Inrabbu s-Sabar – sessjoni – Spiritual Development in Schools

Għan:

Tgħallem lill-istudenti tas-snin bikrin l-importanza tal-paċenzja u kif din tista’ tgħinna fil-ħajja tagħna u ta’ dawk tal-oħrajn.

Introduzzjoni

Bonġu u merħba lil kulħadd! Nittama li tinsabu tajbin ħafna llum. Ser nibdew bir-radd tas-salib, agħlqu għajnejkom għal ftit ħin u bil-paċenzja nibqgħu siekta u kwieti waqt li nħossuna grati għar-rigal tal-ħajja. Agħmel sforz biex ma tiċċaqlaqx u ma tagħmilx ħoss. Ejjew naraw jekk tistgħux tagħmluha (ippruvaw għal minuta). Nifirħu lil dawk li rnexxielhom joqogħdu siekta u kwieti għaliex urew li jistgħu jkunu paċenzjużi. Spjegalhom illi llum ser titkellem fuq xi tfisser tkun paċenzjuż.

Riflessjoni

Ejjew naħsbu fuq meta kellna nkunu paċenzjużi. Forsi meta kellek tistenna meta jmissek tilgħab bil-ġugarell jew tistenna għal xi ħaġa li ttik pjaċir. Kienet faċli jew iebsa tistenna? Li tkun paċenzjuż tista’ tkun diffiċli, imma hija importanti ħafna.

Meta jkollna s-sabar, nuru illi għandna fiduċja li affarijiet sbieħ ser iseħħu. Nuru wkoll ġentilezza u rispett lejn l-oħrajn meta nqegħduhom qabilna. Eżatt bħall-bidwi, nagħmlu sagrifiċċji żgħar, imma fl-aħħar, ħwejjeġ sbieħ jiġru, bħaż-żrieragħ jikbru ġo pjanti sbieħ kollha frott.

Attività: Nibnu torri flimkien

Riżorsi: blokok jew kubi li ssibhom l-iskola. Ara li jkunu disponibbli qabel is-sessjoni.

Istruzzjonijiet: Fi gruppi ta’ tnejn l-istudenti jipprattikaw il-paċenzja billi jużaw il-blokok u l-kubi li jiġu pprovduti mill-iskola u jużaw l-ħila tagħhom biex jibnu torri għoli jew twil.

Wara, iddiskuti kif ħassewhom, jekk tilfux is-sabar jew le, jekk sabux xi diffikultajiet biex jaħdmu flimkien u xi ħsibijiet li jridu jaqsmu mal-oħrajn.

Vidjo: Storja

The Very Impatient Caterpillar | Kids Book Read Aloud

Iddiskuti: Xi ġralu x-xagħat (caterpillar) meta tilfet il-paċenzja u ħareġ kmieni mill-fosdqa tiegħu? (Ma rnexxilhux isir farfett).

Talba

O Alla, għinna nkunu aktar paċenzjużi ma’ xulxin. Fakkarna li meta ndumu biex nagħmlu xi ħaġa, inkunu rridu li n-nies ta’ madwarna jkunu paċenzjużi magħna. Ammen

Preżentazzjoni

Għan: Ngħallmu lill-istudenti tal-primarja l-importanza tas-sabar u kif din tgħinna f’ħajjitna u mal-oħrajn.

Introduzzjoni

Bonġu u merħba lil kulħadd! Dax-xahar it-tema tagħna hija ‘Niżirgħu t-Tama – Inkunu Paċenzjużi.’ Naraw kif t-tama għal dinja aħjar u l-paċenzja huma magħqudin, u għaliex it-tnejn huma importanti fil-ħajja tagħna ta’ kuljum.

Riflessjoni

Immaġina li żrajt żerriegħa fil-ħamrija u tibda ssaqqi l-art ta’ spiss u meta tinbet tara li jkollha dawl tax-xemx biżżejjed, tipproteġiha meta jkun il-maltemp u tistenniha tikber u tikber fi pjanta sabiħa. Dan il-proċess jitlob il-paċenzja, sewwa? Eżatt bħalma l-bdiewa għandhom bżonn jistennew b’sabar biex il-ħxejjex jikbru, aħna wkoll għandna bżonn ikollna s-sabar f’ħajjitna. Imma l-paċenzja mhux biss tistenna; imma hija wkoll kif inġibu wrieħna waqt li qed nistennew. Spiss dan jitlob minna li nżommu l-kalma, ikollna mogħdrija waqt li l-attitudni tagħna għandha tkun pożittiva. Titlob minna fidi, li npoġġu lill-oħrajn l-ewwel u li nagħmlu sagrifiċċji.

Eżempji: Fidi: Li nkunu paċenzjużi magħna nfusna u mal-oħrajn ifisser li neħtieġu nemmnu fil-kapaċitajiet tagħna nfusna u f’dawk tan-nies ta’ madwarna li l-affarijiet jistgħu jirnexxu.

Sagrifiċċju: Xi kultant li tkun paċenzjuż ifisser ngħaddu mingħajr xi ħaġa li rriduha issa. Tista’ tkun li jkollna nistennew bis-sabar meta jmissna, inħallu lil xi ħadd jaqbiżna, jew infaddlu l-flus minflok ma nonfquhom mal-ewwel.

Il-Paċenzja titlob li npoġġu l-oħrajn l-ewwel: Li tkun paċenzjuż ifisser taħseb fl-oħrajn. Jekk wieħed ikun qed jitkellem, nistennew sakemm ikun spiċċa qabel ma nitkellmu. Dan juri rispett u konsiderazzjoni.

Attività: Naħdmu Flimkien

Riżorsi: ponn sulfarini (mingħajr il-kaxxa) JEW karti użati u mqass (għal kull żewġ studenti).

Istruzzjonijiet: L-istudenti jipprattikaw l-paċenzja billi flimkien jibnu torri bis-sulfarini li ġew mogħtija lilhom. JEW iqasqsu flimkien ittri mill-karti u jiffurmaw isimhom.

Imbagħad, ddiskutu kif ħassewhom, jekk tilfux il-paċenzja jew le, jekk sabux xi diffikultajiet jaħdmu flimkien, u jekk għandhomx xi ħsibijiet li jridu jaqsmu mal-oħrajn.

Vidjo

4 Raġunijiet għaliex il-Paċenzja hija importanti

https://www.youtube.com/watch?v=Y6dxZSXRMcI

Talba

O Alla, għinna nkunu aktar paċenzjuż fil-ħajja tagħna ta’ kuljum. Għinna nagħdru aktar lill-oħrajn, li jkollna aktar rieda biex nitbissmu u nibqgħu entużjasti waqt li qed nistennew meta jmissna. Għinna naħsbu aktar fl-oħrajn u jkollna r-rieda nagħmlu sagrifiċċju fejn ikun hemm bżonn, b’qalb ferrieħa. Ammen.

Preżentazzjoni

Template

Għan: Intejbu l-attitudnijiet u niżviluppaw sens ta’ fiduċja fil-futur waqt żmien li jitlob minna stennijja.

Introduzzjoni (2 min):

L-animatur jagħti merħba lill-istudenti u jfakkarhom fit-tema Niżirgħu t-tama u fl-importanza li nimpennjaw irwieħna kuljum biex nemmnu u naġixxu favur ir-riżultati mixtieqa.
L-animatur jiggwida l-istudenti biex iżommu s-skiet billi jroddu s-salib u jgħidu talba sempliċi ta’ ringrazzjament.

Qsim ta’ ħsibijiet (5 min):

L-animatur jintroduċi t-tema ta’ Frar Inkunu paċenzjużi fil-kuntest tal-pjanta li teħtieġ iż-żmien biex tikber.
L-animatur jissuġġerixxi li t-teknoloġija rrivoluzzjonat u tejbet id-dinja b’ħafna modi (billi juri stampi), imma din mhix ta’ għajnuna għalina f’dak li jirrigwardja l-abbiltà li tistenna u tieħu paċenzja.
L-animatur isaqsi lill-istudenti jekk jaqblux u biex jispjegaw it-tweġibiet tagħhom.

Filmat (4 min):

L-animatur jipproponi li l-istennija hija aktar ta’ sfida għal dawk li telgħu mdorrija għall-ħajja fejn kull kapriċċ jiġi soddisfatt mal-ewwel. Ikun aħjar titgħallem kif tistenna bil-paċenzja, anki jekk dan jitlob illi tittardja l-mument tal-pjaċir.
L-animatur juri filmat qasir: Marshmallow test (3:30 min.) bħala turija ta’ stennija (ttardjar tal-gratifikazzjoni).

Riflessjoni (7 min):

L-animatur jgħid li, skont Ġesù, ‘li tgħix mgħaġġel hija li tmut żgħir’, u jfakkar lill-istudenti li ż-żerriegħa li l-aktar kibret malajr fil-Parabbola taż-Żerriegħa kienet dik li mietet malajr minħabba li waqgħet fuq art mimlija blat.
L-animatur jispjega li x-xitla li tinbet u tidbiel malajr jiġrilha hekk minħabba nuqqas ta’ għeruq, u li Ġesù stess ixebbaħ ma’ dawk li “Dawk li jinżergħu f’art kollha blat huma dawk li meta jisimgħu l-kelma (ta’ Alla), minnufih jilqgħuha bil-ferħ, imma għeruq ma jkollhomx, u għalhekk ftit idumu; meta mbagħad jiġi fuqhom l-għawġ, jew isibu min iħabbathom minħabba l-kelma, malajr jitfixklu.” (Mk 4:16-18).
L-animatur jikkonkludi billi jgħid li aħna nikbru u nimmaturaw bħala persuni billi napprofondixxu l-fidi u r-relazzjonijiet waqt li bis-sabar nistennew ir-riżultati pożittivi tax-xogħol iebes u t-taħbit tagħna.
L-animatur jikkwota lil San Pawl, Missierna fil-Fidi (li l-festa tiegħu qed niċċelebraw fi Frar): aħna ngħixu bil-fidi u mhux bil-viżjoni (2 Kor 5:7) u jsostni illi l-ħajja Nisranija hija mibnija fuq relazzjoni ma’ Alla inviżibbli, imma l-fatt li għandna t-tama hija“l-evidenza ta’ realtajiet li ma narawx” (Lhud 11:1).

Talba (4 min):

L-animatur jikkwota mill-ġdid lil San Pawl Niżżlu għeruqkom fi Kristu (Kol 2:7) u jinterpreta li bħalma s-saħħa tas-siġra jiddependi minn jekk hux marbuta sew (bl-għeruq), aħna jeħtieġilna li nkunu marbutin ma’ Kristu – fit-talb.
L-animatur jagħti mudell ta’ għeruq (ara riżorsa Root Template) lill-istudenti u jsaqsihom biex jirriflettu u jiktbu ħdejn kull għerq dawk is-sitwazzjonijiet f’ħajjithom li jitolbu sabar. Bħall-għeruq, dawn ta’ spiss ikunu moħbija minn nies ta’ madwarna (eż relazzjonijiet diffiċli, nuqqas ta’ kapaċitajiet speċifiċi, nuqqas ta’ ferħ, eċc.)
L-animatur jiggwidalill-istudenti sabiex jippreżentaw is-sitwazzjonijiet/talbiet lil Alla waqt li jgħidu din it-talba jew simili:

O Alla, nirringrazzjak tar-rigal tal-fidi li tintwera fis-sabra u fit-tama. Waqt li qed noffrulek dawn is-sitwazzjonijiet, jekk jogħġbok għinna meta tonqsilna l-paċenzja u għallimna kif nikbru fil-fidi u l-imħabba. Saħħaħna fit-tama biex inkunu nistgħu naraw il-frott tax-xogħol iebes tagħna. Ammen

Preżentazzjoni

Template

Għan: Intejbu l-attitudnijiet u niżviluppaw sens ta’ fiduċja fil-futur waqt żmien li jitlob minna stennijja.

Introduzzjoni (2 min):

L-animatur jagħti merħba lill-istudenti u jfakkarhom fit-tema Niżirgħu t-tama u fl-importanza li nimpennjaw irwieħna kuljum biex nemmnu u naġixxu favur ir-riżultati mixtieqa.
L-animatur jiggwida l-istudenti biex iżommu s-skiet billi jroddu s-salib u jgħidu talba sempliċi ta’ ringrazzjament.

Qsim ta’ ħsibijiet (5 min):

L-animatur jintroduċi t-tema ta’ Frar Inkunu Paċenzjużi fil-kuntest tal-pjanta li teħtieġ iż-żmien biex tikber.
L-animatur jissuġġerixxi li t-teknoloġija rrvoluzzjonat u tejbet id-dinja b’ħafna modi (billi juri stampi), imma din mhix ta’ għajnuna għalina f’dak li jirrigwardja l-abbiltà li tistenna u tieħu paċenzja.
L-animatur isaqsi lill-istudenti jekk jaqblux u biex jispjegaw it-tweġibiet tagħhom.

Filmat (4 min):

L-animatur jipproponi li l-istennija hija aktar ta’ sfida għal min hu mfissed u mdorri li kull kapriċċ jiġi soddisfatt mal-ewwel. Ikun aħjar titgħallem kif tistenna bil-paċenzja, anki jekk dan jitlob illi tittardja tittardja l-gratifikazzjoni.
L-animatur juri filmat qasir: Marshmallow test [Prova tal-ħelu ‘marshmallow’] (3:30 min).

Riflessjoni (7 min):

L-animatur jgħid li, skont Ġesù, ‘li tgħix mgħaġġel hija li tmut żgħir’, u jfakkar lill-studenti illi ż-żerriegħa li l-aktar kibret malajr fil Parabbola taż-Żerriegħa kienet dik li mietet malajr minħabba li waqgħet fuq art mimlija blat.
L-animatur jispjega illi x-xitla li tinbet u tidbiel malajr minħabba nuqqas ta’ għeruq, u li Ġesù stess ixebbaħha ma’ dawk li “Dawk li jinżergħu f’art kollha blat huma dawk li meta jisimgħu l-kelma (ta’ Alla), minnufih jilqgħuha bil-ferħ, imma għeruq ma jkollhomx, u għalhekk ftit idumu; meta mbagħad jiġi fuqhom l-għawġ, jew isibu min iħabbathom minħabba l-kelma, malajr jitfixklu.” (Mk 4:16-18).
L-animatur jikkonkludi billi jgħid li aħna nikbru u nimmaturaw bħala persuni billi napprofondixxu l-fidi u r-relazzjonijiet’ l-ewwel nett ma’ Alla (li ma narawx) waqt li bis-sabar nistennew ir-riżultati pożittivi tax-xogħol iebes u t-taħbit tagħna.
L-animatur jikkwota Il-fidi hija pedament tal-ħwejjeġ li għandna nittamaw, hija l-prova tal-ħwejjeġ li ma narawx. (Lhud 11:1) u jsaqsi b’mod riflessiv, ‘jien għandi raġunijiet għal xiex nittama u nistenna bis-sabar għall-affarijiet biex iseħħu?’
L-animatur jenfasiżża li dak li rridu noqogħdu attenti għalih hija s-safa ta’ mħabbitna (qegħdin fix-xahar ta’ San Valentinu: l-imħabba, bħall-fidi, mhix emozzjoni qawwija imma li tgħaddi, imma hija mibnija fuq il-fiduċja … u taf tistenna!) u jikkwota L-Imħabba taf tistabar San Pawl (1 Kor 13:4) – li niċċelebraw il-festa tiegħu fi Frar.

Talba (2 min):

L-animatur jagħti mudell ta’ għeruq lill-istudenti u jsaqsihom biex jirriflettu u jiktbu ħdejn kull għerq dawk is-sitwazzjonijiet f’ħajjithom li jitolbu sabar. Bħal għeruq, dawn ta’ spiss ikunu moħbija minn dawk ta’ madwarna (eż relazzjonijiet diffiċli, nuqqas ta’ kapaċitajiet speċifiċi, nuqqas ta’ ferħ, eċc.)
L-animatur jerġa’ jikkwota lil San Pawl: Jalla l-għeruq tagħkom jinżlu ’l isfel ġo Kristu (Kol 2:7) u jiggwidalill-istudenti sabiex jippreżentaw is-sitwazzjonijiet/talbiet lil Alla waqt li jgħidu din it-talba:

English

Tfixxija Ġenerali

Tfittxija speċifika

Inrabbu s-Sabar – sessjoni

Frar 2025