Monday, 5th May 2025
 to Friday, 16th May 2025

School hours

Rabat Primary School

Year 3 students

During sessions of Soul Speak, the children are given the opportunity to train in the Writing Process, through imaginative and reflective activities that encourage them to pray creatively.

Sessjonijiet ta’ ‘Soul Speak -Titkellem Ruħna’ Jispiraw Kittieba Żgħar u Ħassieba Riflessivi

L-Iżvilupp Spiritwali fl-Iskejjel, f’kollaborazzjoni ma’ L-Aġenzija Nazzjonali tal-Litteriżmu, organizzaw b’suċċess erba’ sessjonijiet ta’ kitba, qari u riflessjoni bl-isem ta’ ‘Soul Speak -Titkellem Ruħna’ għal studenti tas-Sena 4.1 u Sena 4.2 fil-Kulleġġ San Nikola, Skola Primarja Anton Agius, Rabat. Dawn is-sessjonijiet interattivi taw opportunità unika lit-tfal biex jesploraw il-Proċess tal-Kitba u l-spiritwalment permezz ta’ attivitajiet kreattivi u riflessivi.

Ħarsa Ġenerali – Sessjoni 1-4

L-ewwel sessjoni ffokat fuq l-identità personali, fejn l-istudenti skoprew x’jagħmilhom uniċi u speċjali permezz ta’ attivita tal-marki tas-swaba’, kitba ħielsa, u storja animata bl-isem ‘Saba’ Uniku’. Wara l-brejk, l-istudenti kellhom mument ta’ meditazzjoni biex isibu sens ta’ paċi nterjuri. Wara esperjenzaw spazji ta’ talb marbutin mal-ħames sensi, akkumpanjati minn mużika fl-isfond. Is-sessjoni kompliet b’attivitajiet ta’ strateġija ta’ qabel il-kitba, fejn l-istudenti użaw is-sensi biex jiktbu dwarhom infushom, u ntemmet b’nota ta’ rispons.

It-tieni sessjoni, bit-tema tal-imħabba u l-ferħ li naqsmu flimkien, bdiet b’filmat qasir dwar l-attijiet ta’ tjubija. L-istudenti kellhom ħin għal kitba ħielsa, ħolqu basket tat-tjubija bl-użu tal-bank tal-kliem, u użaw strateġija oħra ta’ qabel il-kitba—mistoqsijiet ‘Wh’—biex jiktbu messaġġ ta’ tjubija lil xi ħadd għażiż għalihom. Wara esperjenzaw spazji ta’ talb fosthom ‘Pipe Cleaner People’, ‘Nistadu għat-Tjubija u ‘Naqbżu bil-Ferħ’. L-istudenti esprimew il-mumenti favoriti tagħhom fuq il-Journal tagħhom u kitbu dwaru.

It-tielet sessjoni ffukat fuq L-inkwiet u kif nitilqu. Din is-sessjoni fetħet bl-istorja animata ‘Il-Luzzu tan-Nannu’, segwita minn meditazzjoni. Wara esperjenzaw spazji ta’ talb li għinuhom jiktbu l-biżgħat tagħhom permezz ta’ ‘Dgħajjes ta’ Nkwiet’, ‘Ilma li Jirilassa’, u ‘Erfa’ l-Piż’. Wara l-brejk, it-tfal ingħataw strumenti biex idoqqu u jkantaw permezz ta’ filmat qasir bl-azzjonijiet. Dan serva ta’ spunt biex kitbu l-ewwel abbozz dwar kif jistgħu jkunu strument ta’ ferħ għall-oħrajn. Ħadmu f’pari biex jagħtu rispons lil xulxin dwar l-abozzi li kitbu u kellhom iċ-ċans li jirrevedu u jeditjaw il-kitba tagħhom.

L-aħħar sessjoni tkellimna dwar it-temi tal-ħbiberija u l-kunflitti. L-istudenti għamlu mima tal- istorja animata bl-isem ta’ Kastell fir-Ramel, fejn raw li meta wieħed jaħfer, terġa tinbet il-ħbiberija. L-istudenti bnew kastelli tar-ramel ukoll.

Wara l-brejk, l-istudenti għamlu mument ta’ meditazzjoni. Komplew jirriflettu fuq l-ispazji ta’ talb ‘Katina ta’ Ħbiberija, ‘Ramel ta’ Maħfra’, u ‘Talb Jigsaw’. Kitbu l-ħsibijiet tagħhom fuq il-Journal u min xtaq, qasam il-kitba tiegħu mal-oħrajn.

Fl-aħħar ta’ din is-sessjoni, l-istudenti mlew ir-rota tal-Proċess tal-Kitba, bil-ħames stadji tal-kitba. L-istrateġija tas-‘Siġġu tal-Awtur’ tat spazju lill-istudenti biex jippreżentaw il-kitbiet u r-riflessjonijiet tagħhom quddiem il-klassi kollha. Is-sessjonijiet ingħalqu b’ċelebrazzjoni fejn l-istudenti ngħataw ċertifikat bħala rikonoxximent tal-parteċipazzjoni tagħhom.

Esperjenza li Tħalli Effett

Is-sessjonijiet ‘Soul Speak-Titkellem Ruħna’ kienet esperjenza b’saħħitha li għaqqdet l-iżvilupp tal-litteriżmu mat-tkabbir personali u spiritwali.

X’qalu l-għalliema:

  • “Is-sessjonijiet kienu interessanti ħafna. L-istudenti kienu mħeġġa biex jipparteċipaw fl-attivitajiet kollha u ħerqana għall-attivitajiet ta’ talb interattiv u kreattiv.”
  • “Il-ħaddiema pastorali kienu paċenzjużi ħafna u ppreparati tajjeb.”

X’qalu t-tfal:

  • “Ħadt gost ħafna bl-attivitajiet kollha tat-talb, l-istejjer, il-journaling u l-pożittività. Ħadt gost nikteb stejjer u npinġi fil-Journal tiegħi.”
  • “Għoġobni l-mument meta dħalna ġewwa d-dgħajsa u ktibna l-inkwiet tagħna fuq dgħajjes tal-karti.”
  • “Għoġbitni t-teknika tar-rispons bejn il-pari biex nirrevedi l-kitba tiegħi.”
  • “Ħadt gost bl-istorja Kastell fir-Ramel u r-rwol li ħadt. Li tgħid skuża u terġa’ ssir ħbieb hija tal-għaġeb.”

It-tim tal-SDS jirringrazzja mill-qalb lill-Kap tal-iskola , l-SLT, l-għalliema u l-edukaturi għall-appoġġ u d-dedikazzjoni tagħhom biex dawn is-sessjonijiet ikunu ta’ suċċess. Radd ta’ ħajr speċjali lil Fr Joe Mizzi, Religious Counsellor tal-iskola.

In collaboration with The National Literacy Agency, Spiritual Development in Schools will organise four ‘Soul Speak (Titkellem Ruħna)’ writing, reading, and reflection sessions for Year 3 students at St Nicholas College, Anton Agius Primary School, Rabat. These engaging sessions will allow children to explore the Writing Process through imaginative and reflective activities while deepening their understanding of spirituality.

This event is part of the Soul Speak programme.