Nhar il-Ħamis, 26 ta’ Settembru 2024, l-SDS organizza l-ewwel laqgħa għas-sena skolastika 2024-25 għar-Religious Counsellors li jaħdmu fl-iskejjel tal-Istat u ċ-chaplains fl-iskejjel indipendenti fiċ-Ċentru Pastorali ta’ Ħ’Attard.
Workshop dwar pedagoġija u metodu ta’ tagħlim
Fl-ewwel parti tal-laqgħa, wara eżerċizzju fejn tbissimna ftit u tlabna flimkien, is-Sa Anne Marie Gatt u s-Sur Matthew Gauci, pastoral workers fi ħdan l-SDS, mexxew training qasir u interattiv fuq pedagoġija u metodu ta’ tagħlim biex jiffaċilita l-ħidma tar-religious counsellors u ċ-chaplains mal-istudenti.
Djalogu ma’ Mons Arċisqof Charles Scicluna
Fit-tieni parti tal-laqgħa, Mons Arċisqof Charles Scicluna sema’ l-fehma tar-religious counsellors u ċ-chaplains dwar variji sfidi u kif wieħed għandu jħares ‘il quddiem. Dan sar kemm permezz tal-pjattaforma diġitali Mentimeter u wara diversi religious counsellors komplew jelaboraw.
Ir-religious counsellors qasmu diversi opinjonijiet dwar:
1. Bżonnijiet Bażiċi Emotivi u Soċjali
- Ħbiberija
- Akkumpanjament
- Attenzjoni
- Smigħ
- Tagħti kashom u kura
- Sapport
2. Bżonn ta’ Konnessjoni u Fiduċja
- Isibu persuna ta’ fiduċja
- Problemi ta’ fiduċja
- Li jitkellmu u li jiġu mismugħa
- Ħin għal xulxin
3. Għarfien u Konoxxenza ta’ Alla
- Għarfien veru ta’ Ġesù
- Jiskopru li Alla hu qrib
- Jiltaqgħu ma’ Ġesù veru
- Li jsiru jafu li Ġesù hu ħabib li jħobbhom dejjem u li jkun magħhom dejjem
- Min hu Ġesù?
- Kelma t’Alla
4. Żvilupp Personali u Spiritwali
- Formazzjoni
- Maturità
- Fejqan spiritwali
- Gwida
- Sens ta’ Alla
- Impenn fil-fidi
- Perspettiva
- Katekeżi bażika
- Nuqqas ta’ sens u Nuqqas ta’ meaning
5. Laqgħa Spiritwali Profonda u Gwida
- Jiltaqgħu ma’ Ġesù veru
- Jitolbu
- Li jisktu
- Isibu l-paċi
- Ħeġġa mill-ġenituri
- Hun biex jitkellmu ma’ Alla
6. Formazzjoni Spiritwali
- Imħabba u rispett veru
- Akkumpanjati fid-direzzjoni tal-fidi
- Formazzjoni għall-ħajja
- Għarfien spiritwali veru u perspettiva
- Akkumpanjament fil-proċess tal-iskoperta ta’ Ġesù
Titjib fil-Komunikazzjoni: Ħafna religious cousellors enfasizzaw l-importanza biex titjib l-komunikazzjoni fost dawk involuti fil-ħidma pastorali u bejn l-amministrazzjoni tal-iskola u l-kleru. Is-sens ta’ ħidma f’tim u l-għaqda f’din il-ministeru kienet meqjusa bħala kruċjali.
Kollaborazzjoni u Pjanifikazzjoni: Li taħdem flimkien ma’ oħrajn, kemm jekk ma’ saċerdoti mill-istess kulleġġ jew mal-komunità tal-iskola, kienet tema li dehret spiss. Il-religious cousellors innutaw li meta taqsam l-esperjenzi, tippjana ma’ oħrajn, u titlob l-għajnuna mingħand kollega jew l-istaff tal-iskola, tista’ tkabbar il-motivazzjoni u s-sapport meħtieġ.
Talb kontinwu u Spiritwalità Personali: Diversi religious cousellors semmew l-importanza tat-talb personali u li jibqgħu konnessi spiritwalment ma’ Ġesù. Huma enfasizzaw kif it-talb personali u li jżommu lill-komunità tal-iskola fit-talb tagħhom jgħinhom jibqgħu motivati.
Formazzjoni kontinwa u Għarfien: Il-bżonn ta’ dixxerniment kontinwu u li wieħed jibqa’ aġġornat dwar dak li jkun għaddej fl-iskola kien meqjus bħala essenzjali. Meta wieħed jikber personalment, li wieħed ikun konxju tal-bżonnijiet pastorali, u li jkun ippreparat għall-isfidi pastorali jgħinu wkoll lill-religious cousellors biex jibqgħu motivati.
Ħsieb pożittiv u Preparazzjoni: Li tkun pożittiv, ippreparat tajjeb, u impenjat għall-kura pastorali kienet enfasizzata. Il-religious cousellors kitbu dwar l-importanza li jkunu qrib l-istudenti u jibnu fiduċja permezz ta’ approċċ pożittiv tħalli effett.
Rikonoxximent tas-Sejħa biex Isservi: Li tirrikonoxxi l-ħidma pastorali bħala vokazzjoni u sejħa mingħand Alla kienet sinifikanti fil-motivazzjoni tas-saċerdoti. Ħafna esprimew li meta wieħed jifhem din is-sejħa u l-impatt tagħha fuq il-ħajja tal-istudenti jista’ jerġa’ jqajjem il-passjoni għall-missjoni tagħhom.
Kollaborazzjoni mal-Amministrazzjoni tal-Iskola: Ġie msemmi li jkollok relazzjoni tajba mal-amministrazzjoni tal-iskola u li tkun involut fil-ħajja tal-iskola tgħin biex tinbena ambjent aktar pastorali, u tagħmel ir-rwol tar-religious counsellor aktar integrat u apprezzat.
1. Qsim ta’ Għarfien u Riżorsi
- Qsim ta’ prattiki tajbin
- Qsim ta’ materjal
- Qsim ta’ ideat
- Diskussjonijiet mal-għalliema
- Sessjonijiet bħal-lum biex nitgħallmu minn xulxin
- Diskussjonijiet bejnietna
- Qsim ta’ materjal mingħand l-SDS
2. Żvilupp Professjonali u Personali
- Naqra kotba jew materjal adattat
- Riċerka minn persuni professjonali
- Naġġorna lili nnifsi, nagħmel użu tajjeb tar-riżorsi
- Laqgħat jew korsijiet ta’ formazzjoni dwar pedagogija, youth studies, psikoloġija tat-tfal u ż-żgħażagħ
- Kors tal-PFI
3. Riflessjoni u Tkabbir Spiritwali
- Nirrifletti fuq il-Kelma ta’ Alla mill-perspettiva ta’ dak li hu jixtieq iwassal lill-istudenti
- Nara li tkun il-Kelma t’Alla li tmexxini u mhux l-ego tiegħi
- Nibqa’ żagħżugħ fl-ispirtu u nibqa’ aġġornat
- Inkompli nisma’
4. Tagħlim Kollaborattiv u Qsim tal-Esperjenzi
- Niltaqgħu flimkien biex nitgħallmu minn xulxin
- Xogħol f’tim – mhux naħdem waħdi
- Attendenza għal laqgħat biex niddiskutu r-riżorsi u l-bżonnijiet tal-għalliema
- Il-kuntatt maż-żgħażagħ u l-qsim tal-esperjenzi magħhom
5. Għodda Prattika u Sapport
- Użu tar-riżorsi provduti
- Nistaqsi lil Fr Reuben għal gwida
- Riżorsi online
- Riżorsi mingħand l-SDS
- Reunions ma’ studenti tal-passat, li ħafna minnhom huma ġenituri u professjonisti llum
6. Appoġġ mill-Istituzzjonijiet
- Nitlob għajnuna mill-SDS
- Kors tal-PFI
- Sapport mill-SDS biex nipprepara
Fil-qosor, dawn is-saċerdoti li jaħdmu fl-iskejjel tal-Istat u Indipendenti qalu li biex jikbru fil-motivazzjoni fil-ministeru tagħhom huma jixtiequ:
- Titjib fil-Komunikazzjoni
- Kollaborazzjoni u Pjanifikazzjoni
- Talb kontinwu u Spiritwalità Personali
- Formazzjoni kontinwa u Għarfien
- Ħsieb pożittiv u Preparazzjoni
- Rikonoxximent tas-Sejħa biex Isservi
- Kollaborazzjoni mal-Amministrazzjoni tal-Iskola
L-Arċisqof Scicluna kompla billi emfasizza l-importanza tal-ministeru tagħhom fil-kuntest edukattiv. Huwa fakkarhom kemm hu kruċjali li joħorġu u jilħqu liż-żgħażagħ u t-tfal fil-postijiet fejn jinsabu, speċjalment fl-iskejjel.
Huwa faħħar ukoll il-preżenza kostanti tal-membri tal-ministeru matul is-sena skolastika, u rrikonoxxa li minkejja li l-istruttura skolastika tkun attiva 9 xhur fis-sena, hemm ukoll skola sajf, li żżid il-ħtieġa għal involviment kontinwu.
Fid-diskors tiegħu, l-Arċisqof saħaq fuq l-importanza li tinħoloq relazzjoni tajba mal-istaff, kif semma’ tajjeb Religious Counsellor, minħabba fil-kapaċità tagħhom li jkunu pont bejn l-istudenti u l-valuri spiritwali. Semma kif l-istaff jista’ jkun strumentali biex jgħin lil dawk l-istudenti li għandhom bżonn l-appoġġ, anke jekk ma juruhx direttament. L-Arċisqof enfasizza li r-rwol tal-ministeru m’għandux ikun meqjus bħala filantropiku jew ta’ welfare soċjali biss, iżda li jiffoka fuq il-persuna sħiħa – mhux biss spiritwalment iżda wkoll psikoloġikament.
Mons Charles Scicluna semma wkoll il-valur tad-djalogu, speċjalment meta huwa jkun mistieden f’diversi skejjel anke tal-Istat. Huwa qal li t-tagħlimiet kbar jiġu mill-mistoqsijiet tal-istudenti u li dan jgħinuh jifhem aħjar it-tamiet u t-tħassib tagħhom. Huwa temm billi rrifletta fuq il-privileġġ li r-Religious Counsellors jkunu dawk li jgħaqqduhom mal-imħabba ta’ Kristu, filwaqt li fakkar li r-responsabbiltà finali mhix tas-saċerdot, iżda ta’ Dak li ħallas b’demmu għall-merħla tiegħu – Ġesù Kristu Sidna. Għalhekk ma jimpurtax jekk mhux dejjem wieħed ikollu risposta għal kull mistoqsija għax huwa Kristu li finalment jista’ jwassalhom għal dak li jkunu qed ifittxu.
Fil-konklużżjoni tal-laqgħa Mons Arċisqof Charles Scicluna talab il-barka t’Alla fuq ir-Religious Counsellors, chaplains u pastoral workers u bagħthom b’fiduċja sħiħa, jaqdu lill-Mulej fl-iskejjel billi jħobbu dejjem u jiżirgħu t-tama f’kull ċirkostanza. Il-laqgħa ntemmet b’mument sabiħ ta’ fraternità fejn diversi baqgħu jieklu u jgħidu kelma flimkien.