A Guide to the Adoration to the Holy Eucharist

X’inhi l-adorazzjoni lil Ġesù Ewkaristija?

L-adorazzjoni hija talba-djalogu ma’ Ġesù fis-Sagrament ta’ l-Ewkaristija għalhekk kull ma jingħad irid ikun talba. Irid ikun djalogu bejn iż-żewġt’iqlub fl-Ispirtu u l-Verità, fejn l-iktar importanti mhux x’se ngħidu imma li nisimgħu lill-Mulej biex nagħrfu l-preżenza tiegħu u nwettquha.

Preparazzjoni qabel l-adorazzjoni

X’talb ser ninkludi waqt l-adorazzjoni?

Waqt li qed nippreparaw għal dal-mument ta’ talb, għandna ninkludu dawn l-elementi:

Is-Silenzju

Is-Silenzju huwa l-ispazju li aħna nagħtu lill-Alla biex niggustaw il-preżenza tiegħu u nisimgħu dak li għandu jgħidilna. Huwa dan il-mument fejn dak li nkunu smajna jinbidel f’talba personali. Jekk ma nħallux silenzju, qisna qegħdin ngħidu lil Alla bħallikieku li l-aktar importanti huwa dak li qed ngħidu aħna u mhux dak li għandu jgħidilna hu.

Dan is-silenzju irid ikun mqassam f’diversi mumenti ta’ l-adorazzjoni: fil-bidu u fl-att tal-preżenza, wara xi qari tal-Kelma t’Alla, mumenti ta’ riflessjoni. Is-silenzju irid jieħu ċertu ammont ta’ ħin, per eżempju, madwar 5 minuti u anke aktar jekk ikun ippjanat.

Il-Kant

Il-kant huwa talba għall-darbtejn. Għalhekk dan għandu jkollu x’jaqsam mal-Ewkaristija, kant ta’ tifħir u qima jew relatat mat-tema tal-adorazzjoni. Min ikun qed imexxi irid jgħin lill-persuni biex jitolbu aktar u jagħrfu li Alla hu tant qrib tagħhom.

Kant ta’ tifħir bil-Malti

Kant ta’ tifħir għat-tfal

Kant ta’ tifħir għal żgħażagħ u adulti

L-Att ta’ preżenza

Meta qegħdin naduraw lill-Mulej, qegħdin fi preżenza tant qaddisa li rridu nagħmlu impenn fina nfusna biex niġu konxji tagħha. Ma nistgħux inkunu għaddejjin bil-ħafna ħsibijiet li jkollna għaddejjin f’moħħna, nieqfu u nippretendu li qegħdin naduraw lill-Mulej bla ma nieqfu ftit qabel.

Għalhekk irridu ħin biex niġu konxji li qiegħdin fil-preżenza ta’ Alla , (bħal ma’ ħuta tinsab fl-ilma). Imma qabel kollox, irridu ninġabru fina nfusna ħalli nikkonċentraw f’dak li se nagħmlu permezz tas-silenzju. Wara li nkunu kkonċentrati bil-moħħ tagħna, nkunu nistgħu nagħrfu bil-moħħ u l-ispirtu tagħna li ninsabu fil-preżenza t’Alla. Qegħdin fil-preżenza ta’ Alla li hu Qaddis, Alla Iben li sar bniedem, l-Imħabba perfetta fi ħdan it-Trinità.

Jekk nitolbu il-viżta lil Ġesù Sagramentat, trid tgħinna biex nikkonċentraw fina nfusna u nagħmlu lilna nfusna aktar disponbli għall-preżenza tal-Mulej.

Is-silta mill-Iskrittura (eżempju Salm jew silta mill-iskrittura) Il-Kelma ta’ Alla trid tkun ċ-ċentru tal-adorazzjoni biex il-Mulej idawwalna u jurina x’inhi r-rieda tiegħu għalina.

Ir-Riflessjoni-Talba

Dan il-mument mhuwiex mument fejn nispjegaw l-Evanġelju jew xi tfisser din is-silta. Ir-riflessjoni trid tkun talba fiha nfisha u bħallikieku qed tkellem lill-Mulej. Din ir-riflessjoni–talba trid tgħin lin-nies miġbura biex huma jħallu l-Kelma t’Alla tigwidhom fil-ħajja personali tagħhom.

Il-Parteċipazzjoni tal-Komunità

L-adorazzjoni hija talba liturġika, jiġifieri, il-qima tal-Poplu t’Alla miġbur. Għalhekk fil-waqt li hemm l-Ispirtu t’Alla li qed jgħaqqadna li u jitlob permezz tagħna, irridu nagħtu opportunità lill-komunità miġbura biex jipparteċipaw fit-talb, billi jagħmlu t-talb huma stess u/jew iwieġbu għal xi litanija, talb ta’ interċessjoni u talb ta’ maħfra u anke jieħdu sehem f’attivitajiet ta’ talb. Hawn tħat hawn xi eżempju ta’ attivitajiet ta’ talb:

Friendship Chain During this prayer one is asked to think of a friend, reflect on the good qualities of their friend and then thank God for them.

Forgiveness Stones In this prayer space one reflects on the good feeling of letting go and forgiving someone who caused pain.

Pipe Cleaner People This prayer space encourages one to think about, and if they want to, pray for someone special in thier lives in a fun and creative way by making a ‘pipe cleaner model’.

X’oġġetti għandi bżonn għall-adorazzjoni?

Fil-preparazzjoni tal-adorazzjoni, nħejju wkoll l-oġġetti li ser nużaw waqt l-Adorazzjoni lil Ġesù fl-Ewkaristija.

Hija ħaġa sabiħa li nsibu mument barra l-ħin tal-adorazzjoni biex nispjegaw lit-tfal l-oġġetti li għandna bżonn biex norganizzaw ħin ta’ adorazzjoni lil Ġesù fl-Ewkaristija u x’inhi t-tifsira tagħhom! Hawn taħt għandek xi għajnuniet.

L-Ewkaristija

Ġesù jinsab f’dik l-ostja bajda li jkollha forma ta’ ċirku abjad. Hija l-ħobż li fil-quddiesa sar il-ġisem, id-demm, ir-ruħ u d-divinità ta’ Ġesù. Meta nagħmlu adorazzjoni, Ġesù jkun qiegħed jieħġu gost ikun magħna, iħares lejna u jitkellem magħna.

L-Ostensorju

L-Ostensorju huwa dak l-ornament fejn is-saċerdot ipoġġi lil Ġesù fl-Ewkaristija biex nadurawh, nitolbuh u naqsmu l-ħsibijiet tagħna miegħu. Ġesù huwa Alla u ħabib speċjali. Għalhekk nagħtuh post speċjali! Ħafna drabi tkun tidher tad-deheb jew materjal sabiħ u jkollu l-għamla ta’ xemx bħala sinjal li Ġesù hu ċ-ċentru u li Hu qed jagħtina d-dawl għal ħajjitna. Dan jgħinna biex aħna niffukaw fuq l-Ewkaristija. Għal din ir-raġuni, armar ieħor bħall-fjuri, gandlieri u oġġetti oħra għandhom jkunu ftit ħafna ħalli l-attenzjoni tagħna tibqa’ fuq Ġesù.

Id-Dvalja bajda

Inpoġġu dvalja bajda fuq il-mejda fejn ser inpoġġu l-Ewkaristija. Dan bħala sinjal ta’ qima u rispett lejn l-Ewkaristija.

Ix-Xemgħat

Nagħmlu xi sitt xemgħat madwar l-ostensorju bl-Ewkaristija biex inżejnu l-ambjent. Ix-xemgħat ifakkarna li Ġesù huwa d-dawl tad-dinja u li aħna msejħin biex inkunu wkoll id-dawl tad-dinja.

Eżempju ta’ Adorazzjoni lil Ġesù Ewkaristija

Qabel l-adorazzjoni

• L-istudenti ser jimitaw lill-adulti. L-edukaturi għandhom ikunu mudelli ta’ kif wieħed għandu jġib ruħu waqt l-adorazzjoni.
• Stieden lill-istudenti iżommu s-silenzju, u jitfgħu l-attenzjoni kollha fuq Ġesù Ewkaristija. Enfassizza li dan huwa ħin “bejni u bejn Alla biss.”
• Tistgħu titolbu flimkien il-Jesus Prayer

Waqt il-ħin tal-adorazzjoni

• Kant ferrieħi u ta’ adorazzjoni
• Is-saċerdot jew id-djaknu jew xi persuna oħra li għandna l-permess tagħmel dan tpoġġi l-Ewkarisitja fl-ostensorju. Waqt li tesponi ikun hemm kant ta’ adroazzjoni.
• Ħames minuti silenzju
• Kant ta’ ġabra u li jgħin fir-riflessjoni
• Silta mill-Evanġelju jew Salm (Eżempju: Ġwanni 6:51-58, Mattew 26:26-28, 1 Korintin 11:23-26, Salm 34:8, Luqa 24:30-31)
• Ħames minuti silenzju
• Jekk tkun ta’ għajnuna, l-istudenti jistgħu jipparteċipaw f’attivitajiet ta’ talb biex jressqu t-talb tagħhom aħjar.
• L-istudenti jiġu mistiedna biex fuq il-Journal personali tagħhom, jiktbu dak li jixtiequ jgħidu lil Ġesù.
• Kant ta’ ferħ u konklużjoni

Talb u riflessjonijiet relatati mal-Ewkaristija

Kwotazzjonijiet dwar l-Ewkaristija

Carlo Acutis

“L-Ewkaristija hija t-triq li tagħti għall-Ġenna.”

“Li nkun dejjem kun magħqud ma’ Ġesù, dak hu l-pjan tal-ħajja tiegħi.”

“Jekk noqgħodu għax-xemx, teħodna….imma meta noqgħodu quddiem Ġesù Ewkaristija, aħna nsiru qaddisin.”

“Ġesù huwa l-akbar ħabib tiegħi.”

“Dejjem nista’ nafda kollox ma’ Ġesù. Nista’ ngerger, nistaqsih mistoqsijiet fis-skiet, ngħidlu x’minix nifhem.”

“Iktar ma nirċievu l-Ewkaristija, iktar nsiru bħal Ġesù, u b’hekk fid-dinja aħna ntiegħmul-Ġenna.”

“Li nkun dejjem qrib ta’ Ġesù, dak il-pjan tal-ħajja tiegħi.”

“Dawk li jirċievu l-Ewkaristija kuljum, imorru dritt il-Ġenna.”

“Ġesù Kristu jkellimna fil-ġewwieni tagħna, u aħna għandna nisimgħu minnu u mmorru warajH f’kollox.”

“Jekk noqogħdu quddiem Ġesù Ewkaristija spiss, nsiru qaddisin.”

“L-unika ħaġa li għandna nitolbu lil Alla, hija x-xewqa li nkunu qaddisin.”

St Maria Goretti

“L-Ewkaristija Mqaddsa hija l-espressjoni perfetta tal-imħabba ta’ Kristu għall-bniedem.”

St John Paul II

Ħalli lil Ġesù preżenti fl-Ewkaristija Mqaddsa jkellem lil qalbkom.”

“Mill-Ewkaristija toħroġ l-enerġija li taqsam il-ħajja Nisranija mal-oħrajn.”

St Peter Julian Eymard

“L-Ewkaristija hija l-prova ewlenija tal-imħabba ta’ Ġesù.”

“L-Ewkaristija Mqaddsa hija bħal maħżen mimlija b’kull virtu.”

“L-Ewkaristija hija, f’kelma waħda, l-Misteru l-kbir tal-fidi tagħna li għalih iwasslu l-veritajiet Insara kollha.”

St Peter of Alcantara

“Alla Sidna fl-Ewkaristija, għandu jdejh mimlijin grazzji.”

St John Marie Vianney

“There is nothing so great as the Eucharist.”

“M’hemm xejn daqshekk kbir daqs l-Ewkaristija.”

Papa Franġisku

“L-Ewkaristija hija essenzjali għalina: Hija Kristu li jixtieq jidħol fil-ħajja tagħna u jimliena bil-grazzja tiegħu.”

Madre Teresa

“Meta inti tħares lejn l-Ostja Mqaddsa tifhem kemm Ġesù qed iħobbok issa.”

“Ġesù għamel lilu nnifsu l-ħobż tal-Ħajja biex jagħtina l-ħajja.”

Santa Tereża ta’ Lisieux

“Ġesù jiġi jfittex tinda vojta ġewwa fina.”

Papa Benedittu XVI

“Fl-Ewkaristija, l-Iben ta’ Alla jiġi jiltaqa’ magħna u jkun jixtieq isir parti minna.”

Riflessjonijiet għaż-żgħażagħ waqt l-adorazzjoni

Il-Barka Sagramentali

Dal-misteru, għarkopptejna,
ejjew mela naduraw u
quddiem ir-riti ġodda
suriet qodma jispiċċaw;
bit-twemmin ġo qalbna nħossu
dak li s-sensi le jaraw.
Lill-Missier inroddu,
u ’l Iben b’qalbna kollha kull tifħir,
lejhom mat-tberik ta’ qalbna,
omħabbitna ‘l fuq ittir;
lill-Ispirtu li ġej minnhom ħajr ukoll,
xejn inqas kbir. Ammen.

Talba
Nitolbu. O Alla, inti f’dan is-sagrament tal-għaġeb ħallejtilna t-tifkira tal-passjoni tiegħek; agħtina, nitolbuk, li nqimu l-misteru tal-Ġisem u d-Demm tiegħek hekk li nħossu fina bla heda dak li rebbħitilna l-fidwa tiegħek. Inti, li tgħix u ssaltan għal dejjem ta’ dejjem. Ammen.

Tingħata l-Barka bis-Santissmu Sagrament.

Ikun imbierek Alla.
Imbierek l-Isem Imqaddes tiegħu.
Imbierek Ġesù Kristu, veru Alla u veru bniedem.
Imbierek l-Isem ta’ Ġesù.
Imbierka l-Qalb Imqaddsa tiegħu.
Imbierek id-Demm għażiż tiegħu.
Imbierek Ġesù fis-Santissmu Sagrament tal-artal.
Imbierek l-Ispirtu s-Santu Paraklitu.
Imbierka l-kbira Omm Alla Marija Santissima.
Imbierka l-Imqaddsa u Immakulata Konċezzjoni tagħha.
Imbierek it-tlugħ glorjuż tagħha fis-sema.
Imbierek l-Isem ta’ Marija Verġni u Omm.
Imbierek San Ġużepp għarus kastissimu tagħha.
Imbierek Alla fl-Anġli u l-Qaddisin kollha tiegħu.

Salm 116
Faħħru l-Mulej, intom ġnus kollha; *
sebbħuh, o popli kollha.
Għax kbira hi tjubitu magħna *
u kellmet il-Mulej tibqa’ għal dejjem.
Glorja lill-Missier u lill-Iben,*
u lill-Ispirtu s-Santu.
kif kien mill-bidu, issa u dejjem,*
u jibqa’ għal dejjem ta’ dejjem. Ammen.

Sliem għalik Marija, bil-grazzja mimlija, il-Mulej miegħek, imbierka inti fost in-nisa, u mbierek il-frott tal-ġuf tiegħek Ġesù. Qaddisa, Marija, Omm Alla, itlob għalina midinbin, issa u fis-siegħa tal-mewt tagħna. Ammen.

Riżorsi relatati

Prayer Wall In this prayer space one is encouraged to be one of the builders of a wall of faith by writing and sticking his prayer onto the wall.