Għan: Naħtfu l-okkażżjoni biex nirrispondu b’fedeltà fi żmien tal-Avvent.
Merħba (2 min.)
- L-animatur jilqa’ lill-istudenti u jfakkarhom fuq it-tema Niżirgħu t-tama u fuq l-importanza li nitgħallmu mill-istejjer ta’ success tal-oħrajn.
- L-animatur jiggwida lill-istudenti biex iżommu s-silenzju, jibdew bir-radd tas-salib u talba sempliċi ta’ ringrazzjament.
Qsim ta’ ideat (5 min.)
- L-animatur jintroduċi t-tema ta’ Diċembru ‘Niżirgħu fiż-żmien opportun’ billi jgħid li bħalma ż-żriegħ jeħtieġ isir fl-istaġun opportun, it-tama teħtieġ li tinżera’ fi żmienha sabiex aħna naraw il-frott tagħha fiż-żmien mixtieq.
- L-animatur juri stampi umoristiċi li jissuġġerixxu nuqqas ta’ reazzjoni f’waqtha għas-sitwazzjonijiet.
- L-animatur jinnota li tista’ tkun aktar serja minn hekk u jsaqsi lill-istudenti biex iġibu eżempji mill-ħajja reali tal-importanza li taġixxi f’waqtu.
Vidjo (4 min.)
- L-animatur jispjega illi l-Griegi tal-antik kienu jiddistingwu bejn Chronos (ħin kronometriku) u Kairos (ħin opportun).
- L-animatur idoqq din il-kanzunetta (klassika) u jsaqsi lill-istudenti biex jirriflettu fuq il-kliem – tenfażizza aktar il-ħasra li tkun tlift il-mument opportun biex taġixxi – l-importanza li taġixxi fil-mument opportun. (Pink Floyd: Time [Iż-żmien] 3:15 mins).
Riflessjoni (4 min.)
- L-animatur jissuġġerixxi li kultant aħna nkunu wisq aljenati, għażżiena, jew kunfidenti żżejjed li ‘għad fadal żmien biex tagħmel xi ħaġa waqt li qed tistenna’ u jwassal l-istudenti biex jirriflettu jekk jeħtiġilhomx ukoll jiġġieldu kontra dawn ix-xejriet.
- L-animatur jissuġġerixxi illi meta niġu għall-fidi tagħna, żminjiet bħall-Avvent jiġi fil-mument opportun biex nirreaġixxu għal Alla bħala preparazzjoni għall-Milied – li hija ċ-ċelebrazzjoni tal-mument opportun magħżul minn Alla li jidħol fl-istorja tagħna bl-Inkarnazzjoni ta’ Ibnu Ġesù.
- L-animatur juri u jaqra ċitazzjoni mill-Bibbja Titus 2:11-14.
Talba (5 min.)
- L-animatur jagħti lill-istudenti mudell (template) ta’ smart-watch , u jwassalhom biex jaħsbu fuq it-tamiet ġewwinija tagħhom dan il-Milied u biex jiktbu talba lil Alla fuqhom.
- L-animatur jipproponi li l-frott tat-tama tal-Avvent ser ikun il-ferħ li jġiegħelek tistagħġeb tal-Milied.
- L-animatur jitlob dan li ġej jew bħalu:
O Alla, grazzi għal dan iż-żmien qaddis tal-Avvent. Jekk jogħġbok, għinna naħtfu l-okkażżjoni matul il-ġimgħat li jwassluna sal-Milied sabiex it-tama tikber fina u f’ta’ dawk li m’għandhomx din it-tama. Ammen.