🧠 MIS-SERJE WHOLESOME – B’MOĦĦOK KOLLU: MAQBUD U MĠEDDED
L-istorja tal-Miraklu tal-Qabda tal-Ħut (Luqa 5:1–11)
👉 Għan
It-tfal se jitgħallmu li meta nafdaw f’Ġesù u naċċettaw li xi kultant l-affarijiet fil-ħajja ma jmorrux kif nixtiequ, dan jista’ jwassal għal sorpriżi mill-isbaħ għalina u opportunitajiet biex ngħinu lill-oħrajn.
🟦 Introduzzjoni (5 minuti)
Bonġu, kulħadd! Illum se mmorru fuq avventura biex nisimgħu storja super sabiħa dwar sajjied jismu Xmun Pietru u kif inbidlet ħajtu meta ltaqa’ ma’ Ġesù! Xi drabi, jiġru affarijiet li ma nistennewhomx, bħal meta l-ħin tal-logħob tiegħek jiġi interrott, jew il-ġugarell favorit tiegħek jinkiser. Jista’ jħossok ftit imdejjaq meta l-pjanijiet tagħna jinbidlu. Imma tafu x’inhu? Bħal Xmun Pietru, nistgħu nitgħallmu nafdaw f’Ġesù u nkunu flessibbli, u jistgħu jiġru affarijiet tal-għaġeb!
Ejja rroddu s-Salib flimkien u mbagħad nieħdu mument ta’ kwiet biex inħejju moħħna għall-istorja tagħna.
📖 Storja (5 minuti)
L-istorja tal-Miraklu tal-Qabda tal-Ħut (Luqa 5:1–11)
- Araw l-filmat tal-istorja flimkien jew anima l-istorja inti billi taqra l-istorja adattata għat-tfal u ssegwi l-PowerPoint.
- Wara stieden lill-istudenti jgħidu l-istorja fi kliemhom stess.
🟦 Diskussjoni qasira
“Wow, xi storja tal-għaġeb! Issa, ejja nitkellmu dwar xi punti importanti fl-istorja:
- X’saqsa Ġesù lil Xmun Pietru biex jagħmel bid-dgħajsa tiegħu?
- Ġesù saqsa lil Xmun Pietru jekk jistax jidħol fid-dgħajsa tiegħu u jużaha biex jgħallem lin-nies mill-ilma.
- X’ġara meta Xmun Pietru sema’ lil Ġesù u reġa’ tefa’ x-xbieki tiegħu fl-ilma?
- Qabdu tant ħut li x-xbieki bdew jinkisru, u ż-żewġ dgħajjes imtlew bil-ħut! Kien miraklu tassew kbir.
- X’qal Ġesù lil Xmun Pietru wara li qabdu dak il-ħut kollu?
- Ġesù qallu li minn issa ’l quddiem kien se jkun qed “jistad għan-nies,” jiġifieri kien se jgħin lill-oħrajn jitgħallmu dwar Ġesù u jimxu warajh.
👐 Attività Riflettiva – Id-Dgħajjes tal-Inkwiet (15-il minuta)
Għan
It-tfal jitgħallmu jafdaw lil Ġesù bħalma għamel Xmun Pietru, billi jafdaw l-inkwiet u l-mistoqsijiet tagħhom f’idejh.
Materjali
- Dgħajsa żgħira tal-karti għal kull tifel u tifla (tista’ tippreparahom minn qabel jew tipprovdi mudell biex jaqtgħu huma).
- Friskatur bl-ilma.
- Krejons jew markers.
Istruzzjonijiet tal-Attività
- Agħti lil kull tifel u tifla dgħajsa tal-karti. Itlobhom jaħsbu f’xi ħaġa li qed tinkwetahom. Tista’ tkun skola ġdida, li jmorru joqogħdu f’dar oħra, jew ħabib li hu imdejjaq.
- Fuq id-dgħajsa tal-karti, itlobhom jiktbu kelma jew ipinġu stampa li tfakkarhom f’dak l-inkwiet.
- Fakkarhom kif Xmun Pietru kien jafda f’Ġesù anki meta l-affarijiet kienu diffiċli u ma kienx jifhimhom. Anki aħna nistgħu nafdawh! Meta jkollna l-inkwiet, Ġesù jista’ jgħinna u jdawwar kollox għal ġid.
- Spjega li issa se jieħdu “d-dgħajjes tal-inkwiet” tagħhom u bil-mod ipoġġuhom fl-ilma. Meta jpoġġu d-dgħajsa tagħhom fl-ilma, jgħidilhom biex jimmaġinaw li qegħdin jagħtu l-inkwiet tagħhom lil Ġesù, biex Hu jżommhom u jgħinhom, eżatt bħalma Xmun Pietru afda fih bis-sajd tiegħu.
- Ħalli mument ta’ silenzju waqt li t-tfal ipoġġu d-dgħajjes fl-ilma, bħala ħin ta’ riflessjoni u talb kwiet.
🟦 Konklużjoni (5 minuti)
Bħal Xmun Pietru, aħna wkoll ikollna żminijiet meta l-affarijiet ma jmorrux kif ippjanajna, jew imdejqin. Imma meta nafdaw f’Ġesù u nkunu lesti nippruvaw affarijiet ġodda, Hu jista’ juża l-esperjenzi tagħna biex jagħmel affarijiet kbar. Hu jista’ jgħinna nsibu talenti ġodda, negħlbu l-biżgħat tagħna, u nsiru “sajjieda tan-nies” – jiġifieri naqsmu l-imħabba tiegħu ma’ kulħadd ta’ madwarna.
🙏 Talba: Għażiż Ġesù, għinna nafdawk anki meta l-affarijiet ikunu diffiċli jew mhux mistennija. Agħtina l-kuraġġ biex nużaw dak li aħna tajbin għalih biex ngħinu lil oħrajn u naqsmu l-imħabba tiegħek. Ammen.
🧠 Mis-serje WHOLESOME – B’MOĦĦOK KOLLU: MAQBUD U MĠEDDED
L-istorja tal-Miraklu tal-Qabda tal-Ħut (Luqa 5:1–11)
👉 Għan
L-istudenti jkunu jistgħu jidentifikaw kif il-fiduċja f’Ġesù u li nkunu flessibbli fil-ħajja jistgħu jwasslu għal barkiet u opportunitajiet mhux mistennija għall-aħjar tagħna u biex naqdu lill-oħrajn.
🟦 Introduzzjoni (5 minuti)
L-għodwa t-tajba lil kulħadd! Illum se nesploraw storja interessanti dwar sajjied jismu Xmun Pietru u kif ħajtu nbidlet meta ltaqa’ ma’ Ġesù. Kultant jiġru affarijiet li ma nistennewhomx, u forsi nħossu li l-pjanijiet tagħna ġew imfixkla. Imma, bħal Pietru, nistgħu nitgħallmu nafdaw u nadattaw, u jistgħu jiġru affarijiet tassew tal-għaġeb!
Qabel nibdew, ejja rroddu flimkien is-sinjal tas-salib u ngħaddu mument ta’ silenzju biex nikkalmaw u nħejju ruħna.
📖 Storja (5 minuti): L-istorja tal-Miraklu tal-Qabda tal-Ħut (Luqa 5:1–11)
Araw l-filmat tal-istorja flimkien jew anima l-istorja inti billi taqra l-istorja adattata għat-tfal u ssegwi l-PowerPoint.
Stieden lill-istudenti jgħidu l-istorja fi kliemhom stess.
Wara uża attività interattiva biex iżżomm l-attenzjoni u tagħmilhom aktar involuti qabel tibda d-diskussjoni.
👐 Attività Riflettiva – Dgħajjes ta’ Inkwiet (5 minuti)
Għan: L-istudenti se jkunu jistgħu jidentifikaw oqsma f’ ħajjithom li jinkwethom jew ibeżżagħhom u jesprimu att ta’ fiduċja f’ Alla billi simbolikament iċedulu dan it-tħassib.
Materjali: dgħajsa tal-karti għal kull student (jew template ta’ dgħajsa fejn l-istudenti jistgħu jaqtgħu madwarha) u friskatur kbir tal-ilma.
Istruzzjonijiet
Agħti lil kull student dgħajsa żgħira tal-karti.
Itlobhom jaħsbu dwar sfida jew beżgħat li qed jiffaċċjaw bħalissa f’ ħajjithom.
Jistgħu jiktbu jew ipinġu dan l-inkwiet fuq id-dgħajjes tal-karti tagħhom.
Spjega li, bħal fl-istorja ta’ Xmun, Alla jista’ joħroġ il-ġid minn dawn l-isfidi.
Stedinhom biex ipoġġu d-dgħajjes tal-karti tagħhom fl-ilma bħala att ta’ fiduċja f’Alla, u simbolikament qed jagħtuh l-inkwiet u n-nuqqas ta’ fiduċja tagħhom.
🟦 Diskussjoni qasira dwar l-istorja (5 minuti) – uża l-PowerPoint
Kif inbiddlu l-pjanijiet ta’ Xmun Pietru meta Ġesù daħal fid-dgħajsa tiegħu?
Xmun kien qed jaħsel ix-xbieki tiegħu, u aktarx kien qed jippjana li jmur id-dar wara lejl twil ta’ sajd. Imma Ġesù biddillu l-pjanijiet billi talab biex juża d-dgħajsa tiegħu.
Dan juri li kultant il-ħajja tagħna tiġi interrotta b’affarijiet mhux mistennija, kemm jekk togħġobna u kemm jekk le.
Għaliex Xmun aċċetta li jerġa’ jniżżel ix-xbieki minkejja li kien għajjien u ma qabad xejn matul il-lejl kollu?
Xmun kellu fiduċja f’Ġesù. Għalkemm kien improbabbli ħafna li jaqbdu xi ħaġa, għax kienu ilhom il-lejl kollu jippruvaw għalxejn, Xmun xorta sema’ t-talba ta’ Ġesù.
Dan jenfasizza li xi kultant ma rridux inpoġġu l-fidi fina nfusna biss, imma f’Ġesù.
X’ġara meta Xmun afda f’Ġesù u segwa l-istruzzjonijiet tiegħu?
Qabdu daqshekk ħut li x-xbieki bdew jinkisru u ż-żewġ dgħajjes imtlew sal-ponta.
Dan juri li meta Xmun obda lil Ġesù u afda fih, hu u sħabu għexu miraklu tassew kbir.
Kif ħassu Xmun wara l-qabda mirakoluża?
Xmun stagħġeb u ħassu mhux denju. Qallu lil Ġesù: “Mur ’il bogħod minni, Mulej, għax jien bniedem midneb!”
Dan juri li Xmun ħassu ċkejken quddiem il-ġenerożità u l-qawwa ta’ Ġesù, minkejja li qabad ħut b’ammont kbir. Eż kważi tistħi tagħti daqqa ta’ sieq quddiem plajer kbir tal-futbol għax ħdejh inti tħossok li int xejn.
X’ried jgħid Ġesù meta qal lil Xmun li se jagħmlu sajjied tan-nies?
Ġesù ried ifisser li Xmun se jgħin lin-nies isiru jafu lil Ġesù u jimxu warajh.
Ġesù ta lil Xmun ħarsa ġdida lejn ħajtu – x’jista’ jsir, x’jimporta tassew, u kif il-ħajja tiegħu setgħet tieħu direzzjoni ġdida.
🟦 Konklużjoni (5 minuti)
Bħalma ġara lil Xmun Pietru, aħna wkoll niltaqgħu ma’ interruzzjonijiet u sfidi fil-ħajja tagħna. Imma meta nafdaw f’Ġesù u nkunu lesti nadattaw, Hu jista’ juża s-sitwazzjonijiet tagħna biex jagħmel affarijiet tal-għaġeb. Hu jista’ jgħinna niskopru talenti ġodda, negħlbu l-biżgħat tagħna, u nsiru “sajjieda tal-bnedmin,” jiġifieri nxerrdu l-imħabba Tiegħu ma’ kull min ikun madwarna. Nafdaw li Hu għandu pjan sabiħ għal kull wieħed u waħda minna.
🙏 Talba: O Ġesù, għinna nafdaw fik, anke meta l-affarijiet ikunu diffiċli jew mhux mistennija. Urina kif nistgħu nużaw it-talenti tagħna biex ngħinu lill-oħrajn u nxerrdu l-imħabba tiegħek. Ammen.
MIS-SERJE WHOLESOME
🧠B’MOĦĦOK KOLLU: MAQBUD U MĠEDDED
l-istorja tal-Miraklu tal-Qabda tal-Ħut (Luqa 5:1–11)
🟦 INTRODUZZJONI (5 min.)
1. Ftuħ
- L-animatur jibda’ billi jistaqsi:
👉 “X’jiġi f’moħħok meta tisma’ l-kelma ‘wholesome’?”
- Ilqa’ ftit risposni u faħħar il-kontribuzzjonijiet kollha.
2. Għaqqad mis-sensiela
- Spjega li wholesome tfisser “sħiħ, komplut, imwettaq, jew integrat.”
- Wholesome: Sensiela ta’ Stejjer tgħina nespjoru kif inkunu ħaġa waħda:
💓 b’Qalbna kollha
🧠 b’Moħħna kollu
💪🏼 bil-Qawwa kollha (tal-ġisem)
🔥 b’Ruħna kollha
3. Agħti kuntest:
- “L-istorja tal-lum titkellem fuq il-kapaċità tal-moħħ – x’taħsbu fuq dan?”
- “Permezz tal-istorja tal-Miraklu tal-Qabd tal-Ħut, se nisimgħu wkoll fuq kif nistgħu ninqabdu f’mumenti ta’ qtiegħ il-qalb u nuqqas ta’ ħeġġa. Imma fl-aħħar hemm it-tama għax moħħna jista’ jkun imġedded and jissaħħaħ.”
📖 L-EWWEL QARI (Luqa 5:1–11) – Aqra l-qari kollu, jekk trid (5 min.):
- L-Animatur jagħmel is-Sinjal tas-Salib u jaqra l-passaġġ mill-bibbja jew skrin.
- Imbagħad jistaqsi:
- “Ġieli kont smajt din l-istorja qabel?”
- “Laqtek xi ħaġa minnha?”
- Isma’ mingħajr ġudizzju – dan huwa mument fejn niltaqgħu mal-istudenti fejn jinsabu.
Introduċi it-3 Punti Prinċipali:
- Imbutatti għal-impenn bis-sens – Niċċaqalqu mill-kumdità mentali għal esperjenzi li jibdlulna ħajjitna.
- Lil hinn mid-diżżappunti profondi tagħna – Insibu biżejjed raġuni biex ninbarkaw fuq vjaġġ ta’ fiduċja.
- Niksbu moħħ ġdid u nsiru sħaħ – Inħallu lilna nfusna nkunu maqbuda u mgħotija s-setgħa
🟪PARTI 1 (2 min.) – Aqra Versi 1-3:
IMBUTATTI GĦAL-IMPENN BIS-SENS – NIĊĊAQALQU MILL-KUMDITÀ MENTALI GĦAL ESPERJENZI LI JIBDLULNA ĦAJJITNA
Punti + Mistoqsijiet tal-Animatur:
- Xmun kien distratt jaħsel ix-xbieki meta daħal Ġesù fl-istampa.
Smajniha l-istorja … 👉 Meta nħossu l-bżonn biex ninqatgħu jew ngħaddu l-ħin mingħajr ma naħsbu? Wara l-falliment? Meta għajjenin?
- Ġesù jintorrompi lil xmun u jitolbu sabiex iċaqlaq ftit id-dgħajsa biex ikun jista’ jużaha.
👉 Kif nirreaġixxu meta xi ħadd jinterrompi l-ħin ta’ mistrieħ jew l-ispazzju mentali tagħna biex jitlob xi ħaġa minn għandna?
- Xmun jagħmel spazzju għal Ġesù biex jgħallem mid-dgħajsa tiegħu.
👉 X’nistgħu nitgħallmu meta Alla jew il-ħajja tkun esiġenzi fuqna f’ħinijiet inkonvenjenti?
🛶 Attività: Dgħajjes ta’ Inkonvenjenza (3 min.)
- Agħti lill-istudenti dgħajjes tal-karti jew urihom kif jagħmluhom.
- Stedinhom jiktbu xi ħaġa “inkonvenjenti” jew ta’ interruzzjoni li bħalissa jkollom jiffaċjaw.
- Dawn id-dgħajjes ser jerġgħu jintużaw aktar tard.
🟨PARTI 2 (2 min.) – Aqra versi 4–5:
LIL HINN MID-DIŻŻAPPUNTI PROFONDI TAGĦNA – INSIBU BIŻEJJED RAĠUNI BIEX NINBARKAW FUQ VJAĠĠ TA’ FIDUĊJA F’ALLA.
Punti + Mistoqsijiet tal-Animatur:
- Xmun huwa msejjaħ issa biex jgħaġixxi – Jirreżisti u jgħid li għal xejn imma jżid, “la qiegħed tgħid int …”
👉 Ġieli tant kont għajjien jew imġarraf li ħsibt, “m’hemm xejn aktar x’nitlef”?
- Ġesù ma kienx sajjied, madankollu Xmun jażżarda jafdah.
👉 Hemm xi sitwazzjoni f’ħajtek fejn hu aktar għaqli li tafda lil xi ħaddieħor jew lil Alla jgħinek milli tipprova waħdek?
🕊️ Attività: Dgħajjes ta’ Fiduċja (3 min.)
- Stieden lill-istudenti biex jirriflettu fuq sitwazzjonijiet fejn iħossuhom ftit inutli jew qed ifallu.
- Itlobhom ipoġġu d-dgħajjes tal-karti tagħhom ġo fliskatur bl-ilma, att li jissimboliżża l-fiduċja f’Alla – jekk m’għandekx fliskatur jew ilma, dejjem jistgħu joħorġu jpoġġuhom fuq mejda dedikata apposta.
🟩PARTI 3 (2 min.) – Aqra versi 6–11:
NIKSBU MOĦĦ ĠDID U NSIRU SĦAĦ – INĦALLU LILNA NFUSNA NKUNU MAQBUDA U MGĦOTIJA S-SETGĦA
Punti + Mistoqsijiet tal-Animatur:
- Il-qabda sseħħ — u Xmun jibqa’ mbellaħ.
👉 Ġieli esperjenzajt xi ħaġa tajba li ġagħlitek tħossok li ma kienx jixraqlek?
- “Tbiegħed minni …” — risposta f’waqta quddiem il-qdusija ta’ xi ħadd li qed iħossu ċkejken.
👉 Ġieli jkollna bżonn lil xi ħadd jehżiżna biex vera nikbru – meta ġrat din f’ħajtek?
- Ġesù ma jitlaqx – jistieden.
👉 Xi jfisser tkun “maqbud” b’dan il-mod? Imħeġġeġ? Salvat? Maħbub minkejja l-falliment?
🤝 Attività: Sajjieda tal-bnedmin (3 min.)
- Stieden lill-istudenti jduru lejn xi ħadd viċin.
- Kull persuna għandha:
- Tbierek lill-oħrajn billi ssemmi t-talenti tagħhom jew kapaċitajiet li tara fihom.
- Ħeġġiġhom jużawhom għal ġid – għall-oħrajn, u għal Alla.
🙏 GĦELUQ
- Talba qasira ta’ fiduċja u tiġdid:
“Mulej, anke meta aħna għajjenin, vojta, jew dubbjużi, għina nafdaw Lilek.
Idħol fid-dgħajjsa tagħna, interrompi x-xejn tagħna, u imlina bi skop.
Ġedded il-moħħ tagħna, biex inkunu nistgħu insiru sħaħ u ngħixu ħajja mwieżna mill-ħniena tiegħek. Ammen.”
