Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Aħna lkoll ħbieb. Nilagħbu flimkien, inkantaw flimkien, nagħmlu l-attivitajiet fil-klassi flimkien u ngħinu lil xulxin. Ejjew naraw dan il-video flimkien:
Ara
Ħsieb Riflessiv
Kulħadd għandu l-familja tiegħu u min jieħu ħsiebu bħal per eżempju l-ġenituri, ħutna, il-kuġini, in-nanniet u z-zijiet. Iżda lkoll flimkien, kulħadd f’daqqa, niffurmaw waħda kbira.
Talba
Mulej Ġesù għinna nkunu dejjem magħqudin. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Ġieli smajtu fl-aħbarijiet jew minn xi ħadd li kien qed jagħti l-esperjenza tiegħu li salva jew għen lil xi ħadd u bdew isejħulu eroj? Azzjoni sabiħa bħal din tfakkarna li aħna aħwa ta’ xulxin. Ilkoll ninsabu fl-istess ċirkustanzi għalhekk għandna bżonn lil xulxin. Ejjew naraw dan il-video flimkien:
Ara
Ħsieb Riflessiv
Kulħadd għandu l-familja jew inkella xi adulti li jieħdu ħsiebu, bħall-ġenituri, in-nanniet, zijiet u l-kuġini. Dawn huma l-ewwel nies li jgħallmuna nħobbu lill-oħrajn. Imma rridu niftakru li aħna nagħmlu parti minn familja ikbar – il-familja tar-razza umana. Il-bnedmin tad-dinja kollha jistgħu jingħaqdu billi jaċċettaw, jirrispettaw, iħobbu u jaħfru lil xulxin.
Talba
Nitolbu lil Alla jgħallimna nieħdu ħsieb xulxin bl-aħjar mod li nistgħu. Ammen.
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Għalkemm jeżistu bosta reliġjonijiet u twemmin, nistgħu xorta nitolbu flimkien bi skop wieħed. Meta nitolbu flimkien insiru ħbieb u nafdaw iktar lil xulxin minkejja li aħna differenti minn xulxin. Bħala bnedmin, nistgħu ngħinu ’l xulxin biex niffaċċjaw il-problemi tal-ħajja flimkien u biex ikollna iktar paċi fid-dinja. Ejjew naraw dan il-vidjow klipp flimkien.
Ara
Ħsieb Riflessiv
It-talb b’għan wieħed ineħħi l-firda li teżisti bejn il-bnedmin minħabba r-reliġjon, il-ġens, ir-razza jew ir-reliġjon. Permezz tat-talb nistgħu nissapportjaw lil xulxin billi nikkollaboraw biex id-dinja ssir post aħjar. Nistgħu kull wieħed minna naħdmu biex ir-relazzjonijiet tagħna jkunu mibnija fuq l-imħabba, ir-rispett, il-maħfra, it-tolleranza u l-kompassjoni. Meta ngħixu b’dan il-mod il-familja, is-soċjeta’ u l-komunitajiet tagħna jkunu iktar paċifiċi. Għalhekk tajjeb li nitolbu flimkien għall-paċi fid-dinja u nistinkaw biex niffaċċjaw l-isfidi li tippreżentalna s-soċjeta’ moderna. Meta ningħaqdu ikollna iktar saħħa biex nilqgħu l-isfidi tat-tniġġis, l-effett serra, il-gwerer, it-tbatija, it-terrur, l-iskjavitu’, il-mard, il-faqar u l-inġustizzji.
Talba
O Alla, għinna biex ningħaqdu bejnietna avolja aħna kollha differenti. Għinna naħdmu għall-paċi fid-dinja. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni:
Għalkemm jeżistu bosta reliġjonijiet u twemmin, nistgħu xorta nitolbu flimkien lil Alla għax inkunu qed nitolbu bi skop wieħed u għall-istess intenzjonijiet. Dan igħinna biex ningħaqdu u nafdaw iktar lil xulxin minkejja li aħna differenti minn xulxin. Bħala bnedmin, nistgħu ngħinu ’l xulxin biex niffaċċjaw il-problemi tal-ħajja flimkien u biex ikollna iktar paċi fid-dinja. Ejjew naraw dan il-vidjow klipp flimkien.
Ħsieb Riflessiv
It-talb b’għan wieħed ineħħi l-firda li teżisti bejn il-bnedmin minħabba r-reliġjon, il-ġens, ir-razza jew ir-reliġjon. Permezz tat-talb nistgħu nissapportjaw lil xulxin billi nikkollaboraw biex id-dinja ssir post aħjar. Nistgħu kull wieħed minna naħdmu biex ir-relazzjonijiet tagħna jkunu mibnija fuq l-imħabba, ir-rispett, il-maħfra, it-tolleranza u l-kompassjoni. Meta ngħixu b’dan il-mod il-familja, is-soċjeta’ u l-komunitajiet tagħna jkunu iktar paċifiċi. Għalhekk tajjeb li nitolbu flimkien għall-paċi fid-dinja u nistinkaw biex niffaċċjaw l-isfidi li tippreżentalna s-soċjeta’ moderna. Meta ningħaqdu ikollna iktar saħħa biex nilqgħu l-isfidi tat-tniġġis, l-effett serra, il-gwerer, it-tbatija, it-terrur, l-iskjavitu’, il-mard, il-faqar u l-inġustizzji.
Talba
Alla tagħna, għinna biex naħdmu u nikkollaboraw flimkien ħalli nibnu dinja aħjar. Ammen.
