Għan: Biex ngħinu l-istudenti jifhmu li bħala Nsara jeħtieġ nimpennjaw irwieħna biex nieħdu ħsieb il-fidi tagħna u l-valuri morali tajba tagħna, bħalma bidwi jikkultiva u jieħu ħsieb l-għelieqi tiegħu. L-istudenti ser jitgħallmu modi diversi kif jagħmlu dan.
Introduzzjoni
Bonġu lil kulħadd! Ejjew nibdew bir-radd tas-salib, nagħlqu għajnejna u nirringrazzjaw lil Alla f’qalbna għas-sena l-ġdida li għadha kif bdiet.
Illum, ser nitgħallmu fuq xi ħaġa importanti ħafna. Ser nitkellmu dwar il-ħtieġa li nieħdu ħsieb il-fidi tagħna, nieħdu ħsieb l-imġiba tagħna, eżatt bħalma l-bidwi jieħu ħsieb l-uċuħ tar-raba’ tiegħu. Dan ifisser li nkunu rridu nagħmlu azzjonijiet tajbin lilna nfusna u lill-oħrajn, u b’hekk ngħinu noħolqu dinja aħjar.
Riflessjoni
Ejjew nimmaġinaw il-ħajja ta’ bidwi. Bidwi jaħdem qatigħ biex jieħu ħsieb l-għelieqi tiegħu. Jipprepara l-ħamrija għalihom qabel ma jiżra’ ż-żrieragħ, isaqqihom u jiżgura ruħu li huma b’saħħithom. Jekk ma jieħux ħsiebhom, dawn ma jikbrux. Bl-istess mod, jeħtieġ nieħdu ħsieb tal-fidi tagħna u kif inġibu wrieħna ma’ xulxin. Dan ifisser titlob, tkun ġentili, u tgħin lill-oħrajn. Ftakru li meta nkunu ġentili mal-oħrajn, inkunu qisna qed nkunu ġentili ma’ Alla, u meta nkunu kattivi mal-oħrajn, inkunu kattivi ma’ Alla.
Jista’ xi ħadd jirrakkuntalna meta għamel xi azzjoni tajba għal xi ħaddieħor? Kif ġiegħelitek tħossok? (Ħalli xi studenti jaqsmu l-esperjenzi tagħhom fil-qasir.)
Vidjo
Kindness Starts with You – At School
Attività
Risorsi: mudelli ta’ fjuri vojta, kuluri tat-tfal
Issa, ejjew nagħmlu attività li fiha nieħdu pjaċir! Ser nagħmlu ‘Ġnien ta’ Opri Tajba.’
Ħudu fjura tal-karti.
Istruzzjonijiet: Fuq il-fjura tagħkom, pinġu stampa ta’ xi ħaġa tajba li tistgħu tagħmlu għal xi ħaddieħor illum. Tista’ tkun tgħin il-ġenituri tiegħek, taqsam xi ħaġa ma’ ħabib, jew anki titlob għal xi ħadd. Meta tkun spiċċajt, inqegħdu l-fjuri kollha fuq il-bord tal-klassi tagħna li juri l-fjuri biex naraw kemm azzjonijiet tajba nistgħu nagħmlu flimkien!
Qassam fjuri tal-karti. Agħti lill-istudenti ftit minuti biex jispiċċaw il-fjuri u mbagħad kull student jista’ juri l-fjura lill-klassi u jfiehem liema azzjoni hu jew hi beħsiebu/beħsiebha tagħmel. Għinhom idendlu l-fjuri tagħhom mal-bord tal-klassi.
Talba
O Alla, Grazzi talli tgħallimna kif inkunu twajba u kif nibżgħu għall-fidi tagħna. Għinna nkunu bħall-bidwi t-tajjeb li jieħu ħsieb l-uċuħ tar-raba’ tiegħu. Għinna nagħmlu azzjonijiet tajba, inkunu ġentili mal-oħrajn, u li nħobbu aktar kuljum. Ammen.
Għan: Biex ngħinu lill-istudenti jifhmu li bħala Nsara jeħtieġ li nimpennjaw irwieħna biex nieħdu ħsieb il-fidi tagħna u nrawmu fina valuri morali tajbin bħalma bidwi jikkultiva u jieħu ħsieb l-għelieqi tiegħu.
Introduzzjoni
Bonġu lil kulħadd! Is-sena t-tajba u nilqgħukhom lura l-iskola. Nittama li lkoll kellkom vaganzi sbieħ.
Riflessjoni
It-tema ta’ dax-xahar hija: ‘Niżirgħu t-Tama – Nimpennjaw irwieħna.’ Immaġinaw bidwi jipprepara l-għelieqi tiegħu. Jiżra’ żrieragħ, isaqqi l-art, ineħħi l-ħaxix selvaġġ, u jistenna bil-paċenzja li jikbru. Dan jixbaħ lill-impenn tagħna li nibnu dinja aħjar. Jeħtieġ li niżirgħu iż-żerriegħa tat-tjubija f’qalbna, ta’ altruwiżmu, ta’ maħfra u ta’ ġenerożità, u nieħdu ħsiebhom waqt li narawhom jikbru. Jeħtieġ nimpennjaw irwieħna kuljum bħal bidwi, biex dawn iż-żrieragħ jikbru u jwarrdu ġo dinja ferħana.
Il-bidu ta’ sena ġdida huwa żmien meraviljuż biex tagħmel riżoluzzjonijiet ġodda. Propju bħal bidwi li jippjana biex ikollu annata tajba, aħna nistgħu nagħmlu pjanijiet biex nagħmlu ħajjitna u d-dinja ta’ madwarna post aktar sabiħ għal kulħadd.
Dan jista’ jinkludi li tkun ġeneruż lejn l-oħrajn, tgħin lil min hu fil-bżonn, u tkun grat għal dak kollu li għandek. Dan il-pjan ikollu suċċess biss jekk inkunu dedikati f’dak li qed nagħmlu. Ejja nitgħallmu xi jfisser impenn permezz ta’ dan il-vidjo:
Vidjo
Kids Moment: Commitment to God
Attività: Kalendarju ta’ Atti ta’ Tjubija
Riżorsi: mudell vojt ta’ kalendarju tat-tnax-il xahar, pinen, kuluri
Agħmel l-attività li ġejja biex trawwem il-valur tal-impenn għall-azzjonijiet pożittivi u biex issaħħaħ l-importanza ta’ sforzi bla heda biex tinkuraġġixxi it-tjubija u l-benna.
Istruzzjonijiet: Agħti lil kull student mudell vojt ta’ kalendarju għax-xahar li ġej. Għidilhom jimlew kull ġurnata b’att partikolari ta’ tjubija jew azzjoni pożittiva illi ser jimpennjaw li jagħmlu. Dawn l-azzjonijiet jistgħu jinkludu li tgħin ħabib fil-bżonn, li tgħid xi ħaġa ġentili lil xi membru tal-familja, li taqsam xi ġugarell ma’ ħuk jew oħtok, li żżur xi membru anzjan tal-familja, li tnaqqas mill-ħin fil-logħob tal-kompjuter, u li tagħti aktar ħin tgħin fix-xogħol tad-dar jew turi gratitudni. (Inkuraġġixxi lill-istudenti jkunu kreattivi u jaħsbu aktar impenji li jistgħu jagħmlu. Matul ix-xahar kollu, huma jistgħu jaqtgħu kull għemil tajjeb malli jlestuh. Fl-aħħar tax-xahar, l-istudenti jistgħu jirriflettu fuq l-esperjenzi tagħhom, jiddiskutu kif l-impenji tagħhom għamlu differenza f’ħajjithom u fil-ħajja tal-oħrajn.)
Talba
O Alla, għinna nkunu bħal bdiewa li b’għożża w mħabba kbira kuljum jieħdu ħsieb l-għelieqi tagħhom. Iggwidana biex niżirgħu ż-żrieragħ tat-tama u tat-tjubija sabiex flimkien noħolqu dinja aħjar. Ammen.
Għan: Nikkommettu li nsostnu dejjem it-twemmin tagħna u naraw li nżommu mad-deċiżjonijiet tajba tagħna.
Introduzzjoni (1 minuta)
- L-animatur jagħti merħba lill-istudenti u jfakkarhom fit-tema Niżirgħu t-tama u fl-importanza li naġixxu fil-mument opportun biex nevitaw li naljenaw rwieħna jew li nitgħażżnu.
- L-animatur jiggwida lill-istudenti biex iżommu l-kwiet u jibdew billi jroddu s-salib u jgħidu talba sempliċi ta’ ringrazzjamment
Qsim ta’ ideat (4 min)
- L-animatur jintroduċi t-tema ta’ Jannar, Niżirgħu t-tama: Nimpennjaw irwieħna, u jistaqsi lill-istudenti kif wieħed għandu juri impenn fil-kuntest tat-tħawwil – it-tweġiba hija li ssaqqi !
- L-animatur jafferma li għal ħafna minna mhix kwistjoni jekk aħna aħniex impennjati/dedikati imma għal xiex aħna mpennjati.
- L-animatur jiggwida lill-istudenti biex isemmu xi eżempji ta’mpenn skont il-miri, it-tamiet u x-xewqat tagħna. Per eżempju, il-mira hi li tmur tajjeb fl-eżamijiet, u allura l-impennhuwa li tistudja.
Filmat (8 min)
- L-animatur juri klipp Fantasia – The Sorcerer’s Apprentice [L-apprendist tas-Saħħar](Part 1) (3:59 min) imbagħad isaqsi lill-istudenti kif jaħsbu li ser tispiċċa l-istorja. U għaliex?
- L-animatur jissuġġerixxi li l-istorja ma spiċċatx tajjeb għaliex lill-karattru prinċipali naqsitlu l-ħeġġa li jmur u jtella’ l-ilma.
(It-tieni parti turiha jekk ikun hem ħin biex narawha https://www.youtube.com/watch?v=m-W8vUXRfxU 2:26 min).
Riflessjoni (3 min)
- L-animatur jissuġġerixxi li biex inżommu l-impenn tagħna u nsaqqu ż-żerriegħa tat-tama għandna nfakkru ta’ spiss lilna nfusna fuq l-effetti pożittivi li nixtiequ naħsdu fl-aħħar ta’ din is-sena jew f’ħajjitna in ġenerali sabiexMa negħjew qatt nagħmlu l-ġid; għax jekk ma naqtgħux qalbna, naħsdu fi żmienu (Gal 6)
- L-animatur jipproponi li, ġaladarba mhux faċli ‘li ma tegħjiex ‘, mezz sigur biex nibqgħu msoqqija u sostnuti huwa li nimpennjaw irwieħna li ngħidu talba kuljum fil-bidu ta’ dis-sena l-ġdida, u l-animatur jikkwota minn Madre Tereża, Il-frott tas-skiet huwa t-talb, il-frott tat-talb hija l-fidi, il-frott tal-fidi hija l-imħabba. Il-frott tal-imħabba hija l-qadi,
il-frott tal-qadi hija s-sliem.
Talba (4 min)
- L-animatur jagħti mudell ta’ qatra ilma lill-istudenti, u jgħid li dan jirrappreżenta l-qatra talba tagħna ta’ kuljum.
- L-animatur jiggwida lill-istudenti f’minuta ta’ silenzju biex jirriflettu fuq l-isforzi li wieħed jagħmel biex ma jonqoslux l-impenn u biex jikteb talba lil Alla biex jgħinhom fuq dan il-mudell.
- L-animatur jgħid din it-talba jew xi ħaġa simili.
O Alla, grazzita’ din is-sena l-ġdida . Dan il-bidu ġdid jgħinna sabiex niġġeddu fit-twemmin u l’impenn tagħna lejn il-proċess tat-tħawwil. Saħħaħna waqt li nfittxu l-għajnuna tiegħek fit-talb tagħna ta’ kuljum. Ammen
Għan: Nikkommettu li nsostnu dejjem it-twemmin tagħna u naraw li nżommu mad-deċiżjonijiet tajba tagħna.
Introduzzjoni (1 minuta)
- L-animatur jagħti merħba lill-istudenti u jfakkarhom fit-tema Niżirgħu t-tama u fl-importanza li naġixxu fil-mument opportun biex nevitaw li naljenaw rwieħna jew li nitgħażżnu.
Qsim ta’ ideat (4 min)
- L-animatur jintroduċi t-tema ta’ Jannar, Niżirgħu t-tama: Nimpennjaw irwieħna, u jistaqsi lill-istudenti kif wieħed għandu juri impenn fil-kuntest tat-tħawwil – it-tweġiba hija li ssaqqi !
- L-animatur jafferma li għal ħafna minna mhix kwistjoni jekk aħna aħniex impennjati/dedikati imma għal xiex aħna mpennjati.
- L-animatur jiggwida lill-istudenti biex isemmu xi eżempji ta’mpenn skont il-miri, it-tamiet u x-xewqat tagħna. Pereżempju, il-mira hi li tmur tajjeb fl-eżamijiet, u allura l-impennhuwa li tistudja.
FIlmat (8 min)
- L-animatur juri klipp Fantasia – The Sorcerer’s Apprentice [L-apprendist tas-Saħħar] (Part 1) (3:59 min.) imbagħad isaqsi lill-istudenti kif jaħsbu li ser tispiċċa l-istorja. U għaliex?
- L-animatur jissuġġerixxi li l-istorja ma spiċċatx tajjeb (It-tieni parti turiha jekk ikun hemm ħin biex narawha https://www.youtube.com/watch?v=m-W8vUXRfxU 2:26 min) għaliex lill-karattru prinċipali naqsitlu l-ħeġġa li jmur u jtella’ l-ilma.
Riflessjoni (3 min)
- L-animatur jissuġġerixxi li biex inżommu l-impenn tagħna u nsaqqu ż-żerriegħa tat-tama għandna nfakkru ta’ spiss lilna nfusna fuq l-effetti pożittivi li nixtiequ naħsdu fl-aħħar ta’ din is-sena jew f’ħajjitna in ġenerali (kwotazzjoni) sabiexMa negħjew qatt nagħmlu l-ġid; għax jekk ma naqtgħux qalbna, naħsdu fi żmienu (Gal 6)
- L-animatur jipproponi li, laġadarba mhux faċli ‘li ma tegħjiex ‘, mezz sigur biex nibqgħu msoqqija u sostnuti huwa li nimpennjaw irwieħna li ngħidu talba kuljum fil-bidu ta’ dis-sena l-ġdida, u l-animatur jikkwota minn Madre Tereża, Il-frott tas-skliet huwa t-talb, il-frott tat-talb hija l-fidi, il-frott tal-fidi hija l-imħabba. Il-frott tal-imħabba hija l-qadi,
il-frott tal-qadi hija s-sliem.
Talba (4 min)
- L-animatur jagħti mudell ta’ qatra ilma lill-istudenti, u jgħid li dan jirrappreżenta il-qatra talba tagħna ta’ kuljum.
- L-animatur jiggwida lill-istudenti f’minuta ta’ silenzju biex jirriflettu fuq l-isforzi li wieħed jagħmel biex ma jonqoslux l-impenn u biex jikteb talba lil Alla biex jgħinhom fuq dan il-mudell.
- L-animatur jgħid din it-talba jew xi ħaġa simili.
O Alla, grazzi ta’ din is-sena l-ġdida . Dan il-bidu ġdid jgħinna sabiex niġġeddu fit-twemmin u l’impenn tagħna lejn il-proċess tat-tħawwil. Saħħaħna waqt li nfittxu l-għajnuna tiegħek fit-talb tagħna ta’ kuljum. Ammen