Għan: Biex tgħin lill-istudenti tal-ewwel snin jifhmu li huwa dejjem żmien tajjeb biex tagħmel azzjoni tajba u li m’għandniex nistennew lill-oħrajn biex nibdew. L-Avvent huwa wkoll żmien tajjeb biex nippreparaw qlubna għall-Milied.
Merħba
Bonġu u merħba lil kulħadd! Aħna qegħdin fix-xahar ta’ Diċembru, żmien tabilħaqq speċjali meta nkunu qed nippreparaw għall-Milied. Dan iż-żmien huwa magħruf bħala l-Avvent, żmien ta’ stennija u ta’ preparazzjoni ta’ qlubna għall-wasla ta’ Ġesù Bambin.
Riflessjoni
Ejjew nieħdu mument biex naħsbu xi tfisser tipprepara għal xi ħaġa importanti. Immaġina li inti bidwi u jeħtieġlek tħawwel xi pjanti. Jekk tħawwel fi żmien opportun, il-pjanti jikbru sbieħ u b’saħħithom. Imma jekk iddum u tistenna żżejjed jew tħawwilhom kmieni wisq, jistgħu ma jikbru tajjeb xejn. Eżatt bħal bidwi, jeħtiġielna nippreparaw qlubna għall-Milied.
L-Avvent huwa żmien speċjali li jfakkarna kemm huwa importanti li nkunu twajba ma’ xulxin, naħfru lil xulxin u nagħmlu u ngħidu affarijiet li jagħmlu lill-oħrajn ferħana. Kull żmien huwa żmien tajjeb biex tibda.
Kanzunetta: Christmas is a Time To Love
Talba
O Alla, għinna nagħmlu azzjonijiet tajba kuljum u mhux biss meta jogħġobna, sabiex inkunu ta’ eżempju għall-oħrajn u nxerrdu l-imħabba madwarna. Ammen
Għan: Sabiex ngħinu lill-istudenti tal-primarja jifhmu li dejjem huwa l-mument ġust biex tagħmel azzjoni tajba u li m’għandniex nistennew l-oħrajn biex nibdew. L-Avvent huwa wkoll żmien tajjeb biex nippreparaw qalbna għall-Milied. Xebbaħ il-kunċett li tiżra’ ż-żerriegħa fil-mument ġust biex ikollok wiċċ tar-raba’ sabiħ mal-preparazzjoni ta’ qlubna għat-twelid ta’ Kristu.
Merħba
Bonġu! Aħna qegħdin fix-xahar ta’ Diċembru, żmien tabilħaqq speċjali meta nkunu qed nippreparaw għall-Milied. Dan iż-żmien huwa magħruf bħala l-Avvent, żmien ta’ stennija u preparazzjoni ta’ qlubna biex niċċelebraw it-twelid ta’ Kristu. It-tema tagħna għal-laqgħa tal-lum hija”Niżirgħu t-Tama – fil-mument opportun/ġust.”
Riflessjoni
Ejjew nieħdu ftit tal-ħin biex naħsbu xi tfisser tipprepara għal xi ħaġa importanti. Immaġinak bidwi u jeħtieġlek tiżra’ ż-żrieragħ. Jekk tiżragħhom fiż-żmien tajjeb, l-għelieqi jikbru f’uċuħ sbieħ u b’saħħithom. Imma jekk tistenna żżejjed jew tiżragħhom kmieni ħafna, jafu ma jikbru xejn sbieħ. Eżatt kif niżirgħu ż-żrieragħ, jeħtiġielna nippreparaw qlubna għat-twelid ta’ Ġesù.
Matul l-Avvent, jiġi mogħti lilna żmien speċjali biex nippreparaw rwieħna, biex niżirgħu ż-żerriegħa ta’ tjubija, tal-imħabba u tat-tama. M’għandniex nistennew li jibdew l-oħrajn; nistgħu nibdew propju issa, billi nagħmlu mill-aħjar li nistgħu b’mod korrett u altruist (taħseb f’ħaddieħor).
Kwotazzjoni li tispira
“Kull żmien huwa tajjeb biex tagħmel dak li huwa tajjeb.” – Martin Luther King Jr.
Din il-kwotazzjoni tfakkarna li m’għandniex bżonn nistennew mument speċjali biex nagħmlu t-tajjeb. Eżatt bħal matul l-Avvent, għandna nkunu dejjem lesti biex inġibu rwieħna bi tjubija u tama.
Kanzunetta: Christmas is a Time to Love (HD, with Lyrics)
Talba
O Alla, għinna niftakru fl-importanza li nippreparaw qlubna biex nagħtu merħba lil Ġesù. Għallimna niżirgħu żrieragħ ta’ tjubija, imħabba u tama fil-ħajja tagħna ta’ kuljum. Għinna naġixxu fil-mument it-tajjeb u li ma nistennewx li jibdew l-oħrajn. Ammen.
Għan: Nisfruttaw l-okkażjoni biex nirreaġixxu b’mod fidil matul l-istaġun opportun tal-Avvent.
Merħba (1 min)
- L-edukatur jilqa’ l-istudenti u jfakkarhom fuq it-tema Niżirgħu t-Tama u fuq l-importanza li nitgħallmu mill-istejjer ta’ success tal-oħrajn.
- L-edukatur jigwida li l-istudenti joqogħdu kwieti, jibda bir-radd tas-salib u talba sempliċi ta’ ringrazzjament/ għall-mument qasir ta’ silenzju fuq il-ġmiel ta’ għodwa ġdida.
Attività / Filmat (4 min)
- L-edukatur jintroduċi t-tema ta’ Diċembru billi jgħid li hija speċjali għal ħafna għaliex tikkoinċidi mal-melodija ‘this is the season to be jolly’ [dan huwa l-istaġun biex tkun ferħan] – u tħeġġeġ l-istudenti jkomplu bir-ritornell ‘Fa-la-la-la-la, la-la-la-la’.
- L-edukatur jirreaġixxi għall-fatt li l-istudenti kantaw jew le u jisħaq fuq il-fatt illi xi kultant jeħtieġ li naġixxu fil-mument opportun: kwistjoni li jew ser nieħu l-opportunità u naġixxi issa jew qatt.
- *(Dan il-pass jista’ jinqabeż) L-edukatur juri filmat imbagħad jelabora fuqu billi jgħid illi l-persuna kellha tipprepara sew imma mbagħad kien wasal il-ħin li kellu jagħmilha (proposta taż-żwieġ).
Riflessjoni (4 min)
- L-edukatur ixebbaħ l’Avvent li jsejħilna biex nagħmlu xi ħaġa bi preparazzjoni għall-Milied maż-żriegħ li jeħtieġ isir fiż-żmien / staġun opportun.
- L-edukatur jistaqsi b’mod riflessiv fuq kif l-istudenti se jippreparaw għall-Milied u li dan jagħmluh fil-ħin, imbagħad jerġa’ jgħid fi kliemu li l-Avvent jgħallimna kif nittamaw: it-tip ta’ tama li tarbija għadha titwieled iġġib fid-dinja, it-tama li għandna nħalluha tinżera’ f’ħajjitna u f’tal-oħrajn.
- L-edukatur jaħtaf l-okkażjoni biex jintroduċi inizjattiva ta’ karità ta’ żriegħ it-tama għal familji fil-bżonn matul l- Avvent, per eżempju.
Talba ( 1 min)
O Alla, grazzi ta’ dan iż-żmien qaddis tal-Avvent. Għinna naħtfu l-okkażjoni matul il-ġimgħat li jwassluna sal-Milied biex inħallu t-tama tikber fina u fil-ħajja ta’ dawk li nieqsin minnha. Ammen.
Għan: Nisfruttaw l-okkażjoni biex nirreaġixxu b’mod fidil matul l-istaġun opportun tal-Avvent.
Merħba (1 min)
- L-edukatur jilqa’ l-istudenti u jfakkarhom fuq it-tema Niżirgħu t-Tama u fuq l-importanza li nitgħallmu mill-istejjer ta’ success tal-oħrajn.
- L-edukatur jigwida li l-istudenti joqogħdu kwieti, jibda bir-radd tas-salib u talba sempliċi ta’ ringrazzjament/ għall-mument qasir ta’ silenzju fuq il-ġmiel ta’ għodwa ġdida.
Attività / Filmat (4 min)
- L-edukatur jintroduċi t-tema ta’ Diċembru billi jgħid li hija speċjali għal ħafna għaliex tikkoinċidi mal-melodija ‘this is the season to be jolly’ [dan huwa l-istaġun biex tkun ferħan] – u tħeġġeġ l-istudenti jkomplu bir-ritornell ‘Fa-la-la-la-la, la-la-la-la’.
- L-edukatur jirreaġixxi għall-fatt li l-istudenti kantaw jew le u jisħaq fuq il-fatt illi xi kultant jeħtieġ li naġixxu fil-mument opportun: kwistjoni li jew ser nieħu l-opportunità u naġixxi issa jew qatt.
- *(Dan il-pass jista’ jinqabeż) L-edukatur juri filmat imbagħad jelabora fuqu billi jgħid illi l-persuna kellha tipprepara sew imma mbagħad kien wasal il-ħin li kellu jagħmilha (proposta taż-żwieġ).
Riflessjoni (4 min)
- L-edukatur ixebbaħ l’Avvent li jsejħilna biex nagħmlu xi ħaġa bi preparazzjoni għall-Milied maż-żriegħ li jeħtieġ isir fiż-żmien / staġun opportun.
- L-edukatur jistaqsi b’mod riflessiv fuq kif l-istudenti se jippreparaw għall-Milied u li dan jagħmluh fil-ħin, imbagħad jerġa’ jgħid fi kliemu li l-Avvent jgħallimna kif nittamaw: it-tip ta’ tama li tarbija għadha titwieled iġġib fid-dinja, it-tama li għandna nħalluha tinżera’ f’ħajjitna u f’tal-oħrajn.
- L-edukatur jaħtaf l-okkażjoni biex jintroduċi inizjattiva ta’ karità ta’ żriegħ it-tama għal familji fil-bżonn matul l- Avvent, per eżempju.
Talba (1 min)
O Alla, grazzi ta’ dan iż-żmien qaddis tal-Avvent. Għinna naħtfu l-okkażjoni matul il-ġimgħat li jwassluna sal-Milied biex inħallu t-tama tikber fina u fil-ħajja ta’ dawk li nieqsin minnha. Ammen.