Għan: L-istudenti ser jifhmu li l-ferħ dejjiemi huwa marbut mill-qrib mal-isforz li nagħmlu biex inkunu ġentili u twajba magħna nfusna u mal-oħrajn.
Introduzzjoni
Bonġu lil kulħadd! Is-sajf huwa fil-qrib, u hu staġun li huwa mbierek bi frott bnin bħal bettieħ, ħawħ u għeneb. Taħseb li huwa faċli tkabbar il-frott? Le, jeħtieġ ħafna xogħol iebes. Eżatt bħalma bidwi li jrid jaħdem qatigħ biex ikabbar frott bnin, aħna nistgħu nkabbru l-ferħ fi qlubna billi nkunu ġentili u twajba għalina nfusna u għall-oħrajn.
Riflessjoni
X’jagħmel bidwi biex ikabbar il-frott u l-ħaxix? (Pawża għar-reazzjonijiet.) Iva, bidwi jiżra’ żrieragħ, isaqqihom u jieħu ħsieb il-pjanti, u bil-paċenzja jistennihom jikbru. Jekk il-bidwi jagħmel dawn il-ħwejjeġ kollha tajjeb, jipproduċi frott u ħaxix bnin.
Issa, ejjew naħsbu fina nfusna. Jekk irridu nkunu ferħana, x’jeħtieġ li nagħmlu? Jeħtieġ li niżirgħu ż-żerriegħa tal- ġentilezza, insaqquha bl-imħabba, nieħdu ħsieb qlubna, u jkollna s-sabar. Meta nagħmlu dan, niġu ppremjati b’ħajja ta’ kuntentizza.
Attività: Bieqja ta’ Tjubija
Riżorsi: mudell ta’ frott – it-tim ta’ min qed jgħallem jista’ jqasqas il-mudell waqt li inti tagħmel l-ewwel parti tas-sessjoni u toħloq bieqja fuq il-bord tal-klassi.
Istruzzjonijiet: Agħti lil kull student frotta tal-karta żgħira (ara l-mudell). Għidilhom biex jiktbu jew ipinġu xi ħaġa li jaħsbu li ser jagħmlu lill-oħrajn iħossuhom tajbin u kuntenti. Kull student/a jista’ jaqsam dak li hu/hi ikun kiteb jew li hi tkun kitbet. Iġbor il-frott biex toħloq ‘Bieqja ta’ Tjubija’ fuq bord tal-aħbarijiet sabiex tfakkarhom kemm l-imġiba tagħna taffettwa lil oħrajn.
Vidjo: Kanzunetta
Kindness is a Muscle: Vidjo mużikali Uffiċċjali ft Aidan Prince, William Alexander Universal Kids
Eżatt bħal fil-vidjo, meta nipprattikaw it-tjubija kuljum, nistgħu nagħmlu lilna nfusna u ’l oħrajn aktar ferħana u d-dinja post aħjar.
Talba
O Alla, grazzi għal dan il-jum sabiħ u għal din l-opportunità li nitgħallmu fuq il-ġentilezza. Għinna nkunu paċenzjużi, nieħdu ħsieb tagħna nfusna u tal-oħrajn, u nkabbru l-ferħ f’ħajjitna. Ammen
Għan: L-istudentiser jifhmu illi ferħ dejjiemi huwa magħqud mill-qrib mal-isforz li nagħmlu biex inkunu ġentili u tajbin magħna nfusna u mal-oħrajn.
Introduzzjoni
Bonġu lil kulħadd! Illum ser nitkellmu fuq xi ħaġa speċjali ħafna: kif il-ħwejjeġ tajbin li nagħmlu jistgħu jwasslu għal ħajja ferrieħa u tal-ġenn. Eżatt bħal bidwi li jaħdem qatigħ biex jieħu ħsieb l-għelieqi u mbagħad jasal biex igawdi frott bnin, aħna wkoll ingawdu l-ferħ ta’ qlubna u moħħna billi nkunu ġentili u twajbin magħna nfusna u mal-oħrajn.
Riflessjoni
Ftakar meta xi darba għamilt att ta’ tjubija lil xi ħadd. Forsi għent lil xi ħabib, jew qsamt miegħu l-ġugarelli tiegħek. Kif ġagħlitek tħossok? Eżatt bħalma wieħed jiżra’ żerriegħa u joqgħod jaraha tikber, l-azzjonijiet ġenerużi tagħna jistgħu jikbru f’ferħ dejjiemi Ejjew nagħlqu għajnejna għal mument u naħsbu fuq xi ħaġa li qalilna xi ħadd u li biha għamilna kuntenti ħafna. (Eż. Tħossok apprezzat meta jgħidulek ‘grazzi’, tħossok maħbub meta jgħidulek li jħobbuk jew li int importanti/speċjali).
Attività: Bieqja ta’ Tjubija ta’ Qalb
Riżorsi: mudell ta’ frott – it-tim tal-klassi jista’ jqasqas il-mudell, waqt li l-animatur jagħmel l-ewwel parti tas-sessjoni u joħloq bieqja tal-karti fuq il-bord tal-klassi)
Istruzzjonijiet: Agħti lil kull student frotta żgħira tal-karti (ara l-mudell). Għidilhom jiktbu xi ħaġa li jaħsbu ser tferraħ u tagħmel kuntent lill-oħrajn, imbagħad jagħtuha l-kulur. Kull student jista’ jaqsam xi jkun kiteb jew kitbet. Iġbor il-frott biex toħloq ‘Bieqja ta’ Tjubija’ fuq bord sabiex tfakkarhom kemm l-imġiba tagħna taffettwa lill-oħrajn.
Vidjo: Storja
Starfish Story (aka The Star Thrower)
Diskussjoni fuq dawn il-punti:
Impatt ta’ Azzjonijiet Żgħar: X’taħseb fuq l-azzjonijiet tat-tifel? Kif għamel differenza? (Għalkemm ma rnexxilux isalva l-istilel kollha tal-baħar, għamel id-differenza kollha lil dawk li salva).
Il-lezzjoni tal-Ħajja: Għalkemm kien hemm ħafna stilel tal-baħar, kif l-isforzi tat-tifel urew l-importanza li tifrex it-tjubija ta’qalb? (Hu wera li kull ħaġa żgħira tgħin, żgħira kemm tkun żgħira. Jekk aħna lkoll nagħmlu ftit, dan il-ftit ta’ kulħadd isir ħafna).
Talba O Alla, Grazzi talli tagħtina lezzjonijiet prezzjużi li jgħinuna nikbru u nsiru persuni aħjar. Għinna nifhmu li kull att żgħir ta’ tjubija ta’ qalb jagħmel differenza lid-dinja madwarna. Jalla l-azzjonijiet tagħna jiżirgħu żrieragħ ta’ tama u ferħ. Agħtina l-kuraġġ li dejjem nagħtu daqqa t’id. Ammen
Għan: Nesprimu gratitudni u nuru rieda li naqsmu ma’ oħrajn ir-riżultati tajba tax-xogħol iebes tagħna.
Introduzzjoni (2 min):
- L-animatur jagħti merħba lill-istudenti u jfakkarhom fuq it-tema Niżirgħu t-tama u fuq l-importanza tas-sabar filwaqt li qed nikbru fil-fidi, l-imħabba, u t-tama.
- L-animatur jiggwida lill-istudenti biex jinġabru fil-kwiet u jibdew iroddu s-salib u jgħidu talba sempliċi ta’ ringrazzjament.
Qsim ta’ Ħsibijiet (4 min):
- L-animatur jintroduċi l-aħħar tema, Naħsdu/Inġorru l-frott, li tintrabat maż-żerriegħa tat-tama li ħawwilna u r-riżultati pożittivi tax-xogħol iebes tagħna.
- L-animatur jitlob lill-istudenti biex iħarsu lejn stampa turi l-frott tal-Ispirtu u fuq biċċa karta jiktbu jew ipinġu xi ħaġa li tfakkarhom fit-tip ta’ ‘frott’ li kienu qed jesperjenzaw matul din is-sena.
- L-animatur jistieden lill-istudenti biex jaqsmu l-esperjenzi tagħhom
Filmat (3 min):
- L-animatur jisħaq li, skont Ġesù, mingħajrU ma nistgħux nagħmlu frott, u juri filmat qasir The True Vine [Id-Dielja Vera] (2:32 mins).
Riflessjoni (4 min):
- L-animatur jiġbor fil-qosor il-qofol tal-‘parabbola’ tad-Dielja u tal-Friegħi (Ġw 15:5) u jissuġġerixxi li l-frott huwa sinjal estern tar-relazzjoni tagħna inviżibbli ma’ Kristu.
- L-animatur isaqsi lill-istudenti biex jirriflettu fuq il-vers fuq iż-żabra li jsemmi Ġesù, “Intkom ġa ndaf minħabba l-kelma li għidtilkom” (v.3), u biex jaqsmu kull ħaġa li setgħet tispirahom mit-temi ta’ dis-sena li għaddiet.
- L-animatur jaqsam kwotazzjoni tal-aħħar, “Jekk tibqgħu fija u kliemi jibqgħu fikom, itolbu kulma tridu, u jingħatalkom. Din hija l-Glorja ta’ Missieri, li intkom tagħmlu ħafna frott, u tkunu dixxipli tiegħi” (v. 7-8) u jinkuraġġixxi l-istudenti biex jitolbu għal aktar frott.
Talba (7 min):
- L-animatur jistieden lill-istudenti jerġgħu iħarsu lejn il-karta li kitbu/pinġew fuqha u jgħidu talba ta’ ringrazzjament għall-frott li diġa qed igawdu.
- L-animatur jistieden lill-istudenti sabiex jaqsmu talba ta’ petizzjoni jew interċessjoni.
- L-animatur jagħlaq l-aħħar sessjoni b’għanja Nisranija bit-tema tat-tama, bħal Eagle’s Wings.