Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Din il-ġimgħa se niċċelebraw il-fatt li aħna lkoll differenti u li xorta għandna nġibu ruħna ma’ xulxin bħal aħwa, mingħajr ma nħarsu lejn dak li jagħmilna differenti. Ejja nkantaw din id-diska flimkien:
Ara
Ħsieb Riflessiv
Hemm ħafna affarijiet li jagħmluna differenti iżda aħna l-istess b’modi differenti wkoll. Kulħadd għandu bżonn jiekol imma kollha nħobbu ikel differenti. Aħna kollha għandna poteri differenti imma kollha kemm aħna nafu nġibu ruħna b’mod tajjeb ħafna. Mela ejja noħolqu dinja sabiħa flimkien minkejja d-differenzi tagħna.
Talba
O Alla, għinna sabiex naċċettaw u nifirħu bid-differenzi tagħna u fakkarna li aħna lkoll aħwa. Ammen
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Aħseb ftit fi sħabek u sħabek tal-klassi – aħna nixxiebhu f’ħafna affarijiet imma differenti f’oħrajn. Din hi l-esperjenza ta’ Cole u sieħbu ikbar minnu, Steve. Steve għandu l-awtiżmu imma skont Cole, Steve huwa l-aktar bniedem kuntent li qatt iltaqa’ miegħu. Cole ma qagħadx iħares lejn id-differenzi bejnu u bejn Steve, iżda lejn x’hemm komuni u li jagħmilhom ħbieb. Ejja naraw flimkien il-filmat:
Ara
Ħsieb Riflessiv
Steve u Cole huma eżempju sabiħ ta’ ħbiberija għax iħarsu ’l bogħod mid-differenzi u jgawdu l-ħin tagħhom flimkien. Aħna lkoll ftit differenti u dan hu fatt sabiħ ħafna – għax id-diversita’ toħloq l-esperjenzi sbieħ fil-klassi, fit-toroq u fil-komunitajiet. Għandna ħafna differenzi imma wkoll ħafna affarijiet l-istess li jistgħu jsaħħu l-għaqda ta’ bejnietna.
Talba
Għażiż Alla, grazzi li ħlaqtna lkoll differenti, għinna sabiex dawn id-differenzi ma jifirduniex imma jgħinuna nersqu lejn xulxin. Ammen
Merħba
Il-kap tal-iskola, l-SLT jew l-edukatur li jkun qed jmexxi l-assembly jagħti merħba lill-istudenti billi jgħidilhom “Bonġu”/”L-għodwa t-tajba”. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
Aħseb ftit fi ħbiebek u fi sħabek tal-klassi – hemm ħafna affarijiet komuni bejnietna imma għandna wkoll ħafna differenzi. Din hija l-esperjenza ta’ Cole u sieħbu, ikbar minnu, Steve. Steve għandu l-awtiżmu imma skont Cole, Steve huwa l-aktar bniedem kuntent li qatt iltaqa’ miegħu. Cole ma qagħadx iħares lejn id-differenzi bejnu u bejn Steve, iżda lejn x’hemm komuni u li jagħmilhom ħbieb. Ejja naraw flimkien il-filmat:
Ara
Ħsieb Riflessiv
Steve u Cole huma eżempju sabiħ ta’ ħbiberija tajba għax huma jħarsu ’l bogħod mid-differenzi u jgawdu l-ħin tagħhom flimkien. Aħna lkoll ftit differenti u din hi ħaġa tassew sabiħa għax din id-diversita’ toħloq l-esperjenzi sbieħ fil-klassi, fit-toroq u fil-komunitajiet. Għandna ħafna differenzi imma ħafna affarijiet komuni li jistgħu jsaħħu l-unita’ tagħna.
Talba
Għażiż Alla, grazzi li ħloqtna ilkoll differenti, għinna sabiex nużaw id-differenzi biex nersqu lejn xulxin u mhux nitbiegħdu minn xulxin. Ammen.
Merħba
Il-kap tal-iskola, l-SMT jew l-edukatur li jkun qed jmexxi l-assembly jagħti merħba lill-istudenti billi jgħidilhom bonġu. Wieħed jista’ jibda bir-radd tas-salib jew ftit minuti ta’ silenzju.
Introduzzjoni
M’għandniex inħarsu lejn id-differenzi ta’ bejnietna bħala xi ħaġa li tifridna iżda bħala xi ħaġa li tgħaqqadna. Għandna ħafna differenzi bejnietna iżda għandna wkoll dak li hu komuni. Ejja naraw dan il-filmat flimkien:
Ara
Ħsieb Riflessiv
Iż-żewġ adoloxxenti kienu differenti – filwaqt li wieħed juża l-wheelchair, l-oħra kienet nieqsa mis-smigħ, iżda xorta sabu mod kif jikkomunikaw u jibnu ħbiberija. M’għandniex inġibu ruħna b’mod immatur billi nħarsu lejn id-differenzi ta’ xulxin biex nittakkaw u neskludu lill-oħrajn iżda għandna niffukaw fuq dak li jgħaqqadna u jagħmilna familja waħda. M’hemmx min hu magħna jew kontra tagħna imma lkoll flimkien – magħqudin għax differenti u magħqudin ukoll għax l-istess.
Talba
Għażiż Alla, grazzi li ħlaqtna lkoll differenti, għinna sabiex nużaw id-differenzi ta’ bejnietna sabiex ningħaqdu u nissaħħu u mhux biex ninfirdu. Ammen.
