba
Il-kap tal-iskola, l-SMT jew l-edukatur li jkun qed Imexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Li tikber fl-età mhux faċli, tibda tħossok għajjien, u oħrajn anke jħossuhom waħidhom, iżda aħna rridu nkunu ċerti li nieħdu ħsieb l-anzjani ta’ madwarna. Din il-kanzunetta hi fuq raġel anzjan iżda li jaf jieħu ħafna gost. Ejjew inkantawha flimkien.
Ara
Ħsieb Riflessiv
Dan ix-xwejjaħ kien jaf jieħu gost. L-anzjani għandhom ħafna stejjer x’jgħidulna, u huwa importanti ħafna li nisimgħuhom. L-anzjani għandhom ħafna x’ jgħallmuna u tajjeb li ntuhom post iktar importanti f’ħajjitna.
Talba
Alla Ħanin, għin lill-anzjani speċjalment lil dawk li huma waħidhom. Amen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-anzjani għandhom rwol importanti ħafna fil-komunitajiet tagħna. L-anzjani mhux biss għandhom ħafna stejjer x’ jaqsmu magħna, iżda anke ħafna tagħlim. Ejja naraw dan il-filmat ta’ Seth, tifel ta’ 4 snin li sar ħabib m’ anzjan ta’ 82 sena:
Ara
Ħsieb Riflessiv
Seth sab mudell f’ George, anzjan ta’ 82 sena. George mhux biss kien bħal missier jew nannu għal Seth, iżda kellu anke ħafna stejjer x’jaqsam miegħu; min-naħa l-oħra, Seth irnexxielu jferraħ ħafna lil George. Huwa importanti li napprezzaw il-ħiliet li għandhom l-anzjani li jgħixu ħdejna jew li jiġu minna. Dawn jistgħu jgħallmuna ħafna u aħna nistgħu nkunu mezz li nferrħuhom. Ipprova qatta’ iżjed ħin mal-anzjani biex tismà x’għandhom xi jgħidu u tgawdi l-kumpanija tagħhom.
Talba
Alla Ħanin, għinna niftħu widnejna sabiex nisimgħu lill- anzjani tagħna. Iftħilna qalbna sabiex inferrħuhom u iftħilna moħħna sabiex qatt ma ninsew l-importanza tagħhom fil-komunità. Amen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
L-anzjani għandhom rwol importanti ħafna fis-soċjeta’ tagħna. L-anzjani mhux biss għandhom ħafna stejjer x’ jaqsmu magħna, iżda anke ħafna tagħlim. Ejja naraw dan il-filmat ta’ Seth, tifel ta’ 4 snin li sar ħabib m’ anzjan ta’ 82 sena:
Ara
Ħsieb Riflessiv
Seth sab mudell f’ George, anzjan ta’ 82 sena. George mhux biss kien bħal missier jew nannu għal Seth, iżda kellu anke ħafna stejjer x’jaqsam miegħu. Min-naħa l-oħra, Seth ġab ħafna ferħ lil George. Huwa importanti li napprezzaw u nistmaw il-ħiliet li għandhom l-anzjani li jiġu minna jew jgħixu ħdejna. Dawn jistgħu jgħallmuna ħafna u aħna nistgħu nkunu mezz li nferrħuhom. Ipprova qatta’ iżjed ħin mal-anzjani biex tismà x’għandhom xi jgħidu u tieħu gost bil-kumpanija tagħhom.
Talba
Alla Ħanin, għinna niftħu widnejna sabiex nisimgħu lill-anzjani tagħna, iftħilna qalbna sabiex inferrħuhom u iftħilna moħħna sabiex qatt ma ninsew l-importanza tagħhom fil-komunità. Amen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Bħala adoloxxenti, nistgħu faċilment inħarsu lejn l-anzjani fil-komunità bħala nies antikwati jew li, minħabba l-eta’ tagħhom, m’għadhomx validi iżjed għas-soċjetà moderna. Imma ma tridux tinsew li xi darba, dawn ukoll kienu żgħażagħ bħalkom u għandhom ħafna stejjer utli u esperjenzi prezzjużi x’jaqsmu magħna. Dawn huma pariri siewja mingħand l-anzjani lill-adoloxxenti u ż-żgħażagħ:
Ara
Ħsieb Riflessiv
Kif smajna minn Bernard Albertson, intom, il-ġenerazzjoni ż-żgħira, intom is-sinsla tad-dinja, intom il-futur u l-mexxejja t’għada. M’għandniex inkunu ġenerazzjoni li nabbandunaw l-anzjani tal-komunità, imma minflok għandna npoġġu magħhom, nisimgħuhom, naraw x’lezzjonijiet għandhom għalina, u x’għerf jixtiequ jaqsmu magħna, sabiex jgħinuna nibnu futur aħjar. L-anzjani ma jiskadux, huma għadhom validi u għalhekk tajjeb li nirrispettaw id-dinjita’ tagħhom.
Talba
Għażiż Alla, għinna nkunu miftuħa għall-anzjani fis-soċjetà tagħna. Għin lill-anzjani biex iħossuhom validi fil-komunità u għin lilna sabiex nitgħallmu mill-esperjenzi tagħhom biex nibnu futur aħjar mill-preżent tagħna. Amen.
