Għan: Biex tispira u tinkuraġġixxi student tal-ewwel snin jidentifikaw u jneħħu drawwiet jew ħsibijiet negattivi (ħaxix selvaġġ) f’ħajjithom, u minflokhom jagħżlu azzjonijiet u attitudnijiet pożittivi (drawwiet tajbin), waqt li jifhmu l-importanza tat-tjubija matul l-istaġun tar-Randan.
Merħba
Bonġu lil kulħadd! Illum ser nagħmlu tindifa sewwa ġo qlubna u moħħna. Xi jfisser dan? Ejjew niskopru.
Riflessjoni/Storja
Ejja ngħidilkom storja fuq bidwi. Darba waħda, kien hemm bidwi li kellu għalqa sabiħa. Imma jum fost l-oħrajn induna li ħaxix selvaġġ beda jikber ġol-għelieqi tiegħu. Dan il-ħaxix selvaġġ għamilha diffiċli għall-pjanti biex jikbru sodi u b’saħħithom. Għalhekk, il-bidwi ddeċieda jaqla’ l-ħaxix selvaġġ. Kien xogħol iebes, imma l-għalqa ma damitx ma mtliet mill-ġdid bi pjanti sodi u b’saħħithom.
Eżatt bħal bidwi, aħna għandna nħarsu lejn ħajjitna stess u naraw jekk hemmx xi ‘ħaxix selvaġġ’ li jeħtieġ naqilgħu. Dawn jistgħu jkunu drawwiet ħżiena bħal meta ma taqsamx ma’ ħaddieħor, ma tagħtix kas meta jkellmuk, jew tkun iebes mal-oħrajn. Huwa importanti li drawwiet tajbin għandhom jieħdu post dawk tal-ħżiena, bħalma meta nkunu ġenerużi, nisimgħu lil xulxin u naqsmu mal-oħrajn.
Kanzunetta: Clean Up Inside Your Heart | Sunday School Songs | Bible Songs for Kids
Talba
O Alla, grazzi għall-istaġun tar-rebbiegħa u għall-opportunità li nikbru u ninbiddlu. Għinna neħilsu mid-drawwiet ħżiena tagħna u li nimlew qalbna bi tjubija u ħbiberija biex insiru persuni aħjar. Ammen
Għan: Sabiex nispiraw u nħeġġu l-istudenti tal-primarja jagħrfu u jwarrbu drawwiet u ħsibijiet negattivi (ħaxix selvaġġ) f’ħajjithom, u minflokhom jagħżlu azzjonijiet pożittivi u mġieba tajba (drawwiet tajbin), waqt li jifhmu l-importanza ta’ maturità personali u tat-tjubija matul l-istaġun tar-Randan.
Merħba
Bonġu lil kulħadd! Illum ser nitkellmu fuq ħaġa importanti u interessanti: aħna ikoll nixtiequ li d-dinja tkun post aħjar, hux? Allura għaliex ma nibdewx b’tindifa tajba ta’ qalbna u ta’ moħħna?
Riflessjoni
Ir-rebbiegħa hija ż-żmien fejn kollox madwarna jibda jwarrad u jikber. Eżatt bħal bidwi li jieħu ħsieb l-għelieqi billi jneħħi l-ħaxix selvaġġ, ukoll aħna jeħtiġielna nħarsu lejn ħajjitna u naraw jekk hemmx xi ‘ħaxix selvaġġ’ f’qalbna u moħħna – bħal ħsibijiet negattivi jew drawwiet ħżiena (per eżempju: gideb, serq, ma titlobx, tqasqas fuq in-nies) – li jeħtiġielna inneħħu.
(Fiehem li l-ewwel ħaġa hi li nindunaw b’dawn id-drawwiet ħżiena u nammettu li jeħtieġ ninbidlu. Wara, nippruvaw inbiddlu dawn id-drawwiet ħżiena fi drawwiet tajbin. Jekk qabel ma konniex naqsmu biżżejjed [affarijiet mal-oħrajn], issa nistgħu naqsmu aktar. Minflok ma nirrabbjaw, nibdew nipprattikaw aktar kalma, paċenzja u tjubija; minflok inħarsu bl-ikrah nibdew nitbissmu iktar).
Kwotazzjoni li tispira:
Papa Franġisku qal: ‘Ir-Randan huwa żmien biex inġeddu l-fidi, it-tama u l-imħabba.‘ Din il-kwotazzjoni tfakkarna li r-Randan huwa żmien speċjali biex nimmaturaw u nsiru persuni aħjar. Nippruvaw niġġeddu u nagħmlu bidliet pożittivi f’ħajjitna.
Kanzunetta: I will follow
Talba
O Alla, grazzi għal dan l-istaġun tar-Randan, żmien biex nirriflettu u nikbru. Għinna nagħrfu ‘l-ħaxix selvaġġ’ f’ħajjitna li huma d-drawwiet ħżiena. Agħtina s-saħħa biex inneħuhom u f’posthom nagħmlu attitudnijiet pożittivi. Dawwalna biex inkunu paċenzjużi, biex inħobbu u naħfru ’ll-oħrajn u lilna nfusna. Ammen.
Għan: Inġeddu rwieħna dan ir-Randan permezz ta’ opportunitajiet li jogħġbuna u oħrajn li ma jogħġbuniex daqstant.
Merħba (2 min):
- L-edukatur jilqa’ lill-istudenti u jfakkarhom fuq it-tema Niżirgħu t-Tama u fuq l-importanza li tistenna bil-paċenzja meta ma nkunux qed naraw ir-riżultati mixtieqa.
- L-edukatur jiggwida lill-istudenti biex jisktu, jroddu s-salib u jgħidu talba sempliċi ta’ ringrazzjament / mument qasir ta’ silenzju biex jaħsbu fuq il-ġmiel ta’ din l-għodwa ġdida u tal-istaġun ġdid li ġej: ir-Rebbiegħa taħbat ukoll mar-Randan.
Filmat (2 min):
- L-edukatur jintroduċi t-tema ta’ Marzu flimkien mal-idea ta’ Spring-cleaning u jfiehem il-frażi billi jgħid li bl-istaġun il-ġdid ħafna jħossu l-ħtieġa li jordnaw mill-ġdid l-ambjent fejn jgħixu ta’ kuljum billi jneħħu l-qadim u joħorġu l-ġdid ħlief jekk inti tħobb taħżen, u juri filmat Hoarding: Buried Alive (Taħżen: Tindifen Ħaj).
Riflessjoni (5 min):
- L-edukatur jissuġġerixxi li filwaqt li jistgħu ikunu ftit dawk li jaħżnu b’dan il-mod, ħafna għandhom it-tendenza li jirreżistu l-bidla, tendenza li ukoll kapaċi ‘tidfinna ħajjin’ peress li li tgħix ifisser li tinbidel.
- L-edukatur jisħaq fuq l-idea ta’ spring-cleaning tirrifletti l-bidliet naturali tat-twelid mill-ġdid, tkabbir mill-ġdid, jew il-qawmien mill-mewt fi żmien ir-rebbiegħa wara l-istaġuni ‘rieqda’.
- L-edukatur jgħin lill-istudenti jikkunsidraw illi filwaqt li bidla fuq livell personali tista’ tkun eċċitanti, tista’ tkun ukoll skomda – għalkemm bħalma huwa skomdu imma ta’ ġid għall-friegħi tad-dielja li jridu jinżabru, (aħna) għad nagħmlu aktar frott, iwiegħed Ġesù.
- L-edukatur jistieden l-studenti jaraw dawk il-ħsibijiet, attitudnijiet jew relazzjonijiet li wieħed għandu bżonn jordna mill-ġdid u jbiddel f’ħajtu u jistieden lil dawk li jemmnu sabiex jintelqu f’idejn Alla, li huwa bħal Bidwi lest biex b’imħabba inaddaf id-dielja tiegħu!
Talba (1 min): O Alla, grazzi talli tgħallimna permezz tal-proċessi naturali tat-twelid mill-ġdid tar-Rebbiegħa. Għinna nħallu kollox li qed iżomna milli ngħixu b’mod komplut dan ir-Randan u li jkollna fiduċja li Inti tista’ tagħtina saħħa ġdida u tama mġedda dan il-Għid. Ammen
Għan: Inġeddu rwieħna dan ir-Randan permezz ta’ opportunitajiet li jogħġbuna u oħrajn li ma jogħġbuniex daqstant.
Merħba (2 min):
- L-edukatur jilqa’ lill-istudenti u jfakkarhom fuq it-tema Niżirgħu t-Tama u fuq l-importanza li tistenna bil-paċenzja meta ma nkunux qed naraw ir-riżultati mixtieqa.
- L-edukatur jiggwida lill-istudenti biex jisktu, jroddu s-salib u jgħidu talba sempliċi ta’ ringrazzjament / mument qasir ta’ silenzju biex jaħsbu fuq il-ġmiel ta’ din l-għodwa ġdida u tal-istaġun ġdid li ġej: ir-Rebbiegħa taħbat ukoll mar-Randan.
Filmat (2 min):
- L-edukatur jintroduċi t-tema ta’ Marzu flimkien mal-idea ta’ Spring-cleaning u jfiehem il-frażi billi jgħid li bl-istaġun il-ġdid ħafna jħossu l-ħtieġa li jordnaw mill-ġdid l-ambjent fejn jgħixu ta’ kuljum billi jneħħu l-qadim u joħorġu l-ġdid ħlief jekk inti tħobb taħżen, u juri filmat Hoarding: Buried Alive (Taħżen: Tindifen Ħaj).
Riflessjoni (5 min):
- L-edukatur jissuġġerixxi li filwaqt li jistgħu ikunu ftit dawk li jaħżnu b’dan il-mod, ħafna għandhom it-tendenza li jirreżistu l-bidla, tendenza li ukoll kapaċi ‘tidfinna ħajjin’ peress li li tgħix ifisser li tinbidel.
- L-edukatur jisħaq fuq l-idea ta’ spring-cleaning tirrifletti l-bidliet naturali tat-twelid mill-ġdid, tkabbir mill-ġdid, jew il-qawmien mill-mewt fi żmien ir-rebbiegħa wara l-istaġuni ‘rieqda’.
- L-edukatur jgħin lill-istudenti jikkunsidraw illi filwaqt li bidla fuq livell personali tista’ tkun eċċitanti, tista’ tkun ukoll skomda – għalkemm bħalma huwa skomdu imma ta’ ġid għall-friegħi tad-dielja li jridu jinżabru, (aħna) għad nagħmlu aktar frott, iwiegħed Ġesù.
- L-edukatur jistieden l-studenti jaraw dawk il-ħsibijiet, attitudnijiet jew relazzjonijiet li wieħed għandu bżonn jordna mill-ġdid u jbiddel f’ħajtu u jistieden lil dawk li jemmnu sabiex jintelqu f’idejn Alla, li huwa bħal Bidwi lest biex b’imħabba inaddaf id-dielja tiegħu!
Talba (1 min): O Alla, grazzi talli tgħallimna permezz tal-proċessi naturali tat-twelid mill-ġdid tar-Rebbiegħa. Għinna nħallu kollox li qed iżomna milli ngħixu b’mod komplut dan ir-Randan u li jkollna fiduċja li Inti tista’ tagħtina saħħa ġdida u tama mġedda dan il-Għid. Ammen