Għan: li ngħallmu lill-istudenti tas-snin bikrin l-importanza tal-paċenzja/tas-sabar u kif din tista’ tgħin f’ħajjitna u f’dik tal-oħrajn.
Merħba
Bonġu u merħba lil kulħadd! Ser nibdew billi nroddu s-salib u nagħlqu għajnejna għal ftit mumenti u bis-sabar nibqgħu kalmi u kwieti waqt li nħossuna grati għad-don tal-lum. Ippruvaw agħmlu sforz biex ma tiċċaqalqux u ma tagħmlux ħoss. Ejjew naraw jekk tistgħux tagħmluha. (ippruvaw għal minuta). Għidu prosit lil dawk li rnexxielhom iżommu kalmi u kwieti għaliex kienu jafu jkunu paċenzjużi. Illum fuq hekk se nitkellmu – fuq l-importanza tal-paċenzja.
Riflessjoni
Ejjew naħsbu fi żmien meta kellna nkunu paċenzjużi jew inrabbu s-sabar. Forsi meta kellek tistenna meta jmissek biex tilgħab b’xi ġugarell, jew kellek tistenna l-festa li tant ittik pjaċir. Kien faċli jew iebes tistenna? Li jkollok is-sabar tista’ tkun diffiċli, imma hija importanti ħafna.
Meta nkunu paċenzjużi, l-oħrajn ikunu paċenzjużi magħna. Aħna nuru wkoll ġentilezza u kura lejn l-oħrajn billi npoġġuhom qabilna. Eżatt bħalma jagħmel il-bidwi, aħna nagħmlu sagrifiċċji żgħar, imma fl-aħħar, affarijiet sbieħ jiġru, bħalma ż-żrieragħ jikbru fi pjanti sbieħ.
Vidjo:
Triq il-Ġulġlien: Zac Efron and Elmo – Paċenzja
Talba
O Alla, grazzi talli tgħallimna kif nużaw is-sabar f’ħajjitna. Għinna nkunu paċenzjużi bħalma l-bidwi jistenna ż-żrieragħ jikbru. Agħtina s-sabar biex nistennew meta jmissna u li nqegħdu lill-oħrajn l-ewwel. Ammen.
Għan: Sabiex ngħallmu l-istudenti tal-primarja l-importanza tas-sabar u kif din tista’ tgħin f’ħajjitna u f’dik tal-oħrajn
Merħba
Bonġu u merħba lil kulħadd! Nittama li tinsabu lkoll tajbin illum. Ser nibdew bir-radd tas-salib u billi nagħlqu għajnejna għal ftit mumenti u bil-paċenzja nibqgħu siekta u kalmi waqt li nħossuna grati għar-rigal tal-lum. Ippruvaw agħmlu sforz biex ma tiċċaqalqux jew tagħmlu storbju. Ejjew naraw jekk jirnexxilkomx. (ippruvaw għal minuta). (Ifirħu lil dawk li rnexxielhom iżommu kalmi u kwieti għaliex kienu jafu jkunu paċenzjużi.)
Dax-xahar, it-tema hija ‘Niżirgħu t-Tama – Inrabbu s-Sabar.’ Nistudjaw kif it-tama f’dinja aħjar u l-paċenzja/is-sabar huma konnessi u għaliex it-tnejn huma importanti f’ħajjitna.
Riflessjoni
Immaġina tiżra’ żerriegħa fil-ħamrija. Meta ssir xitla, issaqqiha ta’ spiss, tiżgura li tieħu d-dawl tax-xemx, tipproteġiha mit-temp ikrah u tistenniha tikber fi pjanta sabiħa. Dan il-proċess jitlob paċenzja, sewwa? Eżatt bħalma l-bdiewa jeħtieġ jistennew biex il-ħxejjex tagħhom jikbru, ukoll aħna jeħtieġ li jkollna paċenzja f’ħajjitna.
Imma l-paċenzja ma tfissirx biss stennija; hija wkoll kif inġibu rwieħna waqt li nistennew. Ta’ spiss titlob li nżommu kalmi, inkunu tolleranti u nżommu attitudni pożittiva. Li tieħu nifs ’il ġewwa u ’l barra jgħin waqt li tkun qed tistenna. Ejjew nipprattikaw xi eżerċizzi biex nieħdu nifsijiet bil-mod u fit-tul. (Dum minuta jew tnejn tagħmel eżerċizzi tan-nifs bil-mod fis-silenzju.) Poġġi lilek innifsek minflok dik il-persuna li qed iddum tagħmel xi ħaġa. Kieku din kellha tiġri lilek, kont tkun trid lill-oħrajn ikunu paċenzjużi miegħek!
Kwotazzjoni ispirata: “Il-ħwejjeġ tajbin jiġu lil dawk li jistennew.”
Is-sabar tfisser taħdem iebes għal dak li trid. Tistenniex riżultati malajr.
Vidjo: An Object Lesson on Patience
(Għid lill-istudenti li jekk iridu jaraw kif l-esperiment jispiċċa, jeħtieġ ikunu paċenzjużi u jfittux!)
Talba:
O Alla, grazzi talli tgħallimna l-valur tal-paċenzja. Għinna nkunu paċenzjużi bħal bdiewa li jistennew il-ħxejjex tagħhom jikbru. Agħtina l-qawwa biex inqegħdu lill-oħrajn qabilna, u biex nagħmlu sagrifiċċi fejn jeħtieġ, għax nafu li affarijiet sbieħ jiġu lil dawk li jistennew. Ammen.
Għan: Naddattaw l-aspettattivi u l-atitudnijiet tagħna fiż-żminijiet li jitlobu minna stennija
Merħba (2 min):
- L-edukatur jagħti merħba lill-istudenti u jfakkarhom fit-tema Niżirgħu t-tama u fl-importanza li nimpenjaw irwieħna kuljum biex nemmnu u naġixxu favur ir-riżultati mixtieqa.
- L-edukatur jiggwida lill-istudenti biex iżommu s-silenzju, jroddu s-salib u jgħidu talba sempliċi ta’ ringrazzjAmment / mument qasir ta’ silenzju biex jaħsbu fuq il-ġmiel ta’ għodwa ġdida.
Filmat (2 min):
- L-edukatur jintroduċi t-tema ta’ Frar Inkunu Paċenzjużi fil-kuntest tal-pjanta li għandha bżonn żmien biex tikber – sakemm ma tkunx żrajt xi żerriegħa maġika!
- L-edukatur juri filmat Impossibly Fast-Growing Tree (1:20 min).
Riflessjoni (5 min):
- L-edukatur ifakkar lill-istudenti li fi Frar niċċelebraw San Valentinu u jwissi li l-imħabba mhix maġika – mhux textix biss – imma l-imħabba taf tistabar kif jgħallimna San Pawl.
- L-edukatur jisħaq li San Pawl li l-festa tiegħu tiġi wkoll fi Frar huwa l-Qaddis Patrun ta’ Malta: ifisser li huwa missierna fil-fidi – din ukoll mhux maġika għaliex wieħed jitgħallem kif jikber f’ fiduċja akbar – f’Alla u fl-oħrajn.
- L-edukatur jgħin lill-istudenti jaħsbu fuq id-drabi li ma kellhomx sabar speċjalment magħhom infushom u jinkuraġġihom għaliex l-impenn ħafna drabi jinkludi sagrifiċċju – id-dedikazzjoni paċenzjuża tagħna anki meta ma narawx ir-riżultati immedjati għax-xogħol iebes tagħna.
Talba (1 min):
O Alla, grazzi għad-don tal-fidi li turi ruħha f’imħabba paċenzjuża u fit-tama. Għinna meta nħossuna bla paċenzja speċjalment magħna nfusna u għallimna kif nikbru fil-fidi u fl-imħabba. Saħħaħna fit-tama, sabiex inkunu nistgħu naraw il-frott tas-sagrifiċċji u x-xogħol iebes tagħna. Ammen
Għan: Naddattaw l-aspettattivi u l-atitudnijiet tagħna fiż-żminijiet li jitlobu minna stennija
Merħba (2 min):
- L-edukatur jagħti merħba lill-istudenti u jfakkarhom fit-tema Niżirgħu t-tama u fl-importanza li nimpenjaw irwieħna kuljum biex nemmnu u naġixxu favur ir-riżultati mixtieqa.
- L-edukatur jiggwida lill-istudenti biex iżommu s-silenzju, jroddu s-salib u jgħidu talba sempliċi ta’ ringrazzjAmment / mument qasir ta’ silenzju biex jaħsbu fuq il-ġmiel ta’ għodwa ġdida.
Filmat (2 mins):
- L-edukatur jintroduċi t-tema ta’ Frar Inkunu Paċenzjużi fil-kuntest tal-pjanta li għandha bżonn żmien biex tikber – sakemm ma tkunx żrajt xi żerriegħa maġika!
- L-edukatur juri filmat Impossibly Fast-Growing Tree (1:20 min).
Riflessjoni (5 min):
- L-edukatur ifakkar lill-istudenti li fi Frar niċċelebraw San Valentinu u jwissi li l-imħabba mhix maġika – mhux textix biss – imma l-imħabba taf tistabar kif jgħallimna San Pawl.
- L-edukatur jisħaq li San Pawl li l-festa tiegħu tiġi wkoll fi Frar huwa l-Qaddis Patrun ta’ Malta: ifisser li huwa missierna fil-fidi – din ukoll mhux maġika għaliex wieħed jitgħallem kif jikber f’ fiduċja akbar – f’Alla u fl-oħrajn.
- L-edukatur jgħin lill-istudenti jaħsbu fuq id-drabi li ma kellhomx sabar speċjalment magħhom infushom u jinkuraġġihom għaliex l-impenn ħafna drabi jinkludi sagrifiċċju – id-dedikazzjoni paċenzjuża tagħna anki meta ma narawx ir-riżultati immedjati għax-xogħol iebes tagħna.
Talba (1 min):
O Alla, grazzi għad-don tal-fidi li turi ruħha f’imħabba paċenzjuża u fit-tama. Għinna meta nħossuna bla paċenzja speċjalment magħna nfusna u għallimna kif nikbru fil-fidi u fl-imħabba. Saħħaħna fit-tama, sabiex inkunu nistgħu naraw il-frott tas-sagrifiċċji u x-xogħol iebes tagħna. Ammen